اتر پردیش کے بندیل کھنڈ میں بیتوا-جمنا سنگم سے لئے گئے پانی کے نمونوں پر کی جانے والی نئی تحقیق کے مطابق ندیوں کے نظام میں دھاتی آلودگی کا پتہ لگانے پر بچوں کو بالغوں کے مقابلے میں نمایاں طور پر زیادہ مجموعی غیر سرطانی(نان- کارسنجینک) خطرے کا سامنا کرنا پڑتا ہے ۔

روایتی طور پر سائنس دان پانی کی جانچ کرتے ہیں ، آلودگی کی اوسط سطح کا حساب لگاتے ہیں  اور اس کا موازنہ حفاظتی سطحوں سے کرتے ہیں۔  تاہم، تحقیقات کے اس نظام کی اپنی حدود ہیں کیونکہ خطرے کی زد میں آنے کی سطح اور متاثرہ افراد کےحساب سے  خطرہ مختلف ہو سکتا ہے ۔

اس سے پہلے گزشتہ سال کی ایک تحقیق سے یہ ظاہر ہوا تھا کہ میدانی گنگا کی گاد آلودگی کے بڑے ذخیرے اور زہریلی دھاتوں کے ثانوی ذرائع کے طور پر کام کرتی ہے ، جس میں اینتھروپوجینک ان پٹ اور جیومورفک کنٹرول سے منسلکہ واضح مکانی تغیرات کار فرما ہیں ۔

اس تحقیق سے گاد کی جیو کیمسٹری اور ندیوں کی  دھات کی نقل و حمل کے درمیان مضبوط ربط  و ضبط ظاہر ہوا ہے ، اس بات پر زور دیتے ہوئے کہ گاد میں ذخیرہ شدہ آلودگیوں کو بدلتے ہوئے ہائیڈرولوجی حالات کے تحت پانی کے کالم میں دوبارہ متحرک کیا جا سکتا ہے ، اس طرح آبی نظاموں اور انسانی آبادی کے لیے خطرات پیدا ہوتے ہیں ۔

ان نتائج کی بنیاد پر ، اور اس بات کو تسلیم کرتے ہوئے کہ گنگا کے میدان میں ندیوں کی آلودگی کے بڑھتے ہوئے دباؤ کے باوجود بڑے پیمانے پر گھریلو اور زراعتی مقاصد کے لیے استعمال ہوتے ہیں ، بیربل ساہنی انسٹی ٹیوٹ آف پیلیو سائنس (بی ایس آئی پی) لکھنؤ ، جو کہ محکمہ سائنس و ٹیکنالوجی (ڈی ایس ٹی) کا ایک خود مختار ادارہ ہے ،اس  کے سائنسدانوں نے پانی کے معیار اور انسانی صحت پر براہ راست اثرات کا اندازہ کرنے کے لیے صرف گاد کی آلودگی سے آگے کی تحقیقات کو بڑھایا ۔

نقشہ1: ہمیر پور ، یوپی میں بیتوا ندی کے پانی کے نمونے لینے کا مقام

 

انہوں نے ندیوں کے پانیوں میں تحلیل شدہ دھات کے ارتکاز اور اس سے وابستہ انسانی صحت کے خطرات کا اندازہ لگانے پر توجہ مرکوز کی ۔ 

سطح کے پانی کے نمونے وقتاً فوقتاً بیتوا-یمنا سنگم میں اسٹریٹجک طور پر منتخب مقامات سے مکانی اور موسمی تغیرات کی معلومات حاصل کرنے کے لیے جمع کیے گئے ، اس کے بعد فزیکو کیمیکل پیرامیٹرز کی معیاری لیباریٹری پیمائش اور پانی میں موجود  دھات کے ارتکاز کا پتہ لگایا گیا ۔

اس کے بعد  بین الاقوامی سطح پر تسلیم شدہ فریم ورک کو برو کار لاتے ہوئے استعمال  کی سطح کا اندازہ لگانے اور ممکنہ غیر سرطانی (نان- کارسنجینک) اور کارسنجینک خطرات کا اندازہ لگانے کے لیے مقداری خطرے کی تشخیص کے ماڈلز کا اطلاق کیا گیا ۔

