ਲੋਕ ਸਭਾ ਵਿੱਚ ਸ਼੍ਰੀ ਚਰਨਜੀਤ ਸਿੰਘ ਚੰਨੀ ਵਲੋਂ ਜਲੰਧਰ ਲੋਕ ਸਭਾ ਹਲਕੇ ਵਿੱਚ ਰੇਲ ਓਵਰ ਬ੍ਰਿਜ ਪ੍ਰੋਜੈਕਟਾਂ ਬਾਰੇ 1 ਅਪ੍ਰੈਲ, 2026 ਨੂੰ ਪੁੱਛੇ ਗਏ ਇੱਕ ਅਣ-ਤਾਰਾਬੱਧ ਸਵਾਲ ਦੇ ਜਵਾਬ ਵਿੱਚ, ਰੇਲਵੇ, ਸੂਚਨਾ ਅਤੇ ਪ੍ਰਸਾਰਣ, ਅਤੇ ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰੀ ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਨੇ ਕਿਹਾ ਕਿ ਭਾਰਤੀ ਰੇਲਵੇ 'ਤੇ ਰੋਡ ਓਵਰ ਬ੍ਰਿਜ (ਆਰਓਬੀਜ਼) ਅਤੇ ਰੋਡ ਅੰਡਰ ਬ੍ਰਿਜ (ਆਰਯੂਬੀਜ਼) ਦੀ ਪ੍ਰਵਾਨਗੀ ਅਤੇ ਅਮਲ ਇੱਕ ਨਿਰੰਤਰ ਚੱਲਣ ਵਾਲੀ ਪ੍ਰਕਿਰਿਆ ਹੈ। ਅਜਿਹੇ ਕੰਮ ਰੇਲ ਸੰਚਾਲਨ ਵਿੱਚ ਸੁਰੱਖਿਆ ਅਤੇ ਗਤੀਸ਼ੀਲਤਾ 'ਤੇ ਉਨ੍ਹਾਂ ਦੇ ਪ੍ਰਭਾਵ ਦੇ ਨਾਲ-ਨਾਲ ਸੜਕ ਉਪਭੋਗਤਾਵਾਂ 'ਤੇ ਉਨ੍ਹਾਂ ਦੇ ਪ੍ਰਭਾਵ ਦੇ ਅਧਾਰ 'ਤੇ ਉਨ੍ਹਾਂ ਨੂੰ ਤਰਜੀਹ ਦੇਣ ਤੋਂ ਬਾਅਦ ਸ਼ੁਰੂ ਕੀਤੇ ਜਾਂਦੇ ਹਨ।

2004-14 ਦੀ ਮਿਆਦ ਦੇ ਮੁਕਾਬਲੇ 2014-26 (ਜਨਵਰੀ 2026 ਤੱਕ) ਦੌਰਾਨ ਭਾਰਤੀ ਰੇਲਵੇ 'ਤੇ ਬਣਾਏ ਗਏ ਰੋਡ ਓਵਰ ਬ੍ਰਿਜ (ਆਰਓਬੀ) ਅਤੇ ਰੋਡ ਅੰਡਰ ਬ੍ਰਿਜ (ਆਰਯੂਬੀ) ਦੀ ਗਿਣਤੀ ਇਸ ਪ੍ਰਕਾਰ ਹੈ:

 

