Ka India Meteorological Department (IMD) kaba hap hapoh ka Tnad Earth Sciences ka la pyni ba watla ka Meghalaya ka lah ban lait na ka jingshit tasam, la khmih lynti ba ka Jylla kan mad ïa ka jingshit kaba kham palat ban ïa kaba ju long ryngkat bad ka jinghap slap kaba duna ïa kaba ju long ha ka por ba shit bha (Iaiong–Jylliew) 2026. Ha ka aiom shit mynta u snem 2026, ka jingshit kaba khluit tam ka lah ban long kumba ju long lane kham shit ban ia kaba ju long ha ki bynta ba bun jong ka Meghalaya, ka jingshit kaba kham duna ka lah ban kham shit ban ia kaba ju long ha ki bynta ba bun jong ka Meghalaya. Na ka bynta u bnai Iaiong 2026, ka jingshit kaba khluit tam ha u bnai ka lah ban long kaba kham shit ban ia kaba ju long ha kiba bun ki bynta jong ka Meghalaya, ha kaba la khmih lynti ia ka jingshit kaba kham duna kan palat ïa kaba ju long ha kiba bun ki jaka. Wat hapdeng ka jingkiew ka jingshit, ym don sngi ba shit bha ha ka jylla Meghalaya hapoh u bnai Iaiong haduh Jylliew (AMJ) 2026.

Ka jingpeit lypa ka pyni shuh shuh ba ka jinghap slap ha kiba bun ki bynta jong ka thain shatei lammihngi jong ka ri, kynthup ia ka Meghalaya, ka lah ban long kaba duna ia kaba ju long ha kane ka samoi. Ka jinglong kaba la khmih lynti ba kan kham shit ban ia kaba ju long ha ka por mynsngi bad mynmiet ka lah ban wanrah ia ka jinglynga kaba jur namar ka jingshit, khamtam ha ki por shit tyrkhong. Ka jinghap slap kaba duna ia kaba ju long ka lah ban ktah ia ka jingdon um bad ki kam rep, khamtam ha ki jaka ba shaniah ha u slap ha ka Jylla.

Ka jingbatai lypa ka long katkum ka jinglong jingman jong ka El Niño–Southern Oscillation (ENSO) kaba don ha ka bynta equatorial Pacific Ocean, ha kaba la khmih lynti ia ka Indian Ocean Dipole (IOD) ruh ba kan dang long kaba pdeng, kaba pyni ba ym don ki daw ïa ka jinglong ka suiñbneng kiba khlaiñ ban kyntiew ïa ka jinghap slap ha ka thain ha kane ka aiom.

(Release ID: 2248676) visitor counter : 5