قبائیلی امور کی وزارت
قبائلی صنعت کاری اور ’وکست بھارت‘
پوسٹ کرنے کی تاریخ:
18 MAR 2026 4:17PM by PIB Delhi
قبائلی امور کے مرکزی وزیر مملکت، جناب درگاداس اوئیکے نے آج راجیہ سبھا کو بتایا کہ نیشنل شیڈیولڈ ٹرائبس فنانس اینڈ ڈیولپمنٹ کارپوریشن (این ایس ٹی ایف ڈی سی)، جو وزارت قبائلی امور کے تحت ایک مرکزی عوامی شعبہ جاتی ادارہ (سی پی ایس ای) ہے، اہل شیڈیولڈ ٹرائب افراد کو آمدنی پیدا کرنے، خود روزگار اور روزی روٹی سے متعلق سرگرمیوں کے لیے رعایتی قرضے فراہم کرتا ہے۔ یہ قرض معاونت مختلف اسکیموں جیسے ٹرم لون اسکیم، آدیواسی مہلا سشکتیکرن یوجنا (اے ایم ایس وائی)، سیلف ہیلپ گروپ کے لیے مائیکرو کریڈٹ اسکیم (ایم سی ایف) اور آدیواسی شکشا رِن یوجنا (اے ایس آر وائی) کے تحت دی جاتی ہے۔ مالی سال 2025-26 کے دوران این ایس ٹی ایف ڈی سی کی مختلف قرض اسکیموں کے تحت 56,944 مستفیدین کو مدد فراہم کی گئی ہے۔
پردھان منتری جنجاتیہ وکاس مشن (پی ایم جے وی ایم) کے تحت، ٹرائبل کوآپریٹو مارکیٹنگ ڈیولپمنٹ فیڈریشن آف انڈیا قبائلی دستکاروں کو اپنے مصنوعات براہ راست فروخت کرنے، صارفین سے رابطہ قائم کرنے اور قبائلی ثقافت، کھانوں اور ورثے کو پیش کرنے کے لیے آدی مہوتسو جیسے تشہیری پروگراموں کا انعقاد کرتی ہے۔ موجودہ مالی سال (فروری 2026 تک) کے دوران دو آدی مہوتسو منعقد کیے جا چکے ہیں۔ گزشتہ تین برسوں کے دوران منعقد کیے گئے آدی مہوتسو کی تفصیلات درج ذیل ہیں:
|
نمبر شمار
|
سال
|
منعقد کیے گئے آدی مہوتسو کی تعداد
|
مقامات
|
|
1
|
2022-2023
|
2
|
اندور (15-27 نومبر، 2022) اور دہلی 16-27 فروری، 2023)
|
|
2
|
2023-2024
|
4
|
رورکیلا (7-16 اپریل، 2023)، احمد آباد (24 اکتوبر-03 نومبر، 2023)، جمشید پور (7-20 اکتوبر، 2023) اور دہلی (10-18 فروری، 2024)
|
|
3
|
2024-2025
|
5
|
احمد آباد (13-20 اکتوبر، 2024)، چنئی (15-24 نومبر، 2024)، جے پور (29 نومبر - 08 دسمبر، 2024)، بھوپال (20-30 دسمبر، 2024 اور دہلی (16-24 فروری، 2025)
|
سال بھر مارکیٹنگ کے فروغ کے لیے، صرف جسمانی تقریبات تک محدود رہنے کے بجائے، ٹی آر آئی ایف ای ڈی نے اپنے ای-کامرس پلیٹ فارم www.tribesindia.com کے ذریعے اپنی ڈیجیٹل رسائی کو مضبوط بنایا ہے، جسے 10 جون 2025 کو ملکی اور بین الاقوامی صارفین کے لیے بہتر صارف تجربے کے ساتھ دوبارہ شروع کیا گیا۔ اس وقت اس پلیٹ فارم پر تقریباً 6,000 مصنوعات دستیاب ہیں۔ اس کے علاوہ، آن لائن مارکیٹ تک رسائی کو بڑھانے کے لیے 1,339 قبائلی مصنوعات کو اوپن نیٹ ورک فار ڈیجیٹل کامرس (او این ڈی سی) پر شامل کیا گیا ہے۔
معزز وزیر اعظم نے 2 اکتوبر 2024 کو دھرتی آبا جنجاتیہ گرام اتکرش ابھیان (ڈی اے جے جی یو اے) کا آغاز کیا۔ اس ابھیان میں 17 وزارتوں کے ذریعے نافذ کی جانے والی 25 مداخلتیں شامل ہیں۔ اس کے تحت وزارت سیاحت کی جانب سے نافذ کی جانے والی ایک اہم پہل سودیش درشن اسکیم کے تحت قبائلی ہوم اسٹے کا قیام ہے۔ اس اسکیم کے تحت پورے بھارت کی 30 ریاستوں/ مرکز زیر انتظام علاقوں میں، بشمول شمال مشرقی اور وسطی بھارت، 1,000 قبائلی ہوم اسٹے کو معاونت فراہم کی جائے گی، جس میں نئی تعمیر کے لیے فی یونٹ 5 لاکھ روپے تک، تزئین و آرائش کے لیے 3 لاکھ روپے تک، اور گاؤں کی اجتماعی ضروریات کے لیے 5 لاکھ روپے تک کی مالی مدد شامل ہے۔
*********
ش ح۔ ف ش ع
U: 4373
(ریلیز آئی ڈی: 2242032)
وزیٹر کاؤنٹر : 10