ٹیلی کمیونیکیشن انجینئرنگ سینٹر (ٹی ای سی)، جو حکومتِ ہند کے محکمۂ ٹیلی کمیونیکیشن (ڈی او ٹی) کا تکنیکی بازو ہے، نے انڈین انسٹی ٹیوٹ آف ٹیکنالوجی کھڑگپور (آئی آئی ٹی کھڑگپور) کے ساتھ ایک مفاہمت نامہ (ایم او یو) پر دستخط کیے ہیں۔ اس معاہدے کا مقصد جدید ٹیلی کام ٹیکنالوجیز اور عالمی معیار بندی کی سرگرمیوں میں مشترکہ مطالعات، تحقیق اور تکنیکی تعاون کو فروغ دینا ہے۔

اس شراکت داری کا ہدف مستقبل کی نیٹ ورک ٹیکنالوجیوں جیسے 6جی، آپٹیکل کمیونیکیشن اور نان ٹیریسٹریل نیٹ ورکس (این ٹی اینز) کے لیے بھارت مخصوص معیارات تیار کرنا ہے۔ اس کے ساتھ ساتھ ٹیلی کام شعبے میں پیسیو آپٹیکل نیٹ ورک ٹیکنالوجی، ایڈوانسڈ اینٹینا سسٹمز، 5جی اور آئندہ وائرلیس نیٹ ورکس کے لیے ایم آئی ایم او ٹیکنالوجیز، ای ایم ایف مانیٹرنگ سلوشنز وغیرہ میں مشترکہ تعاون بھی شامل ہے۔

یہ اشتراک عالمی ٹیلی کمیونیکیشن یونین کے معیار بندی شعبے (آئی ٹی یو-ٹی) اور دیگر بین الاقوامی فورمز میں بھارت کی مؤثر شمولیت کو مزید مضبوط بنانے کا بھی ہدف رکھتا ہے۔

مفاہمت نامہ  پر23 فروری 2026 کو آئی آئی ٹی کھڑگپور میں دستخط کیے گئے۔ ٹی ای سی، ڈی او ٹی کی جانب سے جناب کمل کمار اگروال، ڈی ڈی جی (ایف اے) اور آئی آئی ٹی کھڑگپور کی جانب سے پروفیسر دیپ مکھوپادھیائے، ایسوسی ایٹ ڈین (آر اینڈ ڈی) نے دستخط کیے۔ اس موقع پر ڈائریکٹر پروفیسر سمن چکرورتی، پروفیسر گوتم داس، ڈاکٹر دیبارتی سین (آئی آئی ٹی کھڑگپور) اور شری سووِک کمار داس، ڈی ڈی جی (آر ٹی ای سی) بھی موجود تھے۔

یہ شراکت داری ٹی ای سی کو آئندہ نسل کی ٹیلی کام ٹیکنالوجیوں اور معیار بندی کی سرگرمیوں میں آئی آئی ٹی کھڑگپور کے ساتھ قریبی تعاون کے لیے ایک باضابطہ فریم ورک فراہم کرتی ہے۔

اہم شعبہ جاتِ تعاون:

6جی:
6جی آرکیٹیکچر اور اس سے متعلق بنیادی ٹیکنالوجیوں کی تلاش، تحقیق، پری-اسٹینڈرڈائزیشن اور عالمی فورمز جیسے آئی ٹی یو میں معیار بندی کی سرگرمیوں میں تعاون۔

اے آئی سے تقویت یافتہ ٹیلی کام نظام:ای ایم ایف مانیٹرنگ حلوں کی مشترکہ تحقیق و ترقی اور معیار بندی، بشمول اسمارٹ آئی او ٹی سینسر کی تیاری، جو اے آئی اور سیفٹی لیب فریم ورک کے تحت عوامی تحفظ اور ضابطہ جاتی تعمیل کو مضبوط بنائے۔

