سماجی انصاف و تفویضِ اختیارات کے محکمہ، حکومتِ ہند کے تحت ڈی نوٹیفائیڈ، خانہ بدوش اور نیم خانہ بدوش برادریوں کی ترقی و بہبود بورڈ (ڈی ڈبلیو بی ڈی این سی) نے 26–2025 کے دوران ڈی این ٹی برادریوں کے اقتصادی بااختیار بنانے کی اسکیم (سیڈ) کے تحت ایک نمایاں کارکردگی رپورٹ کی ہے۔ یہ بورڈ تعلیم، روزگار، رہائش اور صحت کے شعبوں میں جامع حکمتِ عملی کے ذریعے ڈی این ٹی، این ٹی اور ایس این ٹی برادریوں کی ترقی کے لیے کام کر رہا ہے۔

مالی سال 26–2025 کے دوران تعلیمی بااختیاری کے تحت 26.75 کروڑ روپے تقسیم کیے گئے، جو پچھلے مالی سال کے مقابلے میں 402.8 فیصد سے زائد اضافہ ہے۔ اس کے ساتھ ساتھ مستفید ہونے والوں کی تعداد بڑھ کر 4,485 ہو گئی، جو گزشتہ سال کے مقابلے میں 714 فیصد کا غیر معمولی اضافہ ظاہر کرتی ہے۔

روزگار کے شعبے میں بورڈ نے 16 کروڑ روپے خرچ کیے، جس سے 64,701 افراد کو فائدہ پہنچا اور سالانہ بنیاد پر 220 فیصد سے زائد اضافہ ریکارڈ کیا گیا۔ اس کے نتیجے میں آٹھ ریاستوں میں 5,623 اپنی مدد آپ گروپ تشکیل دیے گئے، جس سے مقامی سطح پر کاروباری سرگرمیوں اور معاشی استحکام کو فروغ ملا۔

صحت کے شعبے میں 73,569 آیوشمان بھارت کارڈ جاری کیے گئے، جو گزشتہ سال کے مقابلے میں 419 فیصد سے زائد اضافہ ہے، اور اس سے ملک کی پسماندہ برادریوں کے لیے صحت کی سہولیات تک رسائی میں نمایاں بہتری آئی ہے۔

یہ نمایاں پیش رفت اس بات کی عکاسی کرتی ہے کہ سیڈ اسکیم تعلیم، روزگار اور صحت کے شعبوں میں ڈی این ٹی برادریوں کی مؤثر بااختیاری میں اہم کردار ادا کر رہی ہے۔

ڈی ڈبلیو بی ڈی این سی پورے ملک میں ڈی این ٹی برادریوں کی ہمہ جہت اور پائیدار ترقی کے لیے تعلیم، روزگار، رہائش اور صحت پر مسلسل توجہ کے ساتھ اپنے عزم کو برقرار رکھے ہوئے ہے۔

************

ش ح ۔   م  د ۔  م  ص

(U :6024  )

(ریلیز آئی ڈی: 2253379) وزیٹر کاؤنٹر : 7