سی ایس آئی آر-نیشنل انسٹی ٹیوٹ آف سائنس کمیونیکیشن اینڈ پالیسی ریسرچ (سی ایس آئی آر-این آئی ایس سی پی آر) نے 27 فروری 2026 کو نئی دہلی کے پوسا کیمپس کے وویکانند ہال میں ‘‘ہندوستان کے سیمی کنڈکٹر  ماحولیاتی نظام کو مضبوط  بنانا: پالیسیاں ، چیلنجز اور مواقع’’ کے موضوع پر ایک روزہ ورکشاپ منعقد کی  ۔  ورکشاپ نے ہندوستان کے سیمی کنڈکٹر ماحولیاتی نظام کی راہ ہموار  کرنے کے لیے پالیسیوں ، چیلنجوں اور اہمیت کے حامل  مواقع پر غور و فکر کرنے کے لیے تحقیق و ترقی کے اداروں ، حکومت ، تعلیمی اداروں اور صنعت کے ماہرین کو یکجا  کیا ۔  ورکشاپ کا انعقاد سی ایس آئی آر-این آئی ایس سی پی آر کے ذریعے 'ہندوستان کے سیمی کنڈکٹر ماحولیاتی نظام کے مقابلے میں عالمی سیمی کنڈکٹر پالیسیوں اور حکمت عملیوں کا تقابلی تجزیہ' پر کیے گئے حالیہ مطالعے کو مستحکم کرنے کے لیے کیا گیا تھا ۔ مذکورہ  ورکشاپ کا انعقاد ہندوستان کے سیمی کنڈکٹر ماحولیاتی نظام کے موجودہ منظر نامے کا جائزہ لینے ، چیلنجوں کی نشاندہی کرنے ، تعاون کے مواقع تلاش کرنے ، عالمی بہترین طریقوں اور پالیسی بصیرت کی نشاندہی کرنے ، پالیسی سے متعلق  سرگرمیوں پر  بات چیت کو آسان بنانے اور ہندوستان کی سیمی کنڈکٹر صلاحیتوں کو مستحکم کرنے میں مدد کے لیے قابل عمل سفارشات تیار کرنے کے مقاصد کو حاصل کرنے کے لیے کیا گیا تھا ۔

 

 مذکورہ ورکشاپ میں ، انڈیا سیمی کنڈکٹر مشن  ایم ای آئی ٹی وائی (میٹی) ، بی آئی ٹی ایس پلانی(بڈس پلانی)  نیتی آیوگ ؛ سی ایس آئی آر-سی ای ای  آر آئی پلانی ؛ سالڈ اسٹیٹ فزکس لیبارٹری (ایس ایس پی ایل) ڈی آر ڈی او ، این آئی ای ایل آئی ٹی نئی دہلی ؛ سی ایس آئی آر-سی ایس آئی او ، چندی گڑھ ؛ سی ایس آئی آر-این پی ایل ، نئی دہلی ؛ آئی آئی ٹی جودھ پور ؛ آئی آئی ٹی دہلی ؛ ریسرچ اینڈ انفارمیشن سسٹم فار ڈیولپمننگ کنٹریز (آر آئی ایس) دہلی ٹیکنیکل یونیورسٹی ؛ سی ایس آئی آر-این اے ایل ، بنگلورو ؛ امرتا یونیورسٹی ؛ انٹیل انڈیا ؛ لام ریسرچ ، اپلائیڈ میٹریلز ، سیمی ورس سولیوشنز پرائیویٹ لمیٹڈ ۔ لمیٹڈ ؛ سہسرا سیمی کنڈکٹر پرائیویٹ لمیٹڈ ، نئی دہلی ؛ اور ورسیمی مائیکرو الیکٹرانکس (پی) لمیٹڈ ، نوئیڈا نے حصہ لیا اور ہندوستان کے سیمی کنڈکٹر ماحولیاتی نظام کو مضبوط بنانے کے لیے اپنی آرا  مشترک  کیں ۔  ملک بھر میں متعلقہ فریقوں  کی وسیع تر شرکت کو قابل بنانے کے لیے یوٹیوب پر کارروائی کو براہ راست نشر کیا گیا ۔