ریڈیو، اینٹینا اور ایم آئی ایم او ٹیکنالوجیز:ایڈوانسڈ اینٹینا سسٹمز، میسو ایم آئی ایم او اور متعلقہ ریڈیو ایکسس ٹیکنالوجیز میں اشتراکی تحقیق۔

سیٹلائٹ اور نان ٹیریسٹریل نیٹ ورکس (این ٹی اینز):سیٹلائٹ کمیونیکیشن سسٹمز، این ٹی اینز، ہائی آلٹی ٹیوڈ پلیٹ فارم سسٹمز (ایچ اے پی ایس) اور سیٹلائٹ-زمینی انضمام پر مشترکہ مطالعات، بشمول آفات سے محفوظ اور ہنگامی رابطہ سہولیات کے حل۔

یہ شراکت داری مقامی تحقیق و ترقی کو تیز کرنے اور عالمی معیار بندی کے عمل میں بھارت کے اثر و رسوخ کو بڑھانے کے لیے ترتیب دی گئی ہے، تاکہ آئی ٹی یو جیسے عالمی اداروں میں بھارت کی شراکت مزید مضبوط ہو۔

یہ تعاون آتم نربھر بھارت کے وژن کو آگے بڑھاتے ہوئے ٹیلی کام کے شعبے میں مقامی تحقیق، ڈیزائن اور مینوفیکچرنگ کو تقویت دے گا۔ اس کے تحت بھارت مخصوص معیارات، ٹیسٹ فریم ورک اور مقامی طور پر تیار کردہ حل وضع کیے جائیں گے، جو قومی خود انحصاری کو فروغ دینے، اہم مواصلاتی ڈھانچے کو محفوظ بنانے اور درآمدات پر انحصار کم کرنے میں مددگار ثابت ہوں گے۔

ٹی ای سی کے بارے میں

ٹیلی کمیونیکیشن انجینئرنگ سینٹر (ٹی ای سی) حکومتِ ہند کے محکمۂ ٹیلی کمیونیکیشن (ڈی او ٹی) کا تکنیکی بازو ہے۔ ٹی ای سی بھارت میں ٹیلی کام آلات اور نیٹ ورکس کے لیے تکنیکی معیارات، وضاحتیں اور مطابقت جانچ کے تقاضے وضع کرتا ہے، تاکہ باہمی ہم آہنگی، معیار اور عالمی بہترین طریقوں سے مطابقت یقینی بنائی جا سکے۔ ٹی ای سی آئی ٹی یو-ٹی، آئی ٹی یو-آر جیسے بین الاقوامی فورمز میں بھارت کی نمائندگی کرتا ہے اور عالمی معیار بندی سرگرمیوں کے لیے قومی ورکنگ گروپس کی ہم آہنگی بھی کرتا ہے۔

آئی آئی ٹی کھڑگپور کے بارے میں

انڈین انسٹی ٹیوٹ آف ٹیکنالوجی کھڑگپور (آئی آئی ٹی کھڑگپور) قومی اہمیت کا ایک ممتاز ادارہ ہے، جو جدید ٹیلی کمیونیکیشن، 5جی/6جی ٹیکنالوجیز، آپٹیکل کمیونیکیشن، ٹیلی کام میں مصنوعی ذہانت کے اطلاقات اور ابھرتے ہوئے آئی سی ٹی شعبوں میں مضبوط تعلیمی و تحقیقی صلاحیتوں کا حامل ہے۔

 

Follow DoT Handles for more: - X - https://x.com/DoT_India Insta-https://www.instagram.com/department_of_telecom?igsh=MXUxbHFjd3llZTU0YQ== Fb - https://www.facebook.com/DoTIndia Youtube: https://www.youtube.com/@departmentoftelecom

****

ش ح ۔   م    د۔  م  ص

(U : 3049)

(ریلیز آئی ڈی: 2232801) وزیٹر کاؤنٹر : 9