ٹیکسٹائل کے وزیر جناب گری راج سنگھ نے آج راجیہ سبھا میں ایک سوال کے تحریری جواب میں بتایا کہ حکومت ابھرتی ہوئی عالمی تجارتی پیش رفت کے اثرات کا جائزہ لینے اور ان سے نمٹنے کے لیے  تمل ناڈو سمیت  تمام  شراکت داروں بشمول برآمد کنندگان ، برآمداتی فروغ سے متعلق کونسلوں اور صنعت کے ساتھ فعال طور پر مصروف عمل ہے ۔  اس تناظر میں ، ہندوستان اور امریکہ نے 02 فروری 2026 کو ایک تجارتی معاہدے کا اعلان کیا ، جس کے بعد 07 فروری 2026 کو ایک مشترکہ بیان جاری کیا گیا ۔  اس کے بعد ، روس کے تیل کی درآمدات کا حوالہ دیتے ہوئے ، کچھ ہندوستانی برآمدات پر امریکہ کی طرف سے عائد کردہ 25فیصد اضافی ایڈ ویلورم ٹیرف کو واپس لے لیا گیا ۔  اس کے ساتھ ہی20 فروری 2026 کو امریکی سپریم کورٹ کے فیصلے کے مطابق ، باہمی محصولات کو کالعدم قرار دے دیا گیا ہے اور اب یہ نافذالعمل نہیں ہیں ۔  تاہم امریکی حکومت نے تمام ممالک سے کچھ مصنوعات پر 10فیصد محصولات عائد کرنے کے ایگزیکٹو آرڈرز جاری کیے ہیں ۔  حکومت اس کے بعد ہونے والی تمام پیش رفتوں کا مطالعہ کر رہی ہے اور امریکی حکومت کے ساتھ مسلسل رابطے میں ہے۔

ہندوستان کی عالمی سطح پرکپڑوں اور ملبوسات کی برآمدات، بشمول دستکاری مصنوعات، اپریل 2025 سے جنوری 2026 کے دوران 2,68,951.5 کروڑ روپے رہی، جو گزشتہ سال کے اسی عرصے کے مقابلے میں 3.3فیصد کی ترقی کو ظاہر کرتی ہے۔ تمل ناڈو کی کپڑا اور ملبوسات کی برآمدات، بشمول دستکاری مصنوعات، اسی مدت میں 57,858.7 کروڑ  روپےرہی، جو گزشتہ سال کے اسی عرصے کے مقابلے میں 3.3فیصد کی ترقی ظاہر کرتی ہے۔ تمل ناڈو کے س17 اضلاع، بشمول تیروپور، نے اپریل 2025 سے جنوری 2026 کے دوران پچھلے سال کے اسی عرصے کے مقابلے میں برآمدات میں اضافہ درج کیا۔

حکومت نے ہندوستانی کپڑا اور ملبوسات کے شعبے کو فروغ دینے اور ملک سے اس کی مسابقت کو بڑھانے کے لیے مختلف اسکیمیں/اقدامات نافذ کیے ہیں اور یہ اقدامات تمل ناڈو سمیت ملک سے برآمدات کو فروغ دے رہے ہیں ۔  بڑی اسکیموں/اقدامات میں جدید ، مربوط ، عالمی معیار کا ٹیکسٹائل انفراسٹرکچر بنانے کے لیے پی ایم میگا انٹیگریٹڈ ٹیکسٹائل ریجنز اینڈ اپیرل (پی ایم مترا) پارکس اسکیم ؛ بڑے پیمانے پر مینوفیکچرنگ کو فروغ دینے اور مسابقت بڑھانے کے لیے ایم ایم ایف کپڑے ، ایم ایم ایف ملبوسات اور تکنیکی ٹیکسٹائل پر توجہ مرکوز کرنے والی پیداوار سے منسلک ترغیبی (پی ایل آئی) اسکیم ؛تحقیق، اختراع اور ترقی، فروغ اور مارکیٹ کی ترقی پر توجہ مرکوز کرنے والا نیشنل ٹیکنیکل ٹیکسٹائل مشن ؛ مانگ پر مبنی ، روز گار کے مواقع پرمبنی ، ہنر مندی کو فروغ دینے  کے  پروگرام  کی فراہمی کے مقصد سے ٹیکسٹائل کے شعبہ میں صلاحیت سازی کے لیے سمرتھ-اسکیم ؛ سیرکلچر ویلیو چین کی جامع ترقی کے لیے سلک سمگر-2 ؛ ہینڈلوم سیکٹر کے لیے شروع سے آخر تک مدد کے لیے نیشنل ہینڈلوم ڈیولپمنٹ پروگرام شامل ہیں ۔  ٹیکسٹائل کی وزارت دستکاری کے فروغ کے لیے قومی دستکاری ترقیاتی پروگرام اور جامع دستکاری کلسٹر ترقیاتی اسکیم بھی نافذ کر رہی ہے ۔

