پوشن پکھواڑہ  کی جاری سرگرمیوں کے ضمن میں  میزورم کے ضلع مامیت میں رائیک آئی سی ڈی ایس پروجیکٹ کے تحت آنگن واڑی سنٹر میں نیچر واک ڈے کا کامیابی سے اہتمام  کیا گیا۔ اس اقدام کا مقصد ابتدائی بچپن کی تعلیم کو فروغ دینا اور چھوٹے بچوں میں قدرتی ماحول کے بارے میں آگہی پیدا کرنا ہے۔

فطرت کی سیر کی سرگرمی کے دوران، بچوں کو آنگن واڑی کے ملازمین ، معاونین اور والدین کے ساتھ، قریبی علاقے کے ارد گرد مختصر سیر پر لے جایا گیا۔ اس سیر سے بچوں کو تجرباتی طور پر سیکھنے کا موقع فراہم ہوا جہاں بچوں کو درختوں، پھولوں، پرندوں، تالابوں، کنویں اور پتھروں سمیت فطرت کے مختلف عناصر سے متعارف کرایا گیا۔

بچوں کی حوصلہ افزائی کی گئی کہ وہ اپنے اردگرد کے رنگوں، آوازوں اور اشکال کا قریب سے مشاہدہ کریں،جس سے  ان کی حسی نشوونما اور علمی صلاحیتوں کو متحرک کرنے میں مدد ملے گی۔ سیر کی سرگرمی کی عملی نوعیت سےبچوں میں جستجو کو فروغ ملا، مشاہدے کی صلاحیتوں کو بڑھایا  گیا اور بچوں میں فطرت کی قدردانی اور محبت کا جذبہ پیدا کیا گیا۔

پوشن پکھواڑہ کے تحت اس طرح کی سرگرمیاں ابتدائی بچپن کی دیکھ بھال اور تعلیم کے ساتھ تغذیہ سے متعلق آگاہی کو مربوط کرکے بچوں کی مجموعی نشوونما میں اہم کردار ادا کرتی ہیں۔ والدین کی شمولیت سے بچوں کے لیے ماحول کی پرورش کی اہمیت کے حوالے سے معاشرے کی شرکت اور بیداری کو مزید تقویت ملی۔

رائیک آئی سی ڈی ایس پروجیکٹ میں نیچر واک ڈے (فطرت کی سیر) کو خوب پذیرائی ملی اور یہ بامعنی اور بھرپور تجربہ ثابت ہوا، جس نے بچوں کی مجموعی نشوونما میں مثبت کردار ادا کیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔  م ش ع۔ع ن)

U. No. 6253

(ریلیز آئی ڈی: 2255196) وزیٹر کاؤنٹر : 6