قومی دارالحکومت خطہ اور اس سے ملحقہ علاقوں میں فضائی معیار کے انتظام کے کمیشن (سی اے کیو ایم) کی نفاذی ٹاسک فورس (ای ٹی ایف) کا 129واں اجلاس 17.04.2026 کو منعقد ہوا، جس میں 27.03.2026 سے 10.04.2026 تک کے رپورٹنگ عرصے کے دوران قومی دارالحکومت خطے میں کیے گئے نفاذی اقدامات اور معائنہ جات کا جائزہ لیا گیا۔ اس 15 روزہ مدت میں 162 معائنہ جات کیے گئے اور مختلف اہم شعبوں میں 64 خلاف ورزیاں رپورٹ ہوئیں۔

یہ معائنہ جات کمیشن کی فلائنگ ٹیموں کے ذریعے کیے گئے، جن میں تعمیر و انہدام (سی اینڈ ڈی) کے مقامات پر 25، صنعتی شعبے میں 28 اور ڈیزل جنریٹر سیٹوں سے متعلق 109 معائنہ جات شامل تھے۔ مجموعی طور پر 64 خلاف ورزیاں سامنے آئیں، جن میں 14 تعمیر و انہدام کے مقامات سے، 08 صنعتی شعبے سے اور 42 ڈیزل جنریٹر سیٹوں سے متعلق تھیں۔

معائنہ رپورٹس کی بنیاد پر 09 یونٹس کو بند کرنے کی تجویز دی گئی، 18 یونٹس کے ڈیزل جنریٹر سیٹ سیل کرنے کی سفارش کی گئی، 11 یونٹس کو وجہ بتاؤ نوٹس جاری کیے گئے اور 06 یونٹس پر ماحولیاتی معاوضہ عائد کیا گیا۔ ٹاسک فورس نے 02.04.2026 کو منعقدہ گزشتہ اجلاس کے بعد کی کارروائیوں کا بھی جائزہ لیا۔ اس عرصے کے دوران مجموعی طور پر 46 خطوط (بندش/نوٹس/سیلنگ/ماحولیاتی معاوضہ) جاری کیے گئے، جن میں 09 صنعتی شعبے، 06 تعمیر و انہدام مقامات اور 31 ڈیزل جنریٹر سیٹوں سے متعلق تھے۔

ٹاسک فورس نے خصوصی نفاذی مہمات کا بھی جائزہ لیا، جن میں 07.04.2026 کو میونسپل کارپوریشن گروگرام میں سڑکوں کی دھول پر قابو پانے سے متعلق معائنہ جات شامل تھے، جہاں مختلف علاقوں کا جائزہ لیا گیا اور 126 خلاف ورزیاں سامنے آئیں۔ متعلقہ بلدیاتی حکام کو ہدایت دی گئی کہ وہ ضروری اصلاحی اقدامات کریں، خصوصاً بار بار خلاف ورزی کی صورت میں وجہ بتاؤ نوٹس جاری کریں۔

ٹاسک فورس نے ترجیحی شعبوں میں مؤثر نفاذ کی ضرورت پر زور دیا، خاص طور پر ڈیزل جنریٹر سیٹوں، تعمیر و انہدام سرگرمیوں، صنعتی اخراج اور سڑکوں کی دھول کے انتظام کے حوالے سے۔ اس نے ادارہ جاتی ہم آہنگی کو مضبوط بنانے اور بعد ازاں کارروائیوں کو تیز کرنے پر بھی زور دیا تاکہ زمینی سطح پر مؤثر عمل درآمد یقینی بنایا جا سکے۔

اس کے علاوہ 17.04.2026 تک مجموعی نفاذی صورتحال کا بھی جائزہ لیا گیا۔ بتایا گیا کہ اب تک کمیشن کی ٹیموں نے 26,834 یونٹس/منصوبوں/اداروں کا معائنہ کیا ہے۔ ان معائنہ جات کی بنیاد پر 1,765 بندش کے احکامات جاری کیے گئے، جن میں سے 1,349 یونٹس کو ضوابط کی تعمیل کی تصدیق کے بعد دوبارہ کام شروع کرنے کی اجازت دی گئی۔ 123 معاملات متعلقہ ریاستی آلودگی کنٹرول بورڈز/دہلی آلودگی کنٹرول کمیٹی کو حتمی فیصلے کے لیے منتقل کیے گئے، جبکہ 293 یونٹس اب بھی جانچ کے مرحلے میں ہیں۔

کمیشن نے اس بات کا اعادہ کیا کہ مضبوط نفاذ، بہتر اعداد و شمار کی درستگی، ادارہ جاتی ہم آہنگی میں اضافہ اور ماحولیاتی ضوابط کی سختی سے پابندی فضائی آلودگی میں مؤثر کمی کے لیے نہایت ضروری ہیں۔ اس نے معائنہ جاتی نظام کی کارکردگی بہتر بنانے، ہر سطح پر جوابدہی یقینی بنانے اور نفاذی کارروائیوں کو تیز کرنے پر مسلسل توجہ دینے کی ضرورت پر زور دیا تاکہ فضائی معیار میں پائیدار بہتری حاصل کی جا سکے۔

******

ش ح۔ ش ا ر۔ ول

Uno-6029

(ریلیز آئی ڈی: 2253405) وزیٹر کاؤنٹر : 9