ਮਿਤੀ 1 ਫਰਵਰੀ, 2026 ਤੱਕ, ਭਾਰਤੀ ਰੇਲਵੇ ਵਿੱਚ ₹1,14,196 ਕਰੋੜ ਦੀ ਲਾਗਤ ਨਾਲ 4,802 ਰੋਡ ਓਵਰ ਬ੍ਰਿਜ (ਆਰਓਬੀਜ਼) ਅਤੇ ਰੋਡ ਅੰਡਰ ਬ੍ਰਿਜ (ਆਰਯੂਬੀਜ਼) ਦੇ ਨਿਰਮਾਣ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। ਇਸ ਵਿੱਚ ਪੰਜਾਬ ਰਾਜ ਵਿੱਚ ₹1,848 ਕਰੋੜ ਦੀ ਲਾਗਤ ਨਾਲ ਮਨਜ਼ੂਰ ਕੀਤੇ ਗਏ 120 ਆਰਓਬੀਜ਼/ਆਰਯੂਬੀਜ਼ ਸ਼ਾਮਲ ਹਨ, ਜੋ ਇਸ ਸਮੇਂ ਯੋਜਨਾਬੰਦੀ ਅਤੇ ਅਮਲ ਦੇ ਵੱਖ-ਵੱਖ ਪੜਾਵਾਂ 'ਚ ਹਨ। ਖਾਸ ਤੌਰ 'ਤੇ, ਜਲੰਧਰ ਲੋਕ ਸਭਾ ਹਲਕੇ ਦੇ ਅੰਦਰ, ₹301 ਕਰੋੜ ਦੀ ਲਾਗਤ ਨਾਲ 19 ਆਰਓਬੀਜ਼/ਆਰਯੂਬੀ ਲਈ ਕੰਮ ਮਨਜ਼ੂਰ ਕੀਤੇ ਗਏ ਹਨ।

ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਨੇ ਕਿਹਾ ਕਿ ਆਰਓਬੀਜ਼/ਆਰਯੂਬੀਜ਼ ਦੇ ਕੰਮਾਂ ਦਾ ਪੂਰਾ ਹੋਣਾ ਅਤੇ ਚਾਲੂ ਹੋਣਾ ਕਈ ਕਾਰਕਾਂ ’ਤੇ ਨਿਰਭਰ ਕਰਦਾ ਹੈ, ਜਿਵੇਂ ਕਿ ਪਹੁੰਚ ਅਲਾਈਨਮੈਂਟ ਨੂੰ ਠੀਕ ਕਰਨਾ, ਆਮ ਪ੍ਰਬੰਧ ਡਰਾਇੰਗ ਦੀ ਪ੍ਰਵਾਨਗੀ, ਭੂਮੀ ਪ੍ਰਾਪਤੀ, ਕਬਜ਼ੇ ਹਟਾਉਣਾ, ਉਲੰਘਣਾ ਕਰਨ ਵਾਲੀਆਂ ਸਹੂਲਤਾਂ ਨੂੰ ਤਬਦੀਲ ਕਰਨਾ, ਵੱਖ-ਵੱਖ ਅਥਾਰਟੀਆਂ ਤੋਂ ਕਾਨੂੰਨੀ ਪ੍ਰਵਾਨਗੀਆਂ, ਪ੍ਰੋਜੈਕਟ / ਕੰਮ ਕਰਨ ਵਾਲੀਆਂ ਥਾਵਾਂ ਦੇ ਖੇਤਰ ਵਿੱਚ ਕਾਨੂੰਨ ਅਤੇ ਵਿਵਸਥਾ ਦੀ ਸਥਿਤੀ, ਮੌਸਮੀ ਸਥਿਤੀਆਂ ਦੇ ਕਾਰਨ ਖਾਸ ਪ੍ਰੋਜੈਕਟ / ਕੰਮ ਕਰਨ ਵਾਲੀਆਂ ਥਾਵਾਂ ਲਈ ਸਾਲ ਵਿੱਚ ਕੰਮ ਕਰਨ ਦੇ ਮਹੀਨਿਆਂ ਦੀ ਗਿਣਤੀ ਆਦਿ। ਇਹ ਸਾਰੇ ਕਾਰਕ ਪ੍ਰੋਜੈਕਟਾਂ/ਕੰਮਾਂ ਦੇ ਪੂਰਾ ਹੋਣ ਦੇ ਸਮੇਂ ਨੂੰ ਪ੍ਰਭਾਵਿਤ ਕਰਦੇ ਹਨ।

