غذائی اجزا کے استعمال کی کارکردگی سے مراد کھاد میں شامل غذائی اجزا کا وہ حصہ ہے جو مؤثر طور پر فصلوں کے ذریعے جذب ہو کر ان کی نشوونما اور پیداوار کے لیے استعمال ہوتا ہے۔ این یو ای کی سطح مختلف عوامل سے متاثر ہوتی ہے، جن میں فصل کی قسم، مٹی کی حالت، زرعی و موسمی تغیرات، کھاد کے ذرائع اور اس کے استعمال کے طریقے، آبپاشی کے طریقہ کار اور مجموعی فصلاتی انتظام شامل ہیں۔ انڈین کونسل آف ایگریکلچرل ریسرچ (آئی سی اے آر) اور دیگر تحقیقی اداروں کی تجرباتی مطالعات کے مطابق بھارت میں این یو ای عموماً نائٹروجن (این) کے لیے 30 تا 45 فیصد، فاسفورس (پی) کے لیے 15 تا 25 فیصد اور پوٹاشیم (کے) کے لیے 50 تا 60 فیصد کے درمیان اندازہ کیا جاتا ہے۔

فارم کی سطح پر قدر میں اضافے کے حوالے سے زراعت اور اس سے متعلقہ شعبوں سے حاصل ہونے والی اوسط مجموعی قدر تقریباً 2 سے 3 لاکھ روپے فی ہیکٹر سالانہ کے درمیان ہوتی ہے، تاہم یہ فصلوں، علاقوں اور بازار کے حالات کے لحاظ سے مختلف ہو سکتی ہے۔ باغبانی کی فصلیں عموماً اناج کے مقابلے میں فی ہیکٹر نمایاں طور پر زیادہ قدر میں اضافہ پیدا کرتی ہیں۔ حکومت درج ذیل اہم اسکیموں کے ذریعے قدر میں اضافے کو فعال طور پر فروغ دے رہی ہے:

• پردھان منتری کسان سمپدا یوجنا (پی ایم کے ایس وائی)
• فوڈ پروسیسنگ صنعت کے لیے پروڈکشن لنکڈ انسینٹو اسکیم (پی ایل آئی ایس ایف پی آئی)
• پردھان منتری فارملائزیشن آف مائیکرو فوڈ پروسیسنگ انٹرپرائزز اسکیم (پی ایم ایف ایم ای)
• انڈین کونسل آف ایگریکلچرل ریسرچ نے بتایا ہے کہ گزشتہ دہائیوں کے دوران یہ تناسب بتدریج کم ہونے کا رجحان ظاہر کر رہا ہے، جس کی وجوہات میں مٹی میں غذائی اجزا کا عدم توازن، نائٹروجن والی کھادوں کا ضرورت سے زیادہ استعمال اور مٹی میں نامیاتی مادے کی کمی شامل ہیں۔ مختلف فیلڈ تجربات سے حاصل شدہ نتائج کے مطابق حالیہ برسوں میں ملک میں کھاد کے مقابلے میں اناج کی پیداوار کا ردِعملی تناسب تقریباً 9.55 سے 11.05 کلوگرام اناج فی کلوگرام استعمال شدہ کھاد کے درمیان رہا ہے۔

سال 2025 (جنوری تا دسمبر) کے دوران سبسڈی والی یوریا کی مجموعی فروخت 399.40 لاکھ میٹرک ٹن (ایل ایم ٹی) رہی۔

انڈین کونسل آف ایگریکلچرل ریسرچ کے مطابق غذائی اجزا کے استعمال کی عمومی کارکردگی (این یو ای) کی حدود — نائٹروجن 30 تا 45 فیصد، فاسفورس 15 تا 25 فیصد اور پوٹاشیم 50 تا 60 فیصد — کو مدنظر رکھتے ہوئے کھاد کا ایک قابل ذکر حصہ فوری طور پر فصلوں کے ذریعے استعمال نہیں ہو پاتا۔ باقی غذائی اجزا رساؤ، تبخیر اور بہاؤ کے ذریعے ضائع ہو سکتے ہیں یا مٹی میں باقی ماندہ یا مستحکم غذائی اجزا کی صورت میں محفوظ رہ کر آئندہ فصلوں کے لیے دستیاب رہتے ہیں۔

محترمہ انوپریہ پٹیل، وزیر مملکت برائے کیمیکلز و فرٹیلائزرز نے آج راجیہ سبھا میں ایک غیر ستارہ دار سوال کے جواب میں یہ معلومات فراہم کی۔

**********

 

ش ح۔ ف ش ع

                                                                                                                                       U: 3716

(ریلیز آئی ڈی: 2237894) وزیٹر کاؤنٹر : 7