কেন্দ্ৰীয় বন্দৰ, জাহাজ পৰিবহণ আৰু জলপথ মন্ত্ৰী সৰ্বানন্দ সোণোৱালে আজি দিল্লী স্কুল অৱ ইক'নমিকছত দুখন গুৰুত্বপূৰ্ণ বুজাবুজিৰ চুক্তি বিনিময় কৰি ভাৰতৰ সামুদ্ৰিক খণ্ডৰ অৰ্থনৈতিক বিকাশৰ ক্ষেত্ৰত থকা পৰিৱৰ্তনশীল সম্ভাৱনাৰ কথা উল্লেখ কৰে।

দিল্লী বিশ্ববিদ্যালয় আৰু উন্নয়নশীল দেশসমূহৰ বাবে গৱেষণা আৰু তথ্য প্ৰণালীৰ সামুদ্ৰিক অৰ্থনীতি আৰু সংযোগ কেন্দ্ৰৰ মাজত স্বাক্ষৰিত এই বুজাবুজিৰ চুক্তিৰ লক্ষ্য হৈছে ভাৰতৰ দীৰ্ঘম্যাদী সামুদ্ৰিক দৃষ্টিভংগীৰ সৈতে সামঞ্জস্য ৰাখি সামুদ্ৰিক শিক্ষা, গৱেষণা আৰু ক্ষমতা নিৰ্মাণক শক্তিশালী কৰা।

"নীলা অৰ্থনীতিঃ বিকশিত ভাৰত গঢ়াৰ প্ৰয়োজনীয়তা" শীৰ্ষক এক আলোচনা চক্ৰত ভাষণ প্ৰদান কৰি কেন্দ্ৰীয় মন্ত্ৰী সৰ্বানন্দ সোণোৱালে কয়, "যিদৰে আমি বিকশিত ভাৰত গঢ়াৰ দিশে অগ্ৰসৰ হৈছো, সেইদৰে ভাৰতৰ অৰ্থনৈতিক বিকাশ, বাণিজ্যিক প্ৰতিযোগিতামূলক আৰু বহনক্ষম উন্নয়নত সামুদ্ৰিক খণ্ডই অধিক পৰিৱৰ্তনশীল ভূমিকা পালন কৰিব। এই বুজাবুজিৰ চুক্তিৰ মূল উদ্দেশ্য হৈছে সামুদ্ৰিক প্ৰতিভা ক্ষেত্ৰ শক্তিশালী কৰি তোলাৰ জৰিয়তে আমি এক শক্তিশালী পৰিস্থিতিতন্ত্ৰ গঢ়ি তুলিছো যিয়ে গুণগত মান আৰু পৰিসৰত বিশ্বমানৰ সামুদ্ৰিক পেছাদাৰীসকলৰ ক্ৰমবৰ্ধমান চাহিদা পূৰণ কৰিব, , যি ক্ষেত্ৰত ভাৰতক বিশ্বৰ অগ্ৰণী হিচাপে প্ৰতিষ্ঠা কৰিব। প্ৰধানমন্ত্ৰী নৰেন্দ্ৰ মোদীৰ দৃষ্টিভংগীৰ অধীনত ভাৰতে শিক্ষা, নীতি আৰু উদ্ভাৱনক একত্ৰিত কৰি বিশ্ব সামুদ্ৰিক নেতৃত্বৰ ৰূপত আত্মপ্ৰকাশ কৰিছে।

ভাৰতৰ কৌশলগত সামুদ্ৰিক সুবিধাসমূহৰ ওপৰত আলোকপাত কৰি মন্ত্ৰীগৰাকীয়ে কয় যে ১১,০০০ কিলোমিটাৰৰো অধিক দীঘল উপকূল আৰু ১১১নং ৰাষ্ট্ৰীয় জলপথৰ সৈতে সামুদ্ৰিক পৰিস্থিতিতন্ত্ৰ শক্তিশালী কৰাটো এক ৰাষ্ট্ৰীয় প্ৰয়োজনীয়তা। সোণোৱালে গুৰুত্ব আৰোপ কৰে যে সাগৰ আৰু মহাসাগৰ নীতিৰ দ্বাৰা পৰিচালিত চৰকাৰৰ সামুদ্ৰিক দৃষ্টিভংগীয়ে আঞ্চলিক সহযোগিতা, সামুদ্ৰিক সুৰক্ষা আৰু সমৃদ্ধিৰ প্ৰতি দায়বদ্ধতা প্ৰতিফলিত কৰে।