ਆਪਣੇ ਜਵਾਬ ਵਿੱਚ, ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਨੇ ਅੱਗੇ ਕਿਹਾ ਕਿ ਰੇਲਵੇ ਨੇ ਇਨ੍ਹਾਂ ਕੰਮਾਂ ਦੀ ਪ੍ਰਗਤੀ ਨੂੰ ਤੇਜ਼ ਕਰਨ ਲਈ ਹੇਠ ਲਿਖੇ ਉਪਰਾਲੇ ਕੀਤੇ ਹਨ:

I. ਸੁਚਾਰੂ ਢੰਗ ਨਾਲ ਅਮਲ ਨੂੰ ਯਕੀਨੀ ਬਣਾਉਣ ਲਈ, ਆਮ ਪ੍ਰਬੰਧ ਡਰਾਇੰਗ (ਜੀਏਡੀ) ਨੂੰ ਅੰਤਿਮ ਰੂਪ ਦੇਣ ਤੋਂ ਪਹਿਲਾਂ ਸਬੰਧਤ ਰਾਜ ਸਰਕਾਰ ਜਾਂ ਸੜਕ ਮਲਕੀਅਤ ਅਥਾਰਟੀ ਦੇ ਸਹਿਯੋਗ ਨਾਲ ਇੱਕ ਸਾਂਝਾ ਸਰਵੇਖਣ ਕੀਤਾ ਜਾਂਦਾ ਹੈ।

II. ਆਰਓਬੀਜ਼/ਆਰਯੂਬੀ ਪ੍ਰੋਜੈਕਟਾਂ ਨਾਲ ਸਬੰਧਤ ਵੱਖ-ਵੱਖ ਮੁੱਦਿਆਂ ਨੂੰ ਹੱਲ ਕਰਨ ਲਈ ਰੇਲਵੇ ਅਤੇ ਸਬੰਧਤ ਰਾਜ ਸਰਕਾਰਾਂ ਦੇ ਅਧਿਕਾਰੀਆਂ ਵਿਚਕਾਰ ਸਮੇਂ-ਸਮੇਂ 'ਤੇ ਮੀਟਿੰਗਾਂ ਕੀਤੀਆਂ ਜਾਂਦੀਆਂ ਹਨ।

III. ਸਪੈਨ, ਸਕਿਊਨੈੱਸ (ਝੁਕਾਅ) ਅਤੇ ਸੜਕ ਦੀ ਚੌੜਾਈ ਦੇ ਵੱਖ-ਵੱਖ ਸੰਯੋਗਾਂ ਲਈ ਰੇਲਵੇ ਹਿੱਸੇ ’ਤੇ ਸੁਪਰਸਟ੍ਰਕਚਰ ਡਰਾਇੰਗਜ਼ ਦੀ ਮਿਆਰੀਕਰਨ ਕੀਤਾ ਗਿਆ ਹੈ, ਤਾਂ ਜੋ ਡਿਜ਼ਾਈਨ ਮਨਜ਼ੂਰੀ ਦੌਰਾਨ ਦੇਰੀ ਤੋਂ ਬਚਿਆ ਜਾ ਸਕੇ। ਇਸ ਨੂੰ ਇੱਕ ਸੰਕਲਨ (ਕੰਪੈਂਡੀਅਮ) ਦੇ ਰੂਪ ਵਿੱਚ ਜਾਰੀ ਕੀਤਾ ਗਿਆ ਹੈ, ਜਿਸਨੂੰ ਰੇਲਵੇ ਲਾਈਨਾਂ ’ਤੇ ਰੋਡ ਓਵਰ ਬ੍ਰਿਜ ਲਈ ਤੇਜ਼ ਯੋਜਨਾ ਬਣਾਉਣ ਵਾਸਤੇ ਸਿੱਧੇ ਤੌਰ ’ਤੇ ਅਪਣਾਇਆ ਜਾ ਸਕਦਾ ਹੈ।

ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਨੇ ਕਿਹਾ ਕਿ ਅੰਮ੍ਰਿਤ ਭਾਰਤ ਸਟੇਸ਼ਨ ਯੋਜਨਾ ਦੇ ਤਹਿਤ ਨਵੀਨੀਕਰਨ ਲਈ ਜਲੰਧਰ ਕੈਂਟ ਰੇਲਵੇ ਸਟੇਸ਼ਨ ਨੂੰ ਚਿੰਨ੍ਹਤ ਕੀਤਾ ਗਿਆ ਹੈ। ਜਲੰਧਰ ਕੈਂਟ ਰੇਲਵੇ ਸਟੇਸ਼ਨ ਦੇ ਨਵੀਨੀਕਰਨ ਕੰਮਾਂ ਨੂੰ ਮਨਜ਼ੂਰੀ ਦਿੱਤੀ ਜਾ ਚੁੱਕੀ ਹੈ। ਜਲੰਧਰ ਕੈਂਟ ਸਟੇਸ਼ਨ ’ਤੇ ਮੁੱਖ ਪ੍ਰਵੇਸ਼ ਸਟੇਸ਼ਨ ਭਵਨ, ਦੂਜੇ ਪ੍ਰਵੇਸ਼ ਸਟੇਸ਼ਨ ਭਵਨ ਦੇ ਢਾਂਚਾਗਤ ਕੰਮ, ਪਲੇਟਫਾਰਮ ਸਤ੍ਹਾ ਸਬੰਧੀ ਸੁਧਾਰ ਕੰਮ, ਪਲੇਟਫਾਰਮ ਸ਼ੈਲਟਰਾਂ ਦੇ ਸੰਰਚਨਾਤਮਕ ਕੰਮ, ਥ੍ਰੂ ਰੂਫ ਦੇ ਢਾਂਚਾਗਤ ਕੰਮ ਅਤੇ ਪੈਦਲ ਪਾਰ ਕਰਨ ਵਾਲਾ ਪੁਲ ਅਤੇ ਏਅਰ ਕਾਂਕੋਰਸ ਦੇ ਢਾਂਚਾਗਤ ਕੰਮ ਪੂਰੇ ਹੋ ਚੁੱਕੇ ਹਨ। ਮੁੱਖ ਪ੍ਰਵੇਸ਼ ਭਵਨ, ਦੂਜੇ ਪ੍ਰਵੇਸ਼ ਭਵਨ, ਪਲੇਟਫਾਰਮ ਸ਼ੈਲਟਰਾਂ, ਪੈਦਲ ਪੁਲ, ਏਅਰ ਕਾਂਕੋਰਸ ਅਤੇ ਥ੍ਰੂ ਰੂਫ ਦੀ ਫਿਨਿਸ਼ਿੰਗ ਅਤੇ ਸੰਚਾਲਨ ਖੇਤਰ ਦੇ ਸੁਧਾਰ ਕੰਮ ਸ਼ੁਰੂ ਕਰ ਦਿੱਤੇ ਗਏ ਹਨ।

ਅੰਮ੍ਰਿਤ ਭਾਰਤ ਸਟੇਸ਼ਨਾਂ ਨੂੰ ਬਿਹਤਰ ਬਣਾਉਣ ਲਈ ਮਾਸਟਰ ਪਲਾਨ ਤਿਆਰ ਕਰਨਾ ਅਤੇ ਪੜਾਅਬੱਧ ਢੰਗ ਨਾਲ ਉਸ ਦਾ ਅਮਲ ਸ਼ਾਮਲ ਹੈ। ਹਰ ਸਟੇਸ਼ਨ ’ਤੇ ਲੋੜ ਨੂੰ ਧਿਆਨ ਵਿੱਚ ਰੱਖਦਿਆਂ ਮਾਸਟਰ ਪਲਾਨ ਵਿੱਚ ਹੇਠ ਲਿਖੇ ਬਿੰਦੂ ਸ਼ਾਮਲ ਹਨ:

