কেরলা প্রেশ তুরগী অরোয়বা নুমীত্তা পী.আই.বি. ইম্ফালগী মিদিয়া মীহৎ কাঙবুশিংনা ভিঝিংজম ইন্তর্নেস্নেল সমুদ্রগী হীথাংফমদা চৎখ্রে

হৌজিক কেরলাদা প্রেশ তুর তৌরিবা প্রেশ ইনফোর্মেসন ব্যুরো (পী.আই.বি.), ইম্ফালগী মিদিয়া মীহুৎ কাঙবুনা মখোয়গী খোঙচৎকি লোয়শিনবগী শরুক অমা ওইনা ঙরাং ভিঝিংজম ইন্তর্নেস্নেল সমুদ্রগী হীথাংফমদা চৎখি। ফেব্রুৱারি কুন নিথোইদগী খোঙচৎ হৌখিবা মীহুৎ কাঙবু অসিনা ফেব্রুৱারি ২৭তা ইম্ফালদা হল্লক্নবা থৌরাং তৌরি।

মীহুৎ কাঙবু অদু অদানি ভিঝিংজম হীথাংফমগী সি.ই.ও. প্রদিপ জয়রমনগা লোয়ননা কম্যুনিকেসনগী হেদ মহেশ গুপ্তন অমসুং অতোপ্পা ওফিসিএলশিংগা লোয়ননা তিম অসিগা ৱারি শান্নখি অমসুং প্রোজেক্ত অসিগী মতাংদা অপুনবা ৱারোল অমা পীখি।

মীহুৎ কাঙবু অদুদা সমুদ্র খোঙবালগী চাওখৎ-থৌরাং, মসিগী মরুওইবা মায় পাকপগী উরোং খিনখিবশিং, অমসুং তুংদা পাকথোক-চাওথোকহনবগী থৌরাংশিংগী মতাংদা পাওদমখি। ওফিসিএলশিংনা হীথাংফম অসিগী জিওগ্রাফিকেল লোকেসনগী স্ত্রেতেজিক ওইবা মরুওইবা অমসুং মালেমগী থাক্কী ত্রান্সসিপমেন্ত হব অমা শেমগৎনবা মফম অমা ওইনা ভিঝিংজম খনবগী মরম অদু ফোঙদোকখি।

শ্রী জয়রমন্না প্রোজেক্ত অসিগী অহানবা তাঙ্কক্কী মায় পাকপগী মতাংদা শন্দোক্না তাকখি অমসুং চাওখৎপগী লাক্কদৌরিবা ফেজশিংগী রোদমেপ অদু ফোঙদোকখি। মহাক্না খঙহনখি মদুদি ভিঝিংজম হীথাংফম অসি ভারতকি অহানবা  এদভান্স ওইরবা এ.আই. পাৱর তৌরবা সিস্তেম হাপ্লবা সেমী-ওতোমেতেদ হীথাংফমনি। হীথাংফম অসিদা লৈবাক অসিগী খ্বাইদগী লুরবা দ্রাফ অমসুং খ্বাইদগী শাংবা ব্রেকৱাতরসু য়াওরি, মসিনা ভারতকি সমুদ্রগী ইনফ্রাস্ত্রকচরদা মরুওইবা মায় পাকপগী উরোং অমা ওইনা থমলি।

খোঙচৎ অদুদা হীথাংফমগী ওফিসিএলশিংনা দিপ-ৱাতর ত্রান্সসিপমেন্ত ফেসিলিতি অসিগী অনৌবা মতমগী ইনফ্রাস্ত্রকচর, ওপরেস্নেল কেপেবিলিতিশিং, অমসুং তুংদা পাকথোক চাওথোকহনবগী থৌরাংশিংগী মতাংদা মরিক চুম্বা প্রজেন্তেসন অমা পীখি। মখোয়না খঙহনখি মদুদি ভিঝিংজম ইন্তর্নেস্নেল সমুদ্রগী হীথাংফম্না তেক্নোলোজিনা থৌগৎপা অমসুং ইনক্লুসিব ওপরেসনশিংগী খুত্থাংদা অনৌবা স্তেন্দর্দশিং থম্লে, মসিনা অৱাংবা থাক্কী ইফিসিএন্সি, শোক্নিংঙাই ওইদ্রবা অমসুং থাজবা য়াবা ভারতকি অহানবা সেমী-ওতোমেতেদ কন্তেনর হীথাংফম ওইনা থোরক্লে। হীথাংফম অসিনা লৈবাক অসিদা নুপীগী ওতোমেতেদ ক্রেন ওপরেতরশিং থাদোকপসু অহানবা ওইরি, মসিনা মেরিতাইম ওপরেসনশিংদা জেন্দর দাইবরসিতি প্রমোত তৌনবা প্রোগ্রেসিব ওইবা খোঙথাং অমা উৎলি। অনৌবা মতমগী ভেহিকল ত্রাফিক মেনেজমেন্ত সিস্তেম অমা য়াওনা অহোঙবা ইন্দিজিনস তেক্নোলোজি ইন্তিগ্রেৎ তৌবনা লেন্দসাইদা কারগো চৎথোক-চৎশিন হেন্না নিংথিনা অমসুং য়াম্না থুনা চৎপা ঙমহল্লে।

