نئی اور قابل تجدید توانائی کی وزارت (ایم این آر ای) ماہی گیری، مسافروں کی نقل و حمل اور سیاحت کے لیے شمسی توانائی سے چلنے والی کشتیوں کے استعمال کی حمایت کے لیے کوئی اسکیم نافذ نہیں کر رہی ہے۔ تاہم، نیشنل انسٹی ٹیوٹ آف سولر انرجی (ایم این آر ای ،این آئی ایس ای ) کے زیراہتمام ایک خودمختار ادارہ، کشتیوں میں شمسی توانائی کے استعمال کی فزیبلٹی پر ایک مطالعہ کر رہا ہے جس میں ماہی گیری کے لیے استعمال ہونے والی کشتیاں بھی شامل ہیں۔

این آئی ایس ای نے پائلٹ پروجیکٹ اور ٹرائل رن کے نفاذ کے لیے سنٹر فار سسٹین ایبل انرجی اینڈ انوائرمنٹ (سی ایس ای ای)کے ساتھ تعاون کیا ہے، جو ایک غیر سرکاری تنظیم ہے۔

اس علاقے میں حاصل کیے گئے چند اہم سنگ میلوں میں ماہی گیروں کے لیے پائلٹ سولر بوٹ کی ترقی و فروغ اور تعیناتی شامل ہے۔ پی وی ماڈیولز، بیٹریاں، چارج کنٹرولرز، موٹرز، اور فائبر بوٹس جیسے اہم اجزاء کے ڈیزائن کا کام اور خریداری مکمل ہو چکی ہے۔ موٹر، ​​پی وی ماڈیولز اور بیٹریوں کا این آئی ایس ای میں تجربہ کیا گیا ہے اور اپاڈا ہاربر پر فائبر بوٹ فیبریکیشن مکمل ہو چکی ہے۔ سسٹم انٹیگریشن، فیلڈ ٹرائلز اور کارکردگی کی توثیق مظاہرے کی جگہ پر فی الحال کی جا رہی ہے۔

یہ معلومات نئی اور قابل تجدید توانائی کے مرکزی وزیر مملکت جناب شری پد یسو نائک نے آج ایوان بالا- راجیہ سبھا میں ایک تحریری جواب میں دی۔

*****

ش ح – ظ الف –ن ع  

UR No. 4237

 

(ریلیز آئی ڈی: 2241303) وزیٹر کاؤنٹر : 13