• ਸਟੇਸ਼ਨ ਅਤੇ ਆਵਾਜਾਈ ਖੇਤਰਾਂ ਤੱਕ ਪਹੁੰਚ ਵਿੱਚ ਸੁਧਾਰ

• ਸ਼ਹਿਰ ਦੇ ਦੋਵੇਂ ਪਾਸਿਆਂ ਤੋਂ ਸਟੇਸ਼ਨ ਦਾ ਏਕੀਕਰਨ

• ਸਟੇਸ਼ਨ ਭਵਨ ਵਿੱਚ ਸੁਧਾਰ

• ਵੇਟਿੰਗ ਹਾਲ, ਪਖਾਨਿਆਂ, ਬੈਠਣ ਦੀ ਵਿਵਸਥਾ ਅਤੇ ਪੀਣ ਵਾਲੇ ਪਾਣੀ ਦੇ ਬੂਥਾਂ ਵਿੱਚ ਸੁਧਾਰ

• ਯਾਤਰੀ ਭੀੜ ਦੇ ਅਨੁਸਾਰ ਚੌੜੇ ਪੈਦਲ ਪੁਲ/ਏਅਰ ਕਾਂਕੋਰਸ ਦੀ ਵਿਵਸਥਾ

• ਲਿਫਟ/ਐਸਕੇਲੇਟਰ/ਰੈਂਪ ਦੀ ਸਹੂਲਤ

• ਪਲੇਟਫਾਰਮ ਸਤ੍ਹਾ ਵਿੱਚ ਸੁਧਾਰ ਅਤੇ ਪਲੇਟਫਾਰਮ ਨੂੰ ਉੱਪਰੋਂ ਢਕਣ ਦੀ ਵਿਵਸਥਾ

• ‘ਇੱਕ ਸਟੇਸ਼ਨ, ਇੱਕ ਉਤਪਾਦ’ ਵਰਗੀਆਂ ਯੋਜਨਾਵਾਂ ਰਾਹੀਂ ਸਥਾਨਕ ਉਤਪਾਦਾਂ ਲਈ ਕਿਓਸਕ ਦੀ ਵਿਵਸਥਾ

• ਪਾਰਕਿੰਗ ਖੇਤਰ ਅਤੇ ਮਲਟੀਮਾਡਲ ਏਕੀਕਰਨ

• ਦਿਵਿਆਂਗਜਨਾਂ ਲਈ ਸਹੂਲਤਾਂ

• ਬਿਹਤਰ ਯਾਤਰੀ ਜਾਣਕਾਰੀ ਪ੍ਰਣਾਲੀ

• ਹਰ ਸਟੇਸ਼ਨ ਦੀ ਲੋੜ ਮੁਤਾਬਕ ਐਗਜ਼ਿਕਿਊਟਿਵ ਲਾਊਂਜ, ਵਪਾਰਕ ਮੀਟਿੰਗਾਂ ਲਈ ਵਿਸ਼ੇਸ਼ ਥਾਂ ਅਤੇ ਲੈਂਡਸਕੇਪਿੰਗ ਆਦਿ

ਇਸ ਯੋਜਨਾ ਵਿੱਚ ਲੋੜ ਅਨੁਸਾਰ ਪੜਾਅਬੱਧ ਅਤੇ ਵਿਵਹਾਰਕ ਢੰਗ ਨਾਲ ਲੰਬੇ ਸਮੇਂ ਲਈ ਟਿਕਾਊ ਅਤੇ ਵਾਤਾਵਰਣ ਅਨੁਕੂਲ ਹੱਲ, ਗਟਕਾ ਰਹਿਤ ਪਟੜੀਆਂ ਦੀ ਵਿਵਸਥਾ ਆਦਿ ਅਤੇ ਲੰਬੇ ਸਮੇਂ ਵਿੱਚ ਸਟੇਸ਼ਨ ’ਤੇ ਸਿਟੀ ਸੈਂਟਰਾਂ ਦੇ ਨਿਰਮਾਣ ਦੀ ਵੀ ਕਲਪਨਾ ਕੀਤੀ ਗਈ ਹੈ।

