मुंबई, 24 एप्रिल 2026

 

भारतीय मानक ब्युरोच्या (बीआयएस), मुंबई शाखा कार्यालयाने आज पश्चिम प्रादेशिक प्रयोगशाळा, अंधेरी (पूर्व), मुंबई येथे मसुदा भारतीय मानक 694 — 1100 V पर्यंतच्या रेटेड व्होल्टेजसाठी कठीण आणि लवचिक कंडक्टरसह पॉलीविनाइल क्लोराइड इन्सुलेटेड अनशीथेड आणि शीथेड केबल्स/कॉर्ड्स (पाचवी सुधारणा) यावर मानक मंथन-सह-उद्योग मेळाव्याचे आयोजन केले होते.

कार्यक्रमाची सुरुवात अद्भुत सिंग, वैज्ञानिक ‘ई’, बीआयएस पश्चिम प्रादेशिक प्रयोगशाळा यांच्या स्वागतपर भाषणाने झाली. त्यानंतर बीआयएस पश्चिम प्रादेशिक प्रयोगशाळेचे प्रमुख अनिल कापरी यांनी उद्घाटनपर भाषण केले.

उपसंचालक रघु ज्योत्स्ना प्रिया आणि उपसंचालक ऋषिकेश घोडके यांनी तांत्रिक सत्रे घेतली. या सत्रांमध्ये भारतीय मानक 694 च्या मसुद्याचा आढावा, त्यात केलेले प्रमुख बदल, चाचणीच्या आवश्यकता आणि अनुरूपता मूल्यांकन प्रक्रिया यांचा समावेश होता.

कार्यक्रमाचा एक महत्त्वाचा भाग अनुरूपता मूल्यांकनावर केंद्रित होता, ज्याचा उद्देश अनुपालनाची सुलभता वाढवणे आणि बीआयएस प्रमाणनामध्ये एम एस एम ई युनिट्सच्या व्यापक सहभागास प्रोत्साहन देणे हा होता.

या उद्योग मेळाव्याने बीआयएस अधिकारी आणि उद्योग क्षेत्रातील भागधारकांमध्ये खुल्या संवादासाठी एक व्यासपीठ उपलब्ध करून दिले, ज्यामुळे विचारांची देवाणघेवाण, अंमलबजावणीदरम्यान येणारी आव्हाने आणि मानकाच्या सुधारणेसाठीच्या सूचना यांची देवाणघेवाण करणे शक्य झाले.

सहभागींकडून मिळालेल्या सकारात्मक प्रतिसादाने कार्यक्रमाची सांगता झाली, ज्यामुळे मानक, चाचणी आवश्यकता, प्रमाणीकरण प्रक्रिया आणि भारतीय मानकांविषयीची एकूण जागरूकता वाढवण्यासाठी या सत्राची उपयुक्तता अधोरेखित झाली. मानकीकरण, गुणवत्ता हमी आणि ग्राहक सुरक्षेला प्रोत्साहन देण्याच्या दृष्टीने उद्योगांसोबत असे उपक्रम राबविण्यास बीआयएस कटिबद्ध आहे.

 

* * *

पीआयबी मुंबई | शैलेश पाटील/नंदिनी मथुरे/दर्शना राणे

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2255435) अभ्यागत कक्ष : 48