جرمنی کی تنظیم گلوبل برجز کے ایک وفد نے ضلع اور بلاک کی سطح پر ترقیاتی نتائج کو تیز کرنے اور خدمات کی فراہمی کو مضبوط بنانے کے مقصد سے حکومتِ ہند کی اہم اسکیموں — اسپائریشنل ڈسٹرکٹ پروگرام (اے ڈی پی) اور اسپائریشنل بلاکس پروگرام (اے بی پی) — کے بارے میں معلومات حاصل کرنے کے لیے نیتی آیوگ کا دورہ کیا۔

اس ملاقات کی صدارت نیتی آیوگ میں ایڈیشنل سکریٹری اور اے ڈی پی/اے بی پی کے مشن ڈائریکٹر جناب روہت کمار نے کی، جنہوں نے اسپائریشنل ڈسٹرکٹ اور اسپائریشنل بلاکس پروگراموں کے ڈیزائن، نفاذ کے فریم ورک اور اثرات کا جائزہ پیش کیا۔

گفتگو کے دوران جناب روہت کمار نے بتایا کہ یہ پروگرام 3C — کنورجنس (ہم آہنگی)، کولیبوریشن (باہمی تعاون) اور کمپیٹیشن (مسابقت) کے اصولوں پر مبنی ہیں، جن کے ساتھ 3F — فنڈز، فنکشنز اور فنکشنریز کو بھی شامل کیا گیا ہے۔ یہ اصول مرکزی وزارتوں، ریاستی حکومتوں اور ضلع و بلاک انتظامیہ کے درمیان مربوط کارروائی کو ممکن بناتے ہیں۔ انہوں نے زور دیا کہ ان اقدامات کا مقصد صحت، تعلیم، زراعت، مالی شمولیت اور بنیادی ڈھانچے جیسے شعبوں میں اہم ترقیاتی اشاریوں کو بہتر بنانا ہے، جس کے لیے ہدفی اقدامات اور قریبی نگرانی کی جاتی ہے۔

جناب روہت کمار نے مزید بتایا کہ ان پروگراموں میں ڈیٹا پر مبنی نگرانی کے نظام، حقیقی وقت کے ڈیش بورڈز اور میدانِ عمل میں مسلسل رابطے کے ذریعے پیش رفت کا جائزہ لیا جاتا ہے، ترقیاتی خلا کی نشاندہی کی جاتی ہے اور ضلع و بلاک کی سطح پر شواہد پر مبنی فیصلوں کو فروغ دیا جاتا ہے۔

وفد کی قیادت ڈاکٹر اسٹیفن ٹریگر کر رہے تھے۔ انہوں نے اسپائریشنل ڈسٹرکٹ اور اسپائریشنل بلاکس پروگراموں کے تحت حاصل ہونے والی پیش رفت کو سراہا اور اے ڈی پی/اے بی پی کے تحت اختیار کیے گئے مضبوط نگرانی کے نظام اور ڈیٹا پر مبنی حکمرانی کے ماڈل کو تسلیم کیا۔

وفد نے بعد ازاں وِکست بھارت اسٹریٹجی روم کا بھی دورہ کیا، جہاں نیتی آیوگ کی ٹیم نے یہ دکھایا کہ کس طرح ڈیٹا اینالیٹکس اور ویژولائزیشن ٹولز کے ذریعے معلومات حاصل کی جا رہی ہیں، ترقیاتی خلا کی نشاندہی کی جا رہی ہے اور مرکز، ریاستوں اور اضلاع کی سطح پر شواہد پر مبنی پالیسی سازی کی حمایت کی جا رہی ہے۔

************

 

ش ح ۔   ا م   ۔  م  ص

(U :3715    )

(ریلیز آئی ڈی: 2238541) وزیٹر کاؤنٹر : 4