ਅੰਮ੍ਰਿਤ ਭਾਰਤ ਸਟੇਸ਼ਨ ਯੋਜਨਾ ਦੇ ਤਹਿਤ ਪੰਜਾਬ ਰਾਜ ਵਿੱਚ ਕੁੱਲ 30 ਸਟੇਸ਼ਨਾਂ ਨੂੰ ਨਵੀਨੀਕਰਨ ਅਤੇ ਆਧੁਨਿਕੀਕਰਨ ਲਈ ਚਿੰਨ੍ਹਤ ਕੀਤਾ ਗਿਆ ਹੈ। ਇਨ੍ਹਾਂ ਸਟੇਸ਼ਨਾਂ ਵਿੱਚ ਅਬੋਹਰ, ਅੰਮ੍ਰਿਤਸਰ, ਆਨੰਦਪੁਰ ਸਾਹਿਬ, ਬਿਆਸ, ਬਠਿੰਡਾ ਜੰਕਸ਼ਨ, ਢੰਡਾਰੀ ਕਲਾਂ, ਧੂਰੀ, ਫਾਜ਼ਿਲਕਾ, ਫਿਰੋਜ਼ਪੁਰ ਕੈਂਟ, ਗੁਰਦਾਸਪੁਰ, ਹੂਸ਼ਿਆਰਪੁਰ, ਜਲੰਧਰ ਕੈਂਟ ਜੰਕਸ਼ਨ, ਜਲੰਧਰ ਸਿਟੀ ਜੰਕਸ਼ਨ, ਕਪੂਰਥਲਾ, ਕੋਟਕਪੁਰਾ ਜੰਕਸ਼ਨ, ਲੁਧਿਆਣਾ ਜੰਕਸ਼ਨ, ਮਲੇਰਕੋਟਲਾ, ਮਾਨਸਾ, ਮੋਗਾ, ਮੁਕਤਸਰ, ਨੰਗਲ ਡੈਮ, ਪਠਾਨਕੋਟ ਕੈਂਟ, ਪਠਾਨਕੋਟ ਜੰਕਸ਼ਨ, ਪਟਿਆਲਾ, ਫਗਵਾੜਾ ਜੰਕਸ਼ਨ, ਫਿਲੌਰ ਜੰਕਸ਼ਨ, ਰੂਪਨਗਰ, ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ (ਮੋਹਾਲੀ), ਸੰਗਰੂਰ ਅਤੇ ਸਰਹਿੰਦ ਸ਼ਾਮਲ ਹਨ।

ਪੰਜਾਬ ਵਿੱਚ ਹੁਣ ਤੱਕ 3 ਸਟੇਸ਼ਨਾਂ (ਭਾਵ ਆਨੰਦਪੁਰ ਸਾਹਿਬ, ਮੁਕਤਸਰ ਅਤੇ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਮੋਹਾਲੀ) ਦੇ ਕੰਮ ਪੂਰੇ ਹੋ ਚੁੱਕੇ ਹਨ।

ਹੋਰ ਸਟੇਸ਼ਨਾਂ ’ਤੇ ਵਿਕਾਸ ਕਾਰਜਾਂ ਦੀਆਂ ਗਤੀਵਿਧੀਆਂ ਚੰਗੀ ਗਤੀ ਨਾਲ ਸ਼ੁਰੂ ਕੀਤੀਆਂ ਗਈਆਂ ਹਨ ਅਤੇ ਕੁਝ ਸਟੇਸ਼ਨਾਂ ਦੀ ਪ੍ਰਗਤੀ ਹੇਠ ਲਿਖੇ ਅਨੁਸਾਰ ਹੈ:

