بھارت کے قومی انسانی حقوق کمیشن (این ایچ آر سی)  نے ایک میڈیا رپورٹ کا از خود نوٹس لیا ہے کہ اتر پردیش کے گورکھپور ضلع کے ایک نجی اسپتال میں موتیابند کی ناکام  سرجری  کے بعد کم از کم نو مریضوں کی متاثرہ آنکھیں نکالنی پڑی ہیں اور نو دیگر ایک آنکھ کی بینائی سے محروم ہو گئے ۔  اطلاعات کے مطابق ، نجی اسپتال میں یکم فروری 2026 کو ایک آئی کیمپ کے دوران 30 مریضوں کی سرجری کی گئی ۔

کمیشن نے مشاہدہ کیا ہے کہ خبروں کے مندرجات ، اگر سچ ہیں تو  یہ متاثرین کے انسانی حقوق کی  سنگین خلاف ورزی کا معاملہ ہے  ۔  اس لیے اس نے چیف سکریٹری ، حکومت اتر پردیش اور سینئر سپرنٹنڈنٹ آف پولیس ، گورکھپور ، اتر پردیش کو نوٹس جاری کر کے دو ہفتوں کے اندر اس معاملے پر تفصیلی رپورٹ طلب کی ہے ۔

20 فروری 2026 کو کی گئی میڈیا رپورٹ کے مطابق ، مریضوں نے آپریشن کے 24 گھنٹوں کے اندر آپریشن  والی  آنکھوں میں  شدید درد اور ڈسچارج  کی شکایت کرنا شروع کر دی ۔  مجموعی طور پر 18 مریضوں کو انفیکشن ہوا جس کے بعد ان کی حالت بگڑنے پر انہیں طبی علاج کے لیے دہلی ، لکھنؤ اور وارانسی بھیج دیا گیا ۔

******

ش ح۔ ف ا۔ م ر

U-NO. 3366

(ریلیز آئی ڈی: 2235365) وزیٹر کاؤنٹر : 34