افتتاحی اجلاس میں ، ڈاکٹر گیتا وانی رائسم ، ڈائریکٹر ، سی ایس آئی آر-این آئی ایس سی پی آر نے سائنس مواصلات اور پالیسی تحقیق میں انسٹی ٹیوٹ کے رول کو اجاگر کیا  اور ہندوستان کے سیمی کنڈکٹر ماحولیاتی نظام کو مستحکم کرنے کے لیے مکالمے کی اہمیت پر زور دیا ۔  ڈاکٹر وپن کمار ، چیف سا ئنسداں  ، سی ایس آئی آر-این آئی ایس سی پی آر نے ہندوستان کے سیمی کنڈکٹر پیراڈوکس ، مضبوط عالمی ڈیزائن قیادت ابھی تک 95فیصد درآمدی انحصار پر روشنی ڈالی اور 2030 تک ہندوستان کو ایک قابل اعتماد عالمی سیمی کنڈکٹر مرکز کے طور پر قائم کرنے کے لیے شواہد پر مبنی پالیسی اصلاحات ، آئی ایس ایم 2.0 اختراعی پُش ، اور اسٹریٹجک خود انحصاری پر زور دیا ۔

پروفیسر وی رام گوپال راؤ ، گروپ وائس چانسلر ، بٹس پلانی اور ای ایس مینوفیکچرنگ کمیٹی کے سابق عہدیدار رکن نے مہمان خصوصی کی حیثیت سے خطاب کیا ، جس میں قومی مسابقت اور تکنیکی خود انحصاری کے لیے سیمی کنڈکٹرز کی اسٹریٹجک اہمیت کو اجاگر کیا گیا ۔ انہوں نے اس بات پر زور دیا کہ محض جدید فاؤنڈریز قائم کرنا کافی نہیں ہوگا، بلکہ ایک ایسی حکمتِ عملی اختیار کرنا ضروری ہے جو  ملک میں تیار کردہ ٹیکنالوجی ، مشن موڈ پروگرامز اور ڈیپ ٹیک اسٹارٹ اپس پر مرکوز ہو۔۔  پروفیسر راؤ نے سینٹرز آف ایکسی لینس ، آر اینڈ ڈی ہبس اور پروٹو ٹائپنگ سہولیات کو بڑھانے کی سفارش کی تاکہ اختراعات کو نچلے سے اونچے ٹی آر ایلس  میں ترقی دینے اور  ‘‘یلی  آف  ڈیتھ (موت کی وادی)’’پر قابو پانے میں مدد ملے ۔

تکنیکی بحث کو تین موضوعاتی اجلاسوں میں ترتیب دیا گیا تھا ۔  پہلا  اجلاس  ‘‘آر اینڈ ڈی اور انوویشن ، ڈیزائن اور مینوفیکچرنگ ایکوسسٹم’’ پر مرکوز تھا ۔   اجلاس  کی مقررین نے آئی ایس ایم 2.0 پر زور دیا کہ وہ پائلٹ فیبس ، طاق دفاعی سیمی کنڈکٹرز ، دیسی مواد/آلات ، ڈیزائن پر مبنی آر اینڈ ڈی ، فوٹوونکس/اے آئی فوکس ، پائیدار الیکٹرانکس ، متنوع مینوفیکچرنگ ، مضبوط آئی پی ، مہارت ، بنیادی ڈھانچہ ، عالمی شراکت داری ، لچکدار حکمت عملیوں کے ذریعے تعلیمی صنعت کے فرق کو ختم کرے ۔  ‘‘ایکوسسٹم فار اسکل ورک فورس اینڈ ٹیلنٹ ڈیولپمنٹ’’ پر دوسرے اجلاس  کی صدارت ڈاکٹر منیش کے ہوڈا ، ڈائریکٹر (ٹیکنالوجی) انڈیا سیمی کنڈکٹر مشن نے کی ۔  اس  اجلاس  کے مقررین نے ہندوستان کے سیمی کنڈکٹر ماحولیاتی نظام کو  وسعت  دینے کے لیے متوازن ڈیزائن-مینوفیکچرنگ ترقی ، سی ایم او ایس پر مرکوز تعلیمی پروگراموں ، اسٹرکچرڈ اسکلنگ اقدامات ، صنعتی تعاون ، اور افرادی قوت کی ترقی پر زور دیا ۔

