آئی این ایس سوادرشنی یکم مارچ 2026 کو تاریخی بندرگاہی شہر اسکندریہ پہنچی، جو اس کے جاری بین البحری مہم لوک یان-26 کے دوران ایک اہم سنگِ میل ہے۔ یہ آمد گزشتہ ہفتے صفاگا سے روانگی کے بعد جہاز کے سویز نہر کے راستے شمال کی جانب سفر کے بعد ممکن ہوئی۔ تین مستولوں والے اس بارک جہاز کا 193 کلومیٹر طویل سویز نہر سے گزرنا—جو مشرق اور مغرب کو جوڑنے والی دنیا کی تاریخی بحری گزرگاہوں میں سے ایک ہے—اس عالمی مہم میں شریک تربیت پانے والوں کے لیے ایک اہم تربیتی تجربہ ثابت ہوا۔

اسکندریہ میں داخلہ ’’برجز آف فرینڈشپ‘‘ اقدام کو مزید مضبوط بناتا ہے، جو بھارت اور مصر کے درمیان دیرینہ بحری شراکت داری کا جشن مناتا ہے۔ دونوں ممالک کے درمیان صدیوں پر محیط ثقافتی روابط اور اقتصادی تعلقات کی ایک بھرپور تاریخ موجود ہے۔ حالیہ برسوں میں دفاع اور بحری تعاون سمیت کئی شعبوں میں دوطرفہ تعلقات مزید مستحکم ہوئے ہیں۔ سودرشنی کا یہ دورہ دوطرفہ تعلقات کو گہرا کرنے اور بحری شعبے میں تعاون کو فروغ دینے کے لیے بھارت کے عزم کی توثیق کرتا ہے۔

جہاز کی آمد پر مصری بحریہ اور بھارتی سفارت خانے کے عہدیداران نے اس کا استقبال کیا۔ جہاز کے کمانڈنگ آفیسر نے اسکندریہ بحریہ بیس کے کمانڈر ریئر ایڈمرل محمود عبد الستار سے ملاقات کی۔ اس بندرگاہی قیام کے دوران عملہ پیشہ ورانہ تبادلوں، کمیونٹی سرگرمیوں اور ثقافتی پروگراموں میں حصہ لے گا، جن کا مقصد باہمی خیر سگالی کو فروغ دینا، باہمی ہم آہنگی کو مضبوط بنانا اور دونوں بحری افواج کے درمیان تعاون کو مزید بڑھانا ہے۔

 

 

 

************

ش ح ۔   م  د ۔  م  ص

(U :  3298  )

(ریلیز آئی ڈی: 2234742) وزیٹر کاؤنٹر : 6