نیول آرمامینٹ آرگنائزیشن (بحری اسلحہ تنظیم) (این اے او) نے 12-13 فروری 2026 کو انسٹی ٹیوٹ آف ٹیکنالوجی مینجمنٹ (آئی ٹی ایم) ڈی آر ڈی او ، مسوری میں اپنی سالانہ 24 ویں آفیسرز انچارج (او آئی سی) کانفرنس اور 7 ویں آئی ٹی پروجیکٹ اینڈ انفراسٹرکچر میٹنگ (آئی پی آئی ایم) کا کامیابی کے ساتھ اختتام کیا ۔  بحریہ کے اسلحہ ڈپو کے چیف جنرل منیجروں اورجنرل منیجروں کے طور پر خدمات انجام دینے والے آئی این اے ایس کے سینئر افسران نے انتظامی استعداد کار ، اہلکاروں کے انتظام و انصرام ، تنظیم کے اندر انجینئرنگ ٹیکنالوجیز ، اور جاری آئی ٹی اقدامات اور بنیادی ڈھانچے کے پروجیکٹوں کی پیشرفت پر مرکوز اعلی سطحی بات چیت دونوں میں شرکت کی ۔

ان تقریبات نے نیول آرمامینٹ آرگنائزیشن کی اعلی قیادت کے لیے اسٹریٹجک مقاصد کو ہم آہنگ کرنے اور ہندوستانی بحریہ کے بڑھتے ہوئے آپریشنل فوٹ پرنٹ یعنی بڑھتے ہوئے عملی طریقہ کارکی حمایت کے لیے فیلڈ یونٹوں میں ایچ آر اور اہم بنیادی ڈھانچے کی تیاری کا جائزہ لینے کے لیے ایک اہم پلیٹ فارم کے طور پر کام کیا ۔

اپنے خطاب کے دوران ، ڈائریکٹر جنرل نے بیڑے کو ان کی غیر متزلزل حمایت کے لیے ڈپو کی تعریف کی اور ہتھیاروں کی دیکھ بھال اور بنیادی ڈھانچے کی ترقی میں آتم نربھرتا (خود انحصاری) کی ضرورت پر زور دیا ۔  انہوں نے افسران پر زور دیا کہ وہ سمندری شعبے میں ابھرتے ہوئے حفاظتی چیلنجوں سے نمٹنے کے لیے پائیدار اور اختراعی طریقوں کو اپنائیں ۔

انفارمیشن ٹیکنالوجی میں پیش رفت سے فائدہ اٹھاتے ہوئے این اے او کی ڈیجیٹل تبدیلی کے لیے ایک روڈ میپ کے ساتھ دو روزہ پروگرام اختتام پذیر ہوا۔اس دوران  اس بات کو بھی یقینی بنایا گیا کہ تنظیم ملک کے سمندری مفادات کی حمایت کے لیے مستقبل کے لیے تیار اور تکنیکی طور پر ترقی یافتہ آلات سے لیس رہے ۔

*********

ش ح۔م م ع۔م الف

U. No-3458

(ریلیز آئی ڈی: 2236002) وزیٹر کاؤنٹر : 13