چیف آف دی نیول اسٹاف ایڈمرل دنیش کے ترپاٹھی نے یکم اپریل 2026 کو ممبئی میں منعقدہ بحریہ کی اعزازی تقریب میں عزت مآب صدر جمہوریہ  ہند کی جانب سے ہندوستانی بحریہ کے اہلکاروں کو بہادری اور ممتاز خدمات کے ایوارڈ پیش کیے ۔

بحری اہلکاروں اور یونٹوں کی بہادری ، قیادت ، پیشہ ورانہ کامیابی اور ممتاز خدمات کو اعزاز دینے اور تسلیم کرنے کے لیے ایوارڈز دیے گئے ۔

تقریب کے دوران دیے جانے والے انفرادی ایوارڈز میں دو یدھ سیوا میڈل ، بارہ ناو سینا میڈل (بہادری) آٹھ ناو سینا میڈل (ڈیوٹی کے تئیں التزام) اور اٹھارہ وششٹ سیوا میڈل شامل تھے ۔

سی این ایس نے آنجہانی دیپک کمار کی شریک حیات ، پی او ایم ای ، کو سروتم جیون رکشا پدک ، فلائٹ سیفٹی کو فروغ دینے کے لیے کیپٹن روی دھیر میموریل گولڈ میڈل ، اور شاندار اپلائیڈ ریسرچ کے لیے لیفٹیننٹ وی کے جین میموریل میڈل بھی پیش کیا ۔

آپریشنل فلوٹ یونٹس اور ساحلی اداروں کو گزشتہ سال کے دوران ان کی شاندار خدمات کے لیے یونٹ سائٹیشن سے نوازا گیا جبکہ صنعتی اور غیر صنعتی زمروں میں بہترین گرین پریکٹس کے لیے سی این ایس رولنگ ٹرافی سے نوازا گیا ۔

وی ایڈمرل کرشنا سوامی ناتھن ، فلیگ آفیسر کمانڈنگ ان چیف ویسٹرن نیول کمانڈ ، ہندوستانی بحریہ کے افسران اور جہازران ، اور ایوارڈ یافتگان کے شریک حیات اور اہل خانہ نے تقریب میں شرکت کی ۔

******

ش ح۔ اک۔ ر ب

U.NO.5454

(ریلیز آئی ڈی: 2249426) وزیٹر کاؤنٹر : 6