ওফিসিএলশিংনা মখা তানা হায়খি মদুদি হীথাংফম অসিগী ওপরেস্নেল এক্সেলেন্স অসি অচেৎপা ইনফ্রাস্ত্রকচরনা মতেং পাংলি, মসিদা কিলোমীতর অহুম শাংবা ব্রেকৱাতর অমা য়াওরি, মসিগী অৱাংবা অসি মীতর কুন নিপাল অমসুং পাক চাওবা মীতর চামগা কুন মঙানি – মসি ভারত্তা খ্বাইদগী চাওবা অমনি – অমসুং মীতর তরানিপালদগী কুনগী মহৌশাগী ওইবা দ্রাফ অমা য়াওরি, মসিনা অলত্রা-লার্জ কন্তেনর ভেসেলশিংবু পাক শন্না ​​দ্রেজিং তৌদনা বর্থ তৌবা য়াহল্লি। মফম অসিগী মীনিমম লিতোরেল দ্রাইফৎ অসিনা চহি চুপ্পা লেপ্পা লৈতনা থবক তৌবা ঙমহল্লি। অচৌবা নোংপোক-নোংচুপ ইন্তর্নেস্নেল সিপিং রুৎশিংগী মনাক্তা স্ত্রেতেজিক ওইনা লৈবা ভিঝিংজম অসি ভারতকি মকোক থোঙবা দিপ-ৱাতর ত্রান্সসিপমেন্ত হব অমা ওইনা য়াম্না থুনা থোরক্লি। মালেমগী খ্বাইদগী চাওবা ভেসেল খরবু হেন্দল তৌবগী মসিগী কেপাসিতি অসিনা মালেমগী সমুদ্রগী ললোন-ইতিক অমসুং লোজিস্তিক্সকি লমদা ভারতকি ফিভম হেনগৎহল্লি।

ওফিসিএলশিংনা মীহুৎ কাঙবু অদুদা খঙহনখি মদুদি হীথাংফম অসিনা হৌজিক ফাওবদা অপুনবা জহাজ চাতরেৎকা মরিফুনিথোই হেন্দল তৌখ্রে অমসুং চাওরাক্না তি.ই.য়ু. লাখ তরাতরুক্কা দসমিক তরুক প্রোসেস তৌদুনা ভারতকী ত্রান্সশিপমেন্ত মখোয়না মখা তানা ফোঙদোকখি মদুদি হীথাংফম অসিনা ইফিসিয়েন্ত অমসুং সেফ ওপরেসনশিং শোয়দনা ফংহননবা অনৌবা মতমগী ওতোমেসন অমসুং দিজিতেল তেক্নোলোজিশিং দিপ্লোই তৌরি। রিমোত ওপরেৎ তৌবা এস.তি.এস.ক্রেনশিংনা খ্বাইদগী নেম্বা দাওনতাইম অমসুং অৱাংবা প্রদক্তিবিতিগা লোয়ননা ওল-ৱেদর ফঙ্কসন তৌবা ঙমহল্লি, অদুগা ওতোমেতেদ য়ারদা ক্রেনশিংনা রিমোত মোনিতর তৌবা অমসুং এক্সেপ্সন হেন্দল তৌবগী খুত্থাংদা ইফিসিএন্সি হেনগৎহল্লি।

মীহুৎ কাঙবু অদুদা হীথাংফম অসিগী মপূঙ ফাবা চাওখৎ-থৌরাং অসি চাওনা খোঙজেল য়াংখৎহনখ্রে হায়বসু খঙহনখি। অহানবদা প্রোজেক্তা অসি লিশিং অনিগা নিফুমঙা ফাওবগী ফেজশিংদা পায়খৎনবা থৌরাং তৌরম্বা মতমদা, হৌজিক ওথোরিতিশিংনা ফেজ পুম্নমক ডিসেম্বর লিশিং অনিগা কুন নিপাল ফাওবগী মনুংদা লোয়শিন্নবা পান্দম থম্লি, মসিগী খোঙজেল য়াংনা পায়খৎপা থৌওং অসিনা ভারতকি ত্রান্সশিপমেন্ত কেপাসিতি হেনগৎহনগনি, মপান লৈবাক্কী হীথাংফমশিংদা মখা পোনবা হন্থহনগনি, অমসুং মালেমগী সমুদ্রগী হবা অমা ওইনা লৈবাক অসিগী পোজিসন অসি মপাঙ্গল কনখৎহনগনি হায়না থাজরি।

প্রেশ তুর অসিগী মনুংদা মীহুৎ কাঙবু অদুনা কোচি ৱাতর মেত্রো (ভিতিলা–ফোর্ত কোচি স্ত্রেচ), রব্বর বোর্দ, কোচি-মুজিরিস বিয়েনাল, অমসুং ইন্দিয়ন ইন্সতিত্যুত ওফ স্পেস সাইন্স এন্দ তেক্নোলোজি য়াওনা মমিং লৈরবা ইন্সতিত্যুসন অমসুং ফ্লেগসিপ ইনিসিয়েতিব কয়াদা চত্তুনা মরুওইবা কলচরেল অমসুং তুরিজমগী মফমশিংদা চৎখি।

খোঙচৎ অসি ফিল্দ ওফিস চন্দেলগী সেন্ত্রেল ব্যুরো ওফ কম্যুনিকেসনগী এসিস্তেন্ত দাইরেক্তর মোইরাংথেম রুস্তম্না কোওরদিনেৎ তৌখি অমসুং মহাক্না মীহুৎ কাঙবু অদুগা লোয়ননা কন্দক্তিং ওফিসর ওইনা শরুক য়াখি, মসিগা লোয়ননা প্রেশ ইনফোর্মেসন ব্যুরো, ইম্ফালগী ইনফোর্মেসন এসিস্তেন্ত শ্রী থোকচোম রবিচন্দ্রসু য়াওখি।

হায়রিবা এঙ্গেজমেন্তশিং অসিনা ইনফ্রাস্ত্রকচর দিবেলপমেন্ত, সাইন্তিফিক রিসর্চ, ইনোবেসন, অমসুং কলচরেল হেরিতেজ য়োকখৎপদা ভারতকি খুমাং চাউখৎপা অদু উৎনবা পান্দম থমখি।

***