مونٹی کارلوسمولیشن نامی تکنیک کا استعمال کرکے  محققین نے 10,000 مجازی حالات  یا  انسانوں کے آرسینک ، سیسہ اور کیڈیمیم جیسی دھاتوں کی زد میں آنے کے خطرے کے مناظر چلائے ۔  ہرسمولیشن میں تبدیل شدہ متغیرات جیسے کہ لوگ کتنا پانی پیتے ہیں ، ان کے جسمانی وزن ، آلودگی میں موسمی تبدیلیاں جو امکانات کی حد کا احاطہ کرتی ہیں ، خطرے کی مختلف نوعیتیں  اور حد سے تجاوز کے امکانات کی ممکنہ خصوصیت کو زیر غور لایا جاتاہے  ۔

اس سے مضبوط ڈیٹا جنریشن ، قابل اعتماد تشریح  اور سائنسی طور پر درست نتائج کو یقینی بنایا گیا ، جس سے ماحولیاتی نگرانی ، خطرے کی تشخیص میں بہتری آئی ۔

نیچر سائنٹیفک رپورٹس میں شائع ہونے والے  تحقیقی مطالعے سے پتہ چلتا ہے کہ بچوں کو نمایاں طور پر زیادہ مجموعی نان- کارسنجینک خطرے کا سامنا کرنا پڑتا ہے ، خطرے کے انڈیکس (ایچ آئی ، خطرات کے امکان کی پیمائش) کے ساتھ تقریباً 67 فیصد مصنوعی حالات میں حفاظتی حد سے تجاوز کر جاتا ہے  اور یہ کہ آرسینک کی  زد میں آنے کی شرح حقیقی استعمال  کے تغیر کے تحت کافی کارسنجینک خطرہ ہے ۔

نقشہ2: مطالعہ کے علاقے کے نقشے: (اے) ہندوستان میں گنگا کے میدانی علاقے ؛ (بی) گنگا کے میدان کا ڈیجیٹل ایلیویشن ماڈل ( ڈی ای ایم) مطالعہ کے علاقے کو اجاگر کرتا ہے (سی) بیتوا اور جمنا ندیوں کے نمونے لینے کے مقامات ، دونوں  کے سنگم  سے پہلے اور اس کے بعد ، ضلع  ہمیر پور ، اتر پردیش ۔

 

یہ مربوط  غیر یقینی صورتحال سے آگاہی کا نقطہ نظر ترقی پذیر خطوں میں ندیوں  کی صحت کی تشخیص کا  نیا طریقہ قائم کرتا ہے اور ہدف بند تخفیف ، استعمال  کے انتظام اور ثبوت پر مبنی پانی کی حفاظت کی پالیسی کے لیے مضبوط سائنسی بنیاد فراہم کرتا ہے ۔

یہ نتائج قدرتی اور اینتھروپوجینک (انسان سے متعلق) معلومات  کے امتزاج کی طرف اشارہ کرتے ہیں جیسے-زراعتی بہاؤ ، غیر علاج شدہ فضلہ اور صنعتی اخراج ، تھرمل بجلی کی پیداوار ، شہری سیوریج۔  اس کے علاوہ  یہ آلودگی کے دائمی خطرات کو اجاگر کرتا ہے جن کا اگر علاج نہ کیا گیا تو وہ پینے کے پانی کی حفاظت کو خطرے میں ڈال سکتا ہے۔  سنگم پر بڑھی ہوئی آلودگیوں کی سطح اور صحت کے خطرات دو کیمیائی طور پر متضاد دریائی نظاموں کے مجموعی اپ اسٹریم لوڈنگ اور ہائیڈرولک اختلاط کے مطابق ہیں ، جس سے دھات کو متحرک کرنے اور زد آنے  کی صلاحیت دونوں میں اضافہ ہوتا ہے ۔  یہ مطالعہ بیتوا-جمنا سنگم پر بھاری دھاتوں کے ترجیحی کنٹرول کی ضرورت کی طرف اشارہ کرتا ہے اور مؤثر تخفیفی اور انتظامی حکمت عملی تیار کرنے میں مدد کر سکتا ہے ۔

 

********

 

UR-5447

(ش ح۔ م  ش ع۔ش ت)

(ریلیز آئی ڈی: 2249399) وزیٹر کاؤنٹر : 18