تاجروں کی فلاح کے قومی بورڈ (این ٹی ڈبلیو بی) کا نواں اجلاس وانِجیہ بھون، نئی دہلی میں سنیل جے سنگھی کی صدارت میں منعقد ہوا۔

چیئرمین نے جن وشواس ترمیمی بل کا خیرمقدم کیا اور کاروبار میں آسانی کو فروغ دینے کے لیے کئی اہم اصلاحات اور اقدامات پر روشنی ڈالی:

جن وشواس (ترمیمی دفعات) بل، 2026:

اس بل کے تحت 79 مرکزی قوانین کی 784 دفعات میں ترمیم کی گئی ہے، جن میں سے 717 دفعات کو غیر مجرمانہ بنایا گیا ہے، تاکہ ضابطہ جاتی بوجھ کم ہو اور کاروبار میں آسانی پیدا ہو۔

فوڈ سیفٹی اینڈ اسٹینڈرڈز اتھارٹی آف انڈیا (ایف ایس ایس اے آئی):

فوڈ کاروبار کے لیے لائسنس اور رجسٹریشن کے عمل کو آسان بنایا گیا ہے، جس سے خاص طور پر چھوٹے تاجروں کے لیے تعمیل آسان ہو گئی ہے۔

راجستھان ٹریڈ پروموشن پالیسی، 2025:

ای کامرس کو فروغ دینے کے لیے پلیٹ فارم فیس (شپنگ چارجز کے علاوہ) کا 75 فیصد تک ری ایمبرسمنٹ فراہم کیا جا رہا ہے، جو ایک سال کے لیے زیادہ سے زیادہ 50,000 روپے تک ہے۔

اُدیَم رجسٹریشن اور پردھان منتری مدرا یوجنا:

ان اقدامات کے ذریعے تاجروں اور چھوٹے کاروباروں کو بغیر ضمانت قرض فراہم کیا جا رہا ہے، جس سے کاروباری سرگرمیوں اور توسیع کو فروغ مل رہا ہے۔

ڈیجیٹل بااختیاری کے شعبے میں او این ڈی سی ٹیم نے “ڈیجی دکان” پر تفصیلی پریزنٹیشن دی، جو ایک بی ٹو بی پلیٹ فارم ہے اور فی الحال حیدرآباد میں فعال ہے، جبکہ اسے جے پور اور بنگلورو تک توسیع دینے کا منصوبہ ہے۔ اس پلیٹ فارم کا مقصد چھوٹے ریٹیلرز اور کرانہ اسٹورز کو ڈیجیٹل صلاحیتوں اور مارکیٹ تک رسائی میں بہتر بنانا ہے۔

مزید بتایا گیا کہ ملک بھر میں ریاستی حکومتوں، صنعتی محکموں اور تجارتی تنظیموں کے ساتھ رابطے کے ذریعے ریاستی سطح پر ٹریڈرز ویلفیئر بورڈز کے قیام کی ضرورت کو مضبوطی سے اجاگر کیا گیا ہے۔ مغربی بنگال میں ایسا بورڈ پہلے ہی قائم کیا جا چکا ہے، جبکہ مدھیہ پردیش، تلنگانہ، چھتیس گڑھ، چندی گڑھ، جموں و کشمیر اور دیگر ریاستوں/مرکز کے زیر انتظام علاقوں میں اس حوالے سے اقدامات جاری ہیں۔

مختلف وزارتوں اور محکموں کے ساتھ مسلسل رابطے کے ذریعے بورڈ اس بات کو یقینی بنا رہا ہے کہ تاجروں اور تجارتی تنظیموں کی شکایات کا بروقت اور مؤثر حل نکالا جائے۔ مجموعی مقصد کاروبار کو آسان بنانا، تاجروں کو بااختیار کرنا اور شراکتی و جامع اقتصادی ترقی کو فروغ دینا ہے۔

اس اجلاس میں مختلف تجارتی تنظیموں اور ریاستوں/مرکز کے زیر انتظام علاقوں کی نمائندگی کرنے والے غیر سرکاری اراکین کے ساتھ ساتھ حکومت ہند کی نو وزارتوں اور محکموں کے عہدے کے اعتبار سے نامزد اراکین نے بھی شرکت کی۔

 

************

ش ح ۔   م  د ۔  م  ص

(U :5696  )

(ریلیز آئی ڈی: 2250969) وزیٹر کاؤنٹر : 12