এই বুজাবুজিৰ চুক্তিৰ জৰিয়তে শিক্ষাবিদ আৰু নীতি নিৰ্ধাৰণকাৰী প্ৰতিষ্ঠানসমূহৰ মাজত আন্তঃবিভাগীয় সহযোগিতাক প্ৰোৎসাহিত কৰাৰ লগতে দক্ষতা বিকাশ, সক্ষমতা বৃদ্ধি আৰু গৱেষণাত গুৰুত্ব আৰোপ কৰা হ'ব। সহযোগিতাৰ মুখ্য ক্ষেত্ৰসমূহ হৈছে সামুদ্ৰিক পাঠ্যক্ৰমৰ বাবে শৈক্ষিক পৰিকাঠামো, যুটীয়া গৱেষণা প্ৰকল্প, প্ৰশিক্ষণ কাৰ্যসূচী, জ্ঞান প্ৰচাৰ আৰু ছাত্ৰ-ছাত্ৰীসকলৰ বাবে বৃত্তিগত পৰামৰ্শ প্ৰদান।

সোণোৱালে এই সহযোগিতাক এক "ভৱিষ্যতমুখী পদক্ষেপ" বুলি অভিহিত কৰে, যিয়ে শৈক্ষিক আৰু উদ্যোগৰ মাজত সেতুবন্ধন স্থাপন কৰি ভাৰতৰ সম্প্ৰসাৰিত সামুদ্ৰিক খণ্ডৰ সৈতে জড়িত হ'বলৈ যুৱক-যুৱতীসকলক সুযোগ প্ৰদান কৰে। জাহাজ পৰিবহণ মন্ত্ৰীয়ে কয় যে মানৱ সম্পদ ভাৰতৰ সামুদ্ৰিক উচ্চাকাংক্ষাৰ কেন্দ্ৰবিন্দু হ'ব। বিগত ১২ বছৰত দেশৰ সামুদ্ৰিক কৰ্মশক্তি প্ৰায় তিনিগুণ বৃদ্ধি পাইছে আৰু এতিয়া বিশ্ব সামুদ্ৰিক কৰ্মশক্তিৰ প্ৰায় ১২% হৈছে আৰু ২০৩০ চনৰ ভিতৰত এই হাৰ ২০% লৈ বৃদ্ধি কৰাৰ লক্ষ্য নিৰ্ধাৰণ কৰা হৈছে। "দিল্লী বিশ্ববিদ্যালয় আৰু চিএমইচিৰ মাজত সামুদ্ৰিক শিক্ষা, গৱেষণা আৰু দক্ষতা বিকাশৰ বাবে বুজাবুজিৰ চুক্তিপত্ৰ", সোণোৱালে এইদৰে কয়।

কেন্দ্ৰীয় মন্ত্ৰীগৰাকীয়ে লগতে উল্লেখ কৰে যে ভাৰতৰ সামুদ্ৰিক পৰিৱৰ্তন সমন্বিত পদ্ধতিৰ দ্বাৰা পৰিচালিত হৈছে য'ত বন্দৰ আধুনিকীকৰণ, বহুমুখী সংযোগ, বহনক্ষমতা উদ্যোগ আৰু ডিজিটেলকৰণ অন্তৰ্ভুক্ত কৰা হৈছে। তেওঁ এই বিকাশৰ পথত আগুৱাই যোৱাৰ ক্ষেত্ৰত সাগৰমালা আৰু মেৰিটাইম অমৃত কাল ভিজন ২০৪৭ৰ দৰে প্ৰধান কাৰ্যসূচীসমূহৰ কথা উল্লেখ কৰে।

এই সহযোগিতাই ছাত্ৰ-ছাত্ৰী আৰু গৱেষকসকলৰ বাবে সামুদ্ৰিক লজিষ্টিক, সেউজ জাহাজ পৰিবহণ, যোগান শৃংখলা ব্যৱস্থাপনা আৰু সামুদ্ৰিক নীতিৰ দৰে ক্ষেত্ৰসমূহত নতুন পথ মুকলি কৰিব বুলি আশা কৰা হৈছে, যাতে এক বহনক্ষম আৰু বিশ্ব প্ৰতিযোগিতামূলক নীলা অৰ্থনীতিৰ বিস্তৃত দৃষ্টিভংগীত অৱদান আগবঢ়াব পাৰে।

এই অনুষ্ঠানত ৰাজহুৱা নীতি গৱেষণা আৰু প্ৰশিক্ষণত যুটীয়া কাৰ্যসূচীৰ প্ৰসাৰৰ বাবে আৰআইএছ আৰু দিল্লী স্কুল অৱ ইক'নমিকছৰ (ডিএছই) মাজত এক অতিৰিক্ত বুজাবুজিৰ চুক্তিপত্ৰ বিনিময় কৰা হয়।

ভাৰতৰ সামুদ্ৰিক খণ্ডত শিক্ষা, গৱেষণা আৰু নীতি একত্ৰিত কৰাৰ দিশত এক গুৰুত্বপূৰ্ণ পদক্ষেপ হিচাপে পৰিগণিত এই অনুষ্ঠানত জ্যেষ্ঠ বিষয়া, শিক্ষাবিদ, শিক্ষক আৰু ছাত্ৰ-ছাত্ৰীসকলে অংশগ্ৰহণ কৰে।

 

***

Mahesh Iyengar/Indu Yadav/DB

(ৰিলিজ আই ডি : 2255468) অতিথি কক্ষ : 7