قومی راجدھانی خطے (این سی آر) اور ملحقہ علاقوں میں ہوا کے میعار کے بندوبست سے متعلق کمیشن (سی اے کیو ایم)نے 22 اپریل 2026 کو دہلی میں ایک معائنہ مہم چلائی ، جس میں فضائی آلودگی میں اضافہ کرنے والی سڑک کی دھول کی سطح کا اندازہ لگانے پر توجہ مرکوز کی گئی اوراس بات کا جائزہ لیا گیا کہ سڑک کی صفائی –ستھرائی اور جھاڑو لگانے کی کارروائیاں  کس حدتک مؤثر ثابت ہو رہی ہے۔

یہ معائنہ کمیشن کی تشکیل کردہ پانچ (05) فلائنگ اسکواڈ ٹیموں نے کیا ۔ ٹیموں نے دہلی کے تین زونوں  یعنی سول لائنز ، قرول باغ  اور مغربی دہلی ، جو دہلی میونسپل کارپوریشن (ایم سی ڈی) کے دائرہ اختیار میں آتے ہیں ، میں وسیع پیمانے پر علاقائی جائزہ لیا گیا ۔

معائنہ کرنے والی ٹیموں کے مجموعی نتائج کی بنیاد پر مہاکوی گوسوامی تلسی داس مارگ ، کیشوپور روڈ ، نجف گڑھ روڈ ، ویدک مارگ ، ست گرو رام سنگھ مارگ ، رنگ روڈ پنجابی باغ ، بابا رام دیو مارگ ، ملکا گنج روڈ ، رام لال کپور مارگ ، شانتی سوروپ تیاگی مارگ ، آزاد پور روڈ ، بھلسوا ڈیری روڈ اور فیض روڈ سمیت مختلف سڑکوں پر دھول سے متعلق خلاف ورزیوں کے کل 34 معاملے سامنے آئے۔

یہ بنیادی طور پر سڑک کی دھول کی اعلی سطح اور معائنہ شدہ زونوں میں متعدد مقامات پر سی اینڈ ڈی فضلہ کے جمع ہونے سے متعلق ہیں ۔ اس طرح کے حالات کی موجودگی معمول کی سڑک کی صفائی ، دھول کو کم کرنے کے اقدامات اور فضلہ کو بروقت ہٹانے میں کمیوں کی نشاندہی کرتی ہے ، یہ سب فضائی آلودگی کے مقامی ذرائع کو کم کرنے کے لیے انتہائی اہم ہیں ۔

کمیشن نے متعلقہ حکام ، خاص طور پر ایم سی ڈی کو دھول پر قابو پانے کے اقدامات کے زمینی نفاذ کو مضبوط کرنے کی ہدایت دی ہے ، جس میں سڑکوں کی باقاعدگی سے میکانائزڈ طریقے سے جھاڑو لگانے کو یقینی بنانا ، پانی کا موثر چھڑکاؤ ، سی اینڈ ڈی فضلہ کو فوری طور پر ہٹانا اور غیر مجاز طور پر فضلہ کو پھینکنے کے خلاف سخت کارروائی کو یقینی بنانا شامل ہیں ۔

سی اے کیو ایم نے اس بات پر زور دیا ہے کہ سڑک کی دھول اور غلط طریقے سے ٹھکانے لگایا گیا سی اینڈ ڈی فضلہ ذرات کی آلودگی، خاص طور پر شہری ماحول میں، اہم معاون ہیں ۔ کمیشن نے متعلقہ ایجنسیوں کو مشورہ دیا ہے کہ وہ ایک فعال اور مستقل نقطہ نظر اپنائیں ، جس میں خامیوں کے لیے جوابدگی طے کرنا ، نگرانی کے طریقہ کار کو بڑھانا اور مقررہ رہنما خطوط اور قانونی ہدایات کی سختی سے تعمیل کو یقینی بنانا شامل ہے ۔

کمیشن نے اس بات کا اعادہ کیا کہ 'آپریشن کلین ایئر' کے تحت اس طرح کے معائنہ اور نفاذ کی مہمات دہلی-این سی آر میں مقامی فضائی آلودگی کے ذرائع کی شناخت اور ان کو کم کرنے کے لیے باقاعدگی سے جاری رہیں گی ۔ کمیشن تمام متعلقہ ایجنسیوں کے ساتھ قریبی ہم آہنگی سے کام کر رہا ہے تاکہ قانونی ہدایات پر سختی سے عمل ، جی آر اے پی اقدامات کے موثر نفاذ اور خطے میں فضائی آلودگی کو کم کرنے کو یقینی بنایا جا سکے ۔

 

***************

(ش ح۔م ش۔م ش)

U:6247

(ریلیز آئی ڈی: 2255212) وزیٹر کاؤنٹر : 6