‘‘پالیسی ،  حکمرانی  اور ادارہ جاتی فریم ورک’’  تیسرے اجلاس  کا کلیدی موضوع تھا اور اس اجلاس میں ایک لچکدار سیمی کنڈکٹر ماحولیاتی نظام کی معاونت کے لیے درکار پالیسی اور ادارہ جاتی ڈھانچے کا جائزہ لیا گیا ۔   اس اجلاس  کی صدارت پروفیسر سوجیت بھٹاچاریہ ، ایڈجنکٹ پروفیسر ، امرتا یونیورسٹی اور سابق  اعلی سائنسداں  ، سی ایس آئی آر-این آئی ایس سی پی آر نے کی ۔  مقررین نے عالمی پالیسی ماڈلز کا موازنہ کیا ، متحد حکمرانی اور ایک قومی تحقیقی مرکز پر زور دیا ، اے آئی چپ اسٹارٹ اپ کے مواقع  کو اجاگر کیا ، اور سیمی کنڈکٹر ڈپلومسی ، نایاب زمین تک رسائی ، سپلائی چین لچک اور اسٹریٹجک خود مختاری پر بھی زور دیا  تیسرے اجلاس میں پالیسی ، حکمرانی  اور ادارہ جاتی فریم ورک نے ایک لچکدار سیمی کنڈکٹر ماحولیاتی نظام کی حمایت کے لیے درکار پالیسی اور ادارہ جاتی ڈھانچے کا جائزہ لیا گیا ۔ اجلاس کی صدارت پروفیسر سوجیت بھٹاچاریہ ایڈجنکٹ پروفیسر ، امرتا یونیورسٹی اور سابق اعلی سائبسداں  ، سی ایس آئی آر-این آئی ایس سی پی آر نے کی ۔

ورکشاپ کا اختتام ‘‘اسٹریٹجک پاتھ ویز: اے روڈ میپ فار انڈیاز سیمی کنڈکٹر فیوچر’’ کے موضوع پر پینل  مباحثے  اور اختتامی  اجلاس  کے ساتھ ہوا ۔   اجلاس  کی صدارت پروفیسر نوکانتا بھٹ ، ڈین ، ڈویژن آف انٹر ڈسپلنری سائنسز اور پروفیسر ، سینٹر فار نینو سائنس اینڈ انجینئرنگ ، انڈین انسٹی ٹیوٹ آف سائنس (آئی آئی ایس سی) بنگلورو نے کی ۔  ماہرین نے انڈیا سیمی کنڈکٹر مشن (آئی ایس ایم 1.0 اور 2.0) کے ذریعے ہندوستانی حکومت کی مسلسل رفتار کو اجاگر کیا اور  اس بات پر زور دیا کہ اگلے مرحلے میں بھی توجہ مرکوز کرنے ، اختراع اور اسکیلنگ کی ضرورت ہے ۔  صنعتی نقطہ نظر نے انڈین انسٹی ٹیوٹ آف سائنس کے ساتھ شراکت داری سمیت تعلیمی-صنعت کے تعاون کے ذریعے جدید مینوفیکچرنگ صلاحیتوں اور منظم افرادی قوت کے فروغ پر ر زور دیا ۔

 

مقررین نے سیمی کنڈکٹر ڈومینز میں انتہائی خصوصی سائنسی صلاحیتوں کی فوری ضرورت کے ساتھ ساتھ مقامی اینالاگ ، سینسر اور ایپلی کیشن سے متعلق مصنوعات میں ہندوستان کی طاقت کو اجاگر کیا ۔  ابھرتے ہوئے علاقوں جیسے چپ ٹو چپ لیس آرکیٹیکچرز اور کوانٹم ا مربوط  سیمی کنڈکٹر سسٹمز کی شناخت جست  لگانے کے مواقع کے طور پر کی گئی ۔ مذکورہ   ورکشاپ  میں  اختتامی کلمات ڈاکٹر وپن کمار ، اعلی  سائنسداں ، سی ایس آئی آر-این آئی ایس سی پی آر اور ڈاکٹر چارو ورما ،  اعلی سائنسداں ، سی ایس آئی آر-این آئی ایس سی پی آر نے دیے ۔  ان اجلاس  میں ہونے والی بات چیت نے اجتماعی طور پر عالمی سیمی کنڈکٹر ویلیو چین میں ہندوستان کی پوزیشن کو مستحکم کرنے کے لیے آر اینڈ ڈی ، ڈیزائن ، مینوفیکچرنگ ، مہارت اور پالیسی سپورٹ میں مربوط کوششوں کی ضرورت پر زور دیا ۔  بات چیت نے شواہد پر مبنی پالیسی سے متعلق معلومات  فراہم کرنے اور اسٹریٹجک ایس اینڈ ٹی ڈومینز پر کثیر فریقین کے مکالمے کو آسان بنانے میں سی ایس آئی آر-این آئی ایس سی پی آر کے کردار کو بھی تقویت فراہم کی  ۔

********

 (ش ح ۔ ش م ۔رض)

U. No.3238

(ریلیز آئی ڈی: 2234448) وزیٹر کاؤنٹر : 7