حکومت نے ملبوسات اورتیار شدہ ٹیکسٹائل مصنوعات کے لیے ریاستی اور مرکزی ٹیکس اور محصولات کی چھوٹ/واپسی (آر او ایس سی ٹی ایل) اسکیم بھی نافذ کی ہے تاکہ تمام ریاستوں بشمول تمل ناڑو میں برآمد کنندگان کے لیے صفر ریٹڈ برآمدات کے اصول کو اپنانے کے ذریعے مسابقت کو بڑھایا جاسکے۔ اس کے علاوہ ٹیکسٹائل مصنوعات جو آر او ایس سی ٹی ایل اسکیم کے تحت شامل نہیں ہیں، انہیں دیگر مصنوعات کے ساتھ برآمد شدہ مصنوعات پر عائد محصولات اور ٹیکسز کی معافی/واپسی (آر او ڈی ٹی ای پی) اسکیم کے تحت کور کیا گیا ہے۔

اس کے علاوہ حکومت نے مالی سال 26-2025 سے مالی سال 2031-2030 کی مدت کے لیے ایکسپورٹ پروموشن مشن (ای پی ایم) کی اسکیم کو منظوری دے دی ہے ، جس کا مقصد ہندوستان کی برآمدی مسابقت خاص طور پر ایم ایس ایم ایز کے لیے مضبوط کرنا ہے۔ مشن کو دو مربوط ذیلی اسکیموں کے ذریعے نافذ کیا گیا ہے: نریات پروتساہن ، جو مالیاتی اہل کاروں اور تجارتی مالی مدد پر مرکوز ہے ، اور نریات دیشا ، جو غیر مالی ، بازار تک رسائی اور ماحولیاتی نظام کے اہل کاروں سے متلعق معاملات کا حل فراہم کرتی ہے۔  حکومت ہند نے سی جی ایس ای کے تحت ضمانت سے پاک کریڈٹ رسائی کو فعال کرکے اہل قرض دہندگان ، خاص طور پر ایم ایس ایم ایز کو موجودہ ورکنگ کیپٹل حدود کے 20فیصد تک اضافی کریڈٹ سپورٹ فراہم کرنے کے لیے برآمد کنندگان کے لیے کریڈٹ گارنٹی اسکیم (سی جی ایس ای) کو بھی منظوری دے دی ہے ۔

ریزرو بینک آف انڈیا (آر بی آئی) نے اہل متاثرہ برآمد کنندگان کے لیے تجارتی راحت فرہم کرنے کے اقدامات بھی شروع کیے ہیں جن میں قرض کی ادائیگی کی پابندی اور برآمداتی کریڈٹ کے لیے مدت میں توسیع شامل ہے ۔

****

ش ح۔م ش۔ اش ق

U NO: 5010

(ریلیز آئی ڈی: 2246091) وزیٹر کاؤنٹر : 12