انڈین اوشن شپ (آئی او ایس) ساگر 14 اپریل 2026 کو پھوکیت، تھائی لینڈ پہنچ گیا، جہاں یہ مالے، مالدیپ سے چھ روزہ سفر مکمل کرنے کے بعد اپنے جاری مشن کی دوسری بندرگاہی آمد (پورٹ کال) پر پہنچا۔

آئی او ایس ساگر—آئی این ایس سنینا—جس میں 16 دوست غیر ملکی ممالک کے کثیر قومی عملے شامل ہیں، اس وقت بحر ہند کے خطے میں تعینات ہے اور مہا ساگر (باہمی و ہمہ جہتی ترقی برائے سلامتی و نمو) کے وژن کو تقویت دے رہا ہے۔ آئی او ایس ساگر کا موجودہ ایڈیشن، جو مارچ 2026 میں شروع ہوا، انڈین اوشن نیول سمپوزیم کے چیئرمین کے طور پر بھارت کے قائدانہ کردار کی بھی عکاسی کرتا ہے۔

پھوکیت میں قیام کے دوران، آئی او ایس ساگر کی رایل تھائی نیوی کے ساتھ پیشہ ورانہ ملاقاتیں طے ہیں، جن کا مقصد دوطرفہ دفاعی تعاون کو مضبوط بنانا اور باہمی افہام و تفہیم کو فروغ دینا ہے۔ اس کے علاوہ سماجی، ثقافتی اور کھیلوں کی مختلف سرگرمیاں بھی منعقد کی جائیں گی تاکہ باہمی ہم آہنگی اور عوامی سطح پر روابط کو فروغ دیا جا سکے۔

جہاز کا یہ قیام سونگکران فیسٹیول کے ساتھ ہم آہنگ ہے، جو تھائی روایتی نیا سال ہے اور اس سے شریک بحری افواج کے درمیان ثقافتی تبادلوں کو مزید فروغ دینے کا موقع ملے گا۔

مالے سے سفر کے دوران، بین الاقوامی عملے نے سمندر میں باقاعدہ تربیتی سرگرمیوں میں حصہ لیا، جن میں سمندری مہارتوں کی مشقیں اور آپریشنل ڈرل شامل تھیں۔ ان سرگرمیوں کا مقصد اجتماعی تیاری، باہمی ہم آہنگی اور بحری تعاون کو بہتر بنانا تھا۔ یہ تعیناتی بھارتی بحریہ کے اس عزم کو ظاہر کرتی ہے کہ وہ سمندری شراکت داریوں کو مضبوط بنانے اور صلاحیت سازی کو فروغ دینے کے لیے مسلسل کوشاں ہے، جس کے نتیجے میں علاقائی سلامتی اور استحکام میں اضافہ ہوتا ہے۔

آئی او ایس ساگر کو 02 اپریل 2026 کو ممبئی سے سنجے سیٹھ، وزیر مملکت برائے دفاع نے روانہ کیا۔ اس مشن کے تحت بھارتی بحریہ کے عملے کے ساتھ 16 دوست غیر ملکی ممالک کے 38 اہلکار بھی آئی او ایس ساگر پر سوار ہیں، جو مختلف بندرگاہوں مالے، پھوکیت، جکارتہ، سنگاپور، یانگون، چتاگونگ اور کولمبو کا دورہ کریں گے۔

یہ اقدام ”ون اوشن، ون مشن“ کے وژن کی عکاسی کرتا ہے، جو سمندری شراکت داروں کے درمیان گہرے روابط اور تعاون کو فروغ دیتا ہے۔

***

ش ح۔ ف ش ع

 U:5877

(ریلیز آئی ڈی: 2252396) وزیٹر کاؤنٹر : 3