پوشن پکھواڑا 2026 کے جاری سلسلے کے تحت، میزورم کے فلین آئی سی ڈی ایس پروجیکٹ نے ماؤں کی کمیٹی کے لیے ایک پُرجوش ٹی ایل ایم (ٹیچنگ لرننگ میٹریل) کھلونا سازی مقابلہ منعقد کیا، جس کے ساتھ ای سی سی ای فیسٹیول ، دیسی کھلونوں کا دن اور بچوں کے رینگنے (بیبی کرالنگ) کا مقابلہ بھی منعقد کیا گیا۔ان سرگرمیوں کا مقصد ابتدائی بچپن کی نگہداشت، غذائیت سے متعلق بیداری اور کمیونٹی کی شمولیت کو فروغ دینا تھا۔

ٹی ایل ایم کھلونا سازی مقابلے کے دوران، ماؤں نے اپنی تخلیقی صلاحیتوں کا مظاہرہ کرتے ہوئے مقامی طور پر دستیاب اور ماحول دوست وسائل سے کم لاگت اور جدید تعلیمی مواد تیار کیا۔ یہ دیسی کھلونے نہ صرف روایتی علم کی عکاسی کرتے ہیں بلکہ پائیدار طریقوں اور چھوٹے بچوں کی ذہنی نشوونما کو بھی فروغ دیتے ہیں۔

دیسی کھلونوں کے دن کی تقریبات نے مقامی طور پر تیار کیے گئے کھلونوں کے فروغ کی اہمیت کو مزید اجاگر کیا، جو کہ وکل فار لوکل کے وژن سے ہم آہنگ ہے۔ اس نے بچوں کے لیے محفوظ، ثقافتی طور پر موزوں اور نشوونما کے لیے معاون کھیل کے سامان کو فروغ دینے کی حوصلہ افزائی بھی کی۔

تقریب کی رونق میں اضافہ کرتے ہوئے بچوں کے رینگنے کا مقابلہ بھی منعقد کیا گیا، جس نے خاندانوں کے لیے خوشی اور جوش و خروش پیدا کیا اور بچوں کی نشوونما کے مراحل اور صحت کے بارے میں بیداری کو فروغ دیا۔

پروگرام میں بچوں اور چھوٹے بچوں کے لیے متوازن غذا ، نشوونما کی نگرانی ، اور صحت مند خوراک کے طریقوں پر توجہ مرکوز کرنے والے غذائیت سے متعلق آگاہی سیشن بھی شامل تھے ۔

فرنٹ لائن کارکنان پوشن ابھیان کے اہم پیغامات کو تقویت دیتے ہوئے مستفیدین کے ساتھ فعال طور پر جڑے ہوئے ہیں ۔

تقریب میں ماؤں، آنگن واڑی کارکنان اور مقامی کمیونٹی کے اراکین نے بھرپور جوش و خروش کے ساتھ حصہ لیا، جس نے ابتدائی بچپن کی نگہداشت و تعلیم (ای سی سی ای)  کی اہمیت اور بچے کی مجموعی نشوونما میں کھیل پر مبنی سیکھنے کے کردار کو اجاگر کیا۔

یہ پہل خواتین اور بچوں کی ترقی کی وزارت کے پوشن پکھواڑے کو ایک جن آندولن میں تبدیل کرنے کے مسلسل عزم کی عکاسی کرتی ہے ، جس سے صحت مند اور غذائیت سے بھرپور بھارت کی تعمیر میں فعال کمیونٹی کی شمولیت کو یقینی بنایا جا سکے ۔

*****

ش ح۔ ش آ ۔ ش ب ن

U-5971

                            

(ریلیز آئی ڈی: 2253058) وزیٹر کاؤنٹر : 5