الیکٹرانکس اور انفارمیشن ٹیکنالوجی کی وزارت کے تحت نیشنل ای - گورننس ڈویژن (این ای جی ڈی) نے ڈیفنس انسٹی ٹیوٹ آف ایڈوانسڈ ٹیکنالوجی (ڈی آئی اے ٹی) اور ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) کے تعاون سے سینٹرل انڈس اے ٹی ایف کے افسران کے لیے 5 روزہ ایڈوانسڈ اینٹی  ڈرون تربیتی پروگرام کا کامیابی سے انعقاد کیا۔ یہ پہلا ایسا گہرا، ٹیکنالوجی پر مبنی جدید تربیتی پروگرام ہے جو خاص طور پر قومی سلامتی اور بنیادی ڈھانچے کے  کلیدی  تحفظ میں مصروف عملہ کے لیے ڈیزائن کیا گیا ہے۔

پروگرام کا افتتاح ڈی آئی اے ٹی کے وائس چانسلر ڈاکٹر بی ایچ وی ایس نارائن مورتی  جنہوں نے تزویراتی- اسٹریٹجک  اثاثوں کے تحفظ میں بغیر پائلٹ فضائی نظام ( یو اے ایس) کی صلاحیتوں کی بڑھتی ہوئی اہمیت کو اجاگر کیا۔ اس تربیت میں ڈی آئی اے ٹی اور ڈی آر ڈی او کے فیلڈ ماہرین کے ذریعے ڈرون کا پتہ لگانے، ٹریکنگ،  تحقیق اور غیرجانبدارانہ سیشن شامل تھے۔

این ای جی ڈی کے صلاحیت سازی کے منصوبے کے ایک حصے کے طور پر- یہ پروگرام سی آئی ایس ایف افسران کو  اینٹی د ڈرون سسٹم، خطرے کے ردعمل کے فریم ورک اور حقیقی وقت کے منظر نامے کے انتظام میں آپریشنل مہارت سے لیس کرنے کے لیے ڈیزائن کیا گیا تھا۔ تربیت میں جدید ماڈیولز شامل تھے جیسے‘دشاتمک’ اور ہمہ جہتی جیمنگ تکنیک، کیمرہ پر مبنی نظام،  تھری ڈی  ڈرون ٹریجیکٹری تجزیہ اور عملی یو اے ایس نیوٹرلائزیشن مشقیں جو حقیقی دنیا کا آپریشنل تجربہ فراہم کرتی ہیں۔

اس پروگرام کو ڈی آر ڈی او سے فعال تعاون حاصل ہوا، جس میں ڈی آئی اے ٹی خصوصی بنیادی ڈھانچہ،  مصنوعی  ماحول اور ماہر فیکلٹی فراہم کرتا ہے تاکہ سیکھنے کے جامع تجربے کو یقینی بنایا جا سکے۔ یہ اقدام صلاحیت کی تعمیر کے شعبے میں ایک اہم سنگ میل کی نمائندگی کرتا ہے اور فرنٹ لائن سکیورٹی فورسز کی ٹیکنالوجی کی تیاری کو مضبوط بنانے کے لیے این ای جی ڈی کے عزم کو ظاہر کرتا ہے۔ این ای جی ڈی ہندوستان کے سکیورٹی ماحولیاتی نظام کے لیے اہم ابھرتی ہوئی ٹیکنالوجیز میں جدید صلاحیتوں کی تعمیر کے لیے قومی سلامتی ایجنسیوں اور سرکردہ تکنیکی اداروں کے ساتھ تعاون جاری رکھے گا۔

********

 

ش ح- ظ الف-م ع

UR-6205

                          

(ریلیز آئی ڈی: 2254772) وزیٹر کاؤنٹر : 14