راشٹرانایک چھترپتی شیواجی مہاراج کی سالگرہ کی یاد میں، اور بھارت کے یووا شکتی کو ان کے لازوال حوصلے، سوراجیہ اور عوام مرکوز حکم رانی کے لازوال نظریات سے متاثر کرنے کے لیے، بھارت سرکار کی وزارت نوجوانان اور کھیلوں کی وزارت مہاراشٹرا حکومت مہاراشٹر اور ‘میرا یوا بھارت‘ کے تعاون سے جمعرات 19 فروری 2026 کو ستارہ، مہاراشٹرا میں’جے شیواجی، جے بھارت‘ پدیاترا کا انعقاد کرے گی۔

چھترپتی شیواجی مہاراج بھارت کے سب سے معزز قوم سازوں میں سے ایک کے طور پر کھڑے ہیں، جنھوں نے انصاف، شمولیت اور عوام مرکوز حکم رانی پر مبنی ہندوی سوراجیہ کی بنیاد رکھی۔ ان کی بصیرت افروز قیادت اور عوامی بہبود کے لیے غیر متزلزل عزم نوجوانوں کو متاثر کرتا ہے اور بھارت کے وکست بھارت کی جانب سفر کے لیے گہرا تعلق رکھتا ہے۔

مہاراشٹر کا ستارہ مراٹھا ورثے میں ایک خاص مقام رکھتا ہے، جہاں تاریخی اجنکیاتارا قلعہ شیواجی مہاراج سے منسلک ثابت قدمی اور اسٹریٹجک وژن کی علامت ہے۔ یہاں پدیاتر کی میزبانی بھارت کی تہذیبی اقدار کی تسلسل کی عکاسی کرتی ہے، سوراجیہ سے لے کر جن بھاگداری کے ذریعے قوم سازی تک۔

پدیاترا میں ،  نوجوانوں کے امور اور کھیلوں  کی مرکزی وزیر مملکت ، محترمہ رکشا کھڑسے مہمان خصوصی کے طور پر شرکت کریں گی۔ افتتاحی تقریب 19 فروری 2026 کو صبح 07:30 بجے شروع ہوگی۔

مارچ راجواڑہ، گاندھی میدان، ستارہ سے شروع ہوگا اور شیوتیرتھ چھترپتی شیواجی مہاراج مجسمے، پووائی ناکا، ستارہ پر اختتام پذیر ہوگا۔

متوقع ہے کہ 10,000 سے زائد ‘میرا یوا بھارت‘ سے جڑے نوجوان رضاکار شرکت کریں گے، جو بھارت کی یووا شکتی کی اجتماعی توانائی کو ظاہر کریں گے اور حب الوطنی، اتحاد اور قومی خدمت کے نظریات کے لیے ان کے عزم کی تصدیق کریں گے۔

ریاست بھر میں نوجوانوں کو متحرک کرنے کی ایک بڑی کوشش میں، مہاراشٹر کے تمام 36 اضلاع میں اسی طرح کی ’جے شیواجی، جے بھارت‘ پدیاترا بیک وقت منعقد کی جائیں گی، جو جینتی کی تقریبات کو جن آندولن میں تبدیل کر دیں گی۔

پدیاترا کے ساتھ ساتھ روایتی اور ثقافتی مظاہرے بھی منعقد کیے جائیں گے، جو نوجوان شرکا کو مہاراشٹر کی بھرپور فوجی اور ثقافتی روایات سے جڑنے کا ایک متحرک پلیٹ فارم فراہم کریں گے، جو چھترپتی شیواجی مہاراج کی زندگی اور ورثے سے متاثر ہیں، اور یوں نوجوانوں میں ثقافتی فخر اور شہری شعور کو مضبوط کریں گے۔

اس اقدام کے ذریعے،’میرا یوا بھارت ‘ سے جڑے نوجوانوں کی چھترپتی شیواجی مہاراج کی زندگی، اقدار اور قوم سازی کے وژن کی سمجھ کو گہرا کرنے کی کوشش کرتا ہے۔ اس کا مقصد حب الوطنی اور ذمہ دار شہری جذبے کو مضبوط کرنا ہے، جب کہ امرت پیدھی کو وکست بھارت کے قیام میں فعال کردار ادا کرنے کی ترغیب دینا ہے۔

***

(ش ح – ع ا)

U. No. 2662

(ریلیز آئی ڈی: 2229885) وزیٹر کاؤنٹر : 6