مرکزی وزیر برائے صنعت و تجارت جناب پیوش گوئل نے ڈبلیو ٹی او ایم سی14 کے دوران نیوزی لینڈ کے وزیر برائے تجارت و سرمایہ کاری جناب ٹوڈ مائیکل میکلے کے ساتھ اعلیٰ سطحی دو طرفہ مذاکرات کیے۔ وزراء نے وزیر اعظم جناب نریندر مودی کے آئندہ دورہ نیوزی لینڈ کی تیاریوں کا مختصر جائزہ لیا۔ اس دورے کے حوالے سے شدید جوش و خروش کا اظہار کرتے ہوئے، نیوزی لینڈ نے اس بات کی تصدیق کی کہ دونوں ممالک کی جانب سے اس دورے کے لیے نمایاں نتائج اور اہداف کی ایک جامع فہرست کو حتمی شکل دی جا رہی ہے۔ اقتصادی تعلقات کو مزید استحکام دینے کے لیے، نیوزی لینڈ وزیر اعظم مودی کے دورے کے دوران ایک اعلیٰ سطحی کاروباری وفد کی میزبانی بھی کرے گا۔

دونوں فریقین نے حال ہی میں طے پانے والے بھارت-نیوزی لینڈ آزادانہ تجارتی معاہدے پر دستخط کے عمل میں ہونے والی پیش رفت کا بھی جائزہ لیا۔ مذاکرات میں باضابطہ ایف ٹی اے فریم ورک سے ہٹ کر بتدریج اور عملی تعاون کے حصول پر بھی توجہ مرکوز کی گئی، بالخصوص کھیلوں اور زراعت جیسے شعبوں میں، جس میں بھارتی کسانوں کو کیوی اور سیب کی کاشت کاری کی تربیت فراہم کرنا بھی شامل ہے۔

ایم سی-14 کے ایجنڈے پر، بھارت نے ممبران کے تئیں 'ورلڈ ٹریڈ آرگنائزیشن' (ڈبلیو ٹی او) کے تئیں اپنے عزم کا اعادہ کیا۔ جناب پیوش گوئل نے اس بات پر زور دیا کہ جنرل کونسل کو اصلاحات کی کوششوں کی قیادت کرنی چاہیے۔ دونوں وزراء نے دیگر ایجنڈے پر بھی تبادلہ خیال کیا، جن میں الیکٹرانک ٹرانسمیشن پر کسٹم ڈیوٹی کی معطلی کے ساتھ ساتھ 'انویسٹمنٹ فیسیلیٹیشن فار ڈویلپمنٹ ایگریمنٹ' کی شمولیت بھی شامل ہے۔ بھارت نے زور دیا کہ ڈبلیو ٹی او کی ساکھ کے لیے سابقہ وعدوں پر وضاحت اور پیش رفت ناگزیر ہے۔ نیوزی لینڈ نے ان خدشات کا اعتراف کیا اور موجودہ چیلنجوں کے باوجود عمل کو تعمیری رکھنے اور ڈبلیو ٹی او کے کام کاج کو برقرار رکھنے کے لیے ممبران کی زیادہ سے زیادہ شرکت پر زور دیا۔

وزارتی سطح کی دو طرفہ ملاقات سے قبل صنعت و تجارت کی وزارت کےسکریٹری جناب راجیش اگروال نے بھی ایم سی-14 کے دوران اپنے نیوزی لینڈ کے ہم منصب، جناب وینجیلس وائٹلس (ڈپٹی سکریٹری، تجارت و اقتصادیات) کے ساتھ دو طرفہ ملاقات کی۔

A productive interaction with Mr. Todd McClay, Minister for Trade and Investment of New Zealand, during engagements at #WTOMC14.

Exchanged views on the progress of the MC14 agenda and reviewed ongoing work towards the signing of the recently concluded India-New Zealand FTA. Also… pic.twitter.com/TpS8V5W81k

— Piyush Goyal (@PiyushGoyal) March 27, 2026

********

ش ح۔ ع و ۔ص ج

U. No.5102

(ریلیز آئی ڈی: 2246769) وزیٹر کاؤنٹر : 7