• ਸਰਹਿੰਦ ਸਟੇਸ਼ਨ: ਸਟੇਸ਼ਨ ਭਵਨ ਵਿੱਚ ਸੁਧਾਰ, ਪ੍ਰਵੇਸ਼ ਵਿਹੜਾ, ਪਖ਼ਾਨਾ ਸਹੂਲਤ ਨਾਲ ਏਅਰ ਕੰਡੀਸ਼ਨਡ ਵੇਟਿੰਗ ਹਾਲ, ਦੂਜੇ ਦਰਜੇ ਦੇ ਵੇਟਿੰਗ ਹਾਲ ਵਿੱਚ ਸੁਧਾਰ, ਪਖ਼ਾਨਾ ਬਲਾਕ, ਸਰਕੂਲੇਸ਼ਨ ਖੇਤਰ, ਪਾਰਕਿੰਗ, ਦਾਖਲਾ/ਨਿਕਾਸ ਗੇਟ, ਰੋਸ਼ਨੀ ਅਤੇ ਸੂਚਕਾਂ ਦਾ ਕੰਮ ਪੂਰਾ ਕਰ ਲਿਆ ਗਿਆ ਹੈ। ਲਿਫਟ ਦਾ ਕੰਮ ਅਤੇ 12 ਮੀਟਰ ਫੁੱਟ ਓਵਰ ਬ੍ਰਿਜ ਦਾ ਕੰਮ ਸ਼ੁਰੂ ਕੀਤਾ ਗਿਆ ਹੈ।

• ਗੁਰਦਾਸਪੁਰ ਸਟੇਸ਼ਨ: ਸਟੇਸ਼ਨ ਭਵਨ, ਪਲੇਟਫਾਰਮ ਸ਼ੈਲਟਰ, ਪਲੇਟਫਾਰਮ ਦੀ ਸਤ੍ਹਾ ਵਿੱਚ ਸੁਧਾਰ, ਵੇਟਿੰਗ ਹਾਲ, ਪਖ਼ਾਨਾ, ਸਰਕੂਲੇਸ਼ਨ ਖੇਤਰ, ਵਿਹੜਾ ਅਤੇ ਰੋਸ਼ਨੀ ਪ੍ਰਬੰਧ ਦਾ ਕੰਮ ਪੂਰਾ ਕੀਤਾ ਗਿਆ ਹੈ। ਨਵੇਂ ਪਲੇਟਫਾਰਮ ਨੰਬਰ 2, ਬੁਕਿੰਗ ਅਤੇ ਵੇਟਿੰਗ ਹਾਲ, ਸਰਕੂਲੇਸ਼ਨ ਖੇਤਰ, ਪਾਰਕਿੰਗ, ਮੁੱਖ ਪ੍ਰਵੇਸ਼ ਅਤੇ ਦੂਜੇ ਪਾਸੇ ਦਾਖਲਾ/ਨਿਕਾਸ ਗੇਟ ਅਤੇ 12 ਮੀਟਰ ਫੁੱਟ ਓਵਰ ਬ੍ਰਿਜ ਦਾ ਕੰਮ ਸ਼ੁਰੂ ਕੀਤਾ ਗਿਆ ਹੈ।

• ਪਟਿਆਲਾ ਸਟੇਸ਼ਨ: ਸਟੇਸ਼ਨ ਭਵਨ, ਪ੍ਰਵੇਸ਼ ਵਿਹੜਾ, ਪਲੇਟਫਾਰਮ ਸ਼ੈਲਟਰ, ਵੇਟਿੰਗ ਹਾਲ, ਆਰਾਮਘਰ, ਪਖ਼ਾਨਾ, ਸਰਕੂਲੇਸ਼ਨ ਖੇਤਰ, ਪਾਰਕਿੰਗ, ਪ੍ਰਵੇਸ਼/ਨਿਕਾਸ ਗੇਟ ਅਤੇ ਸੂਚਕਾਂ ਦਾ ਸੁਧਾਰ ਕੰਮ ਪੂਰਾ ਕੀਤਾ ਗਿਆ ਹੈ। ਪਲੇਟਫਾਰਮ ਦੀ ਸਤ੍ਹਾ, ਦੂਜੇ ਦਾਖਲਾ ਦਰਵਾਜ਼ੇ ਦਾ ਵਿਕਾਸ, ਲਿਫਟ ਅਤੇ 12 ਮੀਟਰ ਫੁੱਟ ਓਵਰ ਬ੍ਰਿਜ ਦਾ ਕੰਮ ਸ਼ੁਰੂ ਕੀਤਾ ਗਿਆ ਹੈ।

