قانون اور انصاف کے مرکزی وزیر مملکت (آزادانہ چارج) جناب ارجن رام میگھوال نے 14 اپریل 2026 کو رواں  سوچھتا پکھواڑے کے  ضمن میں  ونڈسر پلیس چوراہے،  این ڈی ایم سی پارک ،جن پتھ ، نئی دہلی میں شجرکاری مہم اور شرمدا ن  مہم کی قیادت کی ۔

ماحولیاتی پائیداری اور صفائی کے تئیں  حکومت  ہند کی عہد بندی  کو اجاگر کرتے ہوئے وزیر موصوف نے رواں  سوچھتا پکھواڑے کے تحت پودا لگایا اور سب  لوگوں کو پودے  لگانے  کی مہم میں پورے دل سے حصہ لینے کی ترغیب دی ۔   ان کے ساتھ محکمہ قانون کے سکریٹری ڈاکٹر راجیو منی اور محکمہ قانونی امور کے افسران اور عملہ نے فطرت کے تئیں اجتماعی ذمہ داری کے جذبے کا مظاہرہ کیا ۔  اس موقع پر خطاب کرتے ہوئے جناب ارجن رام میگھوال نے ڈاکٹر بی آر  امبیڈکر کی تعلیمات ، وژن اور تحریک  کو اپنانے پر زور دیا ۔  ڈاکٹر امبیڈکر کی  کوششوں کے نتیجے میں آئین ہند کے دیباچے میں "مساوات ، آزادی اور بھائی چارے" کے نظریات کو شامل کیا گیا  ہے، جو براہ راست ہندوستان کی ثقافت اور روایت سے اخذ کیے گئے تھے ۔  انہوں نے پودے  لگانے کی گہری اہمیت کو اجاگر کرنے کے لیے سنت کبیر کی تعلیمات کا بھی  تذکرہ کیا ۔

جناب ارجن رام میگھوال نے  شجرکاری  مہم میں حصہ لینے کے بعد  احاطے کے اندر شرمدان میں حصہ لیا ، جس سے سوابھاو سوچھتا-سنسکار سوچھتا کی ایک مثال قائم ہوئی ۔

یہ مہم  وسیع تر سوچھ بھارت مشن کا حصہ ہے ، جس  کا مقصد ماحولیاتی انحطاط کو کم کرنا اور سبز رقبے کو بڑھانا ہے ۔  وزارت قانون و انصاف کے  محکمہ قانونی امور  نے ماحولیاتی توازن کو فروغ دیتے ہوئے   صاف اور صحت مند کام کے ماحول کو یقینی بناتے ہوئے ان قومی مہموں میں فعال طور پر حصہ لیا ۔

وزیر موصوف نے شرمدان میں پرجوش شرکت کے لیے افسران اور عملے کی تعریف کی اور روزمرہ کی زندگی میں بھی ماحول کے موافق طریقوں کو اپنانے کی ضرورت پر زور دیا ۔

اس موقع پر خطاب کرتے ہوئے  محکمہ قانون سکریٹری نے کہا کہ صاف ستھرا اور  صحت مند  کام  کا ماحول ہماری کارکردگی میں اضافہ کرتا ہے اور ہر ایک کے لیے مثبت ماحول پیدا کرتا ہے ۔   انہوں نے اپیل کی کہ ہمیں وکست بھارت کے اہداف کے حصول کے لیے اپنے کام کی جگہوں کو صاف ستھرا ، منظم اور خوشگوار  بنانا چاہئے اور مخلصانہ طور پر کام کرنا چاہیے ۔

 

 

*****

ش ح۔م ش ع ۔ ن م۔

U-5833

(ریلیز آئی ڈی: 2252079) وزیٹر کاؤنٹر : 10