وزارتِ الیکٹرانکس و اطلاعاتی ٹیکنالوجی (ایم ای آئی ٹی وائی)، حکومتِ ہند نے ٹیکنالوجی اور پالیسی ماہرین کمیٹی (ٹی پی ای سی) قائم کی ہے، جو ایک مستقل ماہر مشاورتی ادارہ ہے اور حال ہی میں تشکیل دیے گئے اے آئی گورننس اینڈ اکنامک گروپ  کی معاونت کے لیے خصوصی تکنیکی، پالیسی اور اسٹریٹجک مہارت فراہم کرے گا۔

بطور مشاورتی ادارہ، یہ کمیٹی اے آئی جی ای جی کو پالیسی سازی، ضابطہ جاتی اقدامات اور بین الاقوامی فورمز پر اے آئی گورننس سے متعلق معاملات میں باخبر فیصلے کرنے کے لیے ماہرانہ رہنمائی فراہم کرے گی۔

سیکریٹری، وزارتِ الیکٹرانکس و اطلاعاتی ٹیکنالوجی کی سربراہی میں قائم اس کمیٹی میں تعلیمی تحقیق، ٹیکنالوجی صنعت اور ڈیجیٹل پالیسی کے شعبوں سے تعلق رکھنے والے منتخب ماہرین شامل کیے گئے ہیں۔ اے آئی گورننس ضابطوں کے تحت اس کمیٹی کی ذمہ داری ہے کہ اے آئی جی ای جی کی گورننس سے متعلق مشاورت کو جدید ٹیکنالوجی، پالیسی نقطۂ نظر، ضابطہ جاتی ڈیزائن اور عالمی طریقۂ کار کی جامع اور گہری سمجھ کے ساتھ تقویت دی جائے، جبکہ ہندوستان کے مخصوص سماجی، معاشی اور اسٹریٹجک تناظر کو بھی مدنظر رکھا جائے۔

ہندوستان کے نئے اے آئی گورننس ڈھانچے کے تحت اے آئی جی ای جی پالیسی کی مجموعی سمت طے کرے گا اور حکومتی سطح پر ہم آہنگی قائم کرے گا، جبکہ ٹی پی ای سی تکنیکی اور پالیسی امور کو قابلِ عمل تجاویز میں تبدیل کر کے رہنمائی فراہم کرے گا۔

یہ ادارہ جاتی فریم ورک اس طرح ترتیب دیا گیا ہے کہ اے آئی گورننس کے لیے ایک متحرک، موافق اور مستقبل پر مبنی نقطۂ نظر اپنایا جا سکے اور گورننس کے فیصلوں میں اسٹریٹجک، تکنیکی اور پالیسی ہم آہنگی کو یقینی بنایا جا سکے۔

ٹی پی ای سی کی تشکیل اور اس کے دائرۂ کار کی تفصیلات کے لیے ملاحظہ کریں:

https://d12aarmt01l54a.cloudfront.net/cms/files/constitution-of-tpec/1776447206.pdf

****

 

ش ح ۔   م  د ۔  م  ص

(U :  6021)

(ریلیز آئی ڈی: 2253357) وزیٹر کاؤنٹر : 8