انٹرنیشنل فائنانشیل سروسز سینٹرز اتھارٹی (آئی ایف ایس سی اے)اور انڈین انسٹی ٹیوٹ آف کارپوریٹ افیئرز (آئی آئی سی اے)نے مانیسر میں اپنے کیمپس میں 13 سے 18 اپریل 2026 تک آئی ایف ایس سی اے کے اسسٹنٹ منیجروں کے لیے ایک ہفتہ کا ابتدائی تعارفی پروگرام شروع کیا ہے ۔
گجرات کے گفٹ سٹی میں 20فروری 2026 کو  آئی آئی سی اے کے ڈائریکٹر جنرل اور چیف ایگزیکٹو آفیسر جناب گیانیشور کمار سنگھ اور آئی ایف ایس سی اے کے چیئرپرسن جناب کے راجارمن کے درمیان مفاہمت نامے پر دستخط کیے گئے ، جس کا مقصد صلاحیت سازی ، پالیسی تحقیق اور علمی شراکت داری کے ذریعے ہندوستان کی بین الاقوامی مالیاتی خدمات کے ماحولیاتی نظام کو مضبوط کرنا ہے ۔
موجودہ تعارفی تربیتی پروگرام آئی ایف ایس سی اے افسران کو کارپوریٹ قوانین ،حکمرانی کے فریم ورک ، مالیاتی ضوابط اور سرحد پارمالیاتی لین دین کی جامع تفہیم سے آراستہ کرکے اس تعاون کو عملی جامہ پہنانے کی طرف ایک اہم قدم کی نشاندہی کرتا ہے ۔
افتتاحی خطاب آئی آئی سی اے کے ڈی جی اور سی ای او جناب گیانیشور کمار سنگھ نے کیا ، جنہوں نے آئی ایف ایس سی  ضوابط کےمستقبل اور آگے کے راستے پر اپنی بصیرت افروز معلومات کا اشتراک کیا ۔ آئی ایف ایس سی اے کے قیام کے وژن پر زور دیتے ہوئے انہوں نے کہا کہ پانچ سال کے مختصر عرصے میں ایک مربوط رضابطہ کار کا قیام کسی‘معجزہ’ سے کم نہیں ہے اور یہ ہندوستان کی انضباطی  دور اندیشی کا ثبوت ہے ۔

 

 

اپنے خطاب میں جناب سنگھ نے فن ٹیک کے ذریعے اختراع کو فروغ دینے کی اہمیت پر روشنی ڈالی اور وکست بھارت کے وژن میں تعاون دینے میں آئی ایف ایس سی اے کےرول  پر زور دیا ۔ انہوں نے زور دے کر کہا کہ افسران کو کثیر جہتی انضباطی  فریم ورک  بشمول ایس ای بی آئی اورپی ایف آر ڈی اے جیسے حکام کے زیر انتظام قوانین کی مضبوط سمجھ پیدا کرنی چاہیے ، تاکہ ابھرتے ہوئے مالیاتی ماحولیاتی نظام کا مؤثر طریقے سے انضباط اور رہنمائی کی جا سکے ۔
اس کے علاوہ  انہوں نے شرکاء کو مشورہ دیا کہ وہ اس ایک ہفتہ کے پروگرام سے بھرپور استفادہ کریں اور نظریاتی علم کے ساتھ ساتھ عملی تربیت بھی حاصل کریں ۔

پروگرام کا آغاز ڈاکٹر نیرج گپتا کے استقبالیہ خطاب اور ڈاکٹر پائلا نارائن راؤ کے تفصیلی پروگرام  کے جائزےکے ساتھ ہوا جس میں تربیت کے ڈھانچے ، مقاصد اور متوقع نتائج پر روشنی ڈالی گئی ۔
پروگرام کےتحت شرکاء 16 اور 17 اپریل 2026 کو سنسد پرائڈ کا بھی دورہ کر رہے ہیں ، جس کا مقصد انہیں پارلیمانی کارروائی اور قانون سازی کے عمل کے بارے میں عملی تجربہ  فراہم کرنا ہے ، اس طرح ان کی حکمرانی اور انضباطی نظام کے بارے میں سمجھ کو تقویت ملے گی ۔
تربیتی پروگرام میں کارپوریٹ حکمرانی  ،سیکیورٹی ضوابط ، کارپوریٹ فائنانس ، فائنانشیل رپورٹنگ ،سرحد پار مالیاتی عدم ادائیگی کے معاملات اور آئی ایف ایس سی مخصوص انضباطی فریم ورک سمیت مختلف موضوعات کا احاطہ کرنے والے نامور پیشہ ور افراد اور ماہرین تعلیم کے ذریعے ماہرین کی زیر قیادت اجلاس  شامل ہیں ۔
یہ پہل کارپوریٹ امور کی وزارت کے تحت ایک اہم تھنک ٹینک کے طور پر اپنے رول  کو مضبوط کرتے ہوئے انضباطی اداروں کے لیے صلاحیت سازی اور پالیسی تعاون کے لیے آئی آئی سی اے کے مسلسل عزم کی عکاسی کرتی ہے ۔
یہ پروگرام 18 اپریل 2026 کو اختتامی اجلاس اور سرٹیفکیٹ کی تقسیم کی تقریب کے ساتھ اختتام پذیر ہوگا ۔

 

*******

ش ح۔ م ش۔م ش

U.NO.5944

(ریلیز آئی ڈی: 2252842) وزیٹر کاؤنٹر : 12