ਸ਼੍ਰੀ ਅਸ਼ਵਿਨੀ ਵੈਸ਼ਣਵ ਨੇ ਪ੍ਰਸ਼ਨ ਦੇ ਉੱਤਰ ਵਿੱਚ ਕਿਹਾ ਕਿ ਸਟੇਸ਼ਨਾਂ ਦਾ ਵਿਕਾਸ/ਨਵੀਨੀਕਰਨ ਗੁੰਝਲਦਾਰ ਹੁੰਦਾ ਹੈ, ਜਿਸ ਵਿੱਚ ਯਾਤਰੀਆਂ ਅਤੇ ਰੇਲਗੱਡੀਆਂ ਦੀ ਸੁਰੱਖਿਆ ਸ਼ਾਮਲ ਹੁੰਦੀ ਹੈ ਅਤੇ ਇਸ ਲਈ ਅੱਗ ਬੁਝਾਉ ਵਿਭਾਗ ਦੀ ਮਨਜ਼ੂਰੀ, ਵਿਰਾਸਤ ਸਬੰਧੀ ਮਨਜ਼ੂਰੀ, ਦਰੱਖ਼ਤਾਂ ਦੀ ਕਟਾਈ, ਹਵਾਈ ਅੱਡੇ ਨਾਲ ਸਬੰਧਤ ਮਨਜ਼ੂਰੀ ਆਦਿ ਵਰਗੀਆਂ ਵੱਖ-ਵੱਖ ਕਾਨੂੰਨੀ ਪ੍ਰਵਾਨਗੀਆਂ ਦੀ ਲੋੜ ਹੁੰਦੀ ਹੈ। ਇਸ ਦੀ ਰਫ਼ਤਾਰ ਜਨਉਪਯੋਗੀ ਸੇਵਾਵਾਂ ਦੀ ਤਬਦੀਲੀ (ਜਿਵੇਂ ਪਾਣੀ/ਸੀਵਰੇਜ ਲਾਈਨ, ਓਪਟੀਕਲ ਫਾਈਬਰ ਕੇਬਲ, ਗੈਸ ਪਾਈਪਲਾਈਨ, ਬਿਜਲੀ/ਸਿਗਨਲ ਕੇਬਲ ਆਦਿ), ਕਬਜ਼ਾ, ਯਾਤਰੀ ਆਵਾਜਾਈ ਨੂੰ ਬਿਨਾ ਰੁਕਾਵਟ ਰੇਲਗੱਡੀਆਂ ਦੀ ਚਾਲੂ ਰੱਖਦੇ ਹੋਏ ਕੰਮ ਕਰਨਾ, ਰੇਲਪਟੜੀ ਅਤੇ ਉੱਚ ਵੋਲਟੇਜ ਬਿਜਲੀ ਲਾਈਨਾਂ ਦੇ ਨੇੜੇ ਕੰਮ ਕਰਨ ਕਾਰਨ ਲਾਗੂ ਕੀਤੀਆਂ ਗਈਆਂ ਰਫ਼ਤਾਰ ਸੀਮਾਵਾਂ ਵਰਗੀਆਂ ਬ੍ਰਾਊਨਫੀਲਡ ਚੁਣੌਤੀਆਂ ਕਾਰਨ ਵੀ ਪ੍ਰਭਾਵਿਤ ਹੁੰਦੀ ਹੈ। ਇਹ ਸਾਰੇ ਕਾਰਕ ਕੰਮ ਦੇ ਪੂਰਾ ਹੋਣ ਦੇ ਸਮੇਂ ਨੂੰ ਪ੍ਰਭਾਵਿਤ ਕਰਦੇ ਹਨ।

*****

(Release ID: 2248014) ਵਿਜ਼ੀਟਰ ਕਾਊਂਟਰ : 3