दूरसंचार आणि माहिती तंत्रज्ञान मंत्रालय
सीसीए महाराष्ट्र व गोवा परिमंडळातर्फे छत्रपती शिवाजी महाराज यांची जयंती उत्साहात साजरी
प्रविष्टि तिथि:
19 FEB 2026 9:12PM by PIB Mumbai
मुंबई , 19 फेब्रुवारी 2026
महाराष्ट्र व गोवा परिमंडळ,संचार लेखा नियंत्रक (सीसीए) कार्यालयातर्फे छत्रपती शिवाजी महाराज यांची जयंती आदर व राष्ट्रभक्तीच्या वातावरणात साजरी करण्यात आली.
कार्यालयातील अधिकारी व कर्मचाऱ्यांनी एकत्र येऊन छत्रपती शिवाजी महाराजांना पुष्पांजली अर्पण केली. कार्यक्रमातून त्यांच्या नेतृत्वगुणांप्रती, प्रशासकीय कौशल्यांप्रती तसेच राष्ट्रनिर्मितीतील त्यांच्या दीर्घकालीन योगदानाबद्दल आदर व्यक्त करण्यात आला.
यावेळी सीसीए, महाराष्ट्र व गोवा परिमंडळ , डॉ. सतीशचंद्र झा यांनी मार्गदर्शन करताना छत्रपती शिवाजी महाराजांनी मराठा साम्राज्याची मजबूत व उत्कृष्ट प्रशासनव्यवस्था उभी करण्यात बजावलेल्या महत्त्वपूर्ण भूमिकेचा आढावा घेतला. त्यांनी शिवाजी महाराजांच्या दूरदर्शी धोरणांचा, प्रभावी प्रशासनाचा, सशक्त आरमार उभारणी, तसेच न्याय व प्रजाहिताबाबतच्या त्यांच्या कटिबद्धतेचा विशेष उल्लेख केला. ही मूल्ये आजही समाजाला प्रेरणा देणारी असल्याचे त्यांनी नमूद केले.
4WAQ.jpeg)
हा कार्यक्रम छत्रपती शिवाजी महाराजांनी अंगीकारलेल्या शौर्य, सचोटी, सुशासन व राष्ट्रनिष्ठा या मूल्यांची आठवण करून देणारा ठरला.
सोनाली काकडे/गजेंद्र देवडा/प्रिती मालंडकर
(रिलीज़ आईडी: 2230485)
आगंतुक पटल : 54
इस विज्ञप्ति को इन भाषाओं में पढ़ें:
English