Ka Tnad kam jngohkai pyrthei, Sorkar India, k North Eastern Regional Office, Guwahati, ryngkat bad ka India Tourism Shillong, ki la pynlong ia ka Tourism Education Expo & Dekho Apna Desh (DAD) Brochure Contest Prize Distribution Ceremony mynta ka sngi ha ka jingiatreilang bad ka Institute of Hotel Management (IHM), Shillong.

Ki samla pule na ka Kendriya Vidyalaya bad Jawahar Navodaya Vidyalaya ha kylleng ka jylla ki la ïashim bynta shitrhem ha kane ka prokram. Kane ka prokram ka la sakhi ïa ka jingïashim bynta shitrhem haduh jan 303 ngut ki samla pule na ki skul Kendriya Vidyalaya, Jawahar Navodaya Vidyalaya bapher bapher bad kiwei kiwei ki skul senior secondary.

Ia kane ka jingialang la plie paidbah da u Dr. R. K. Suman, Deputy Director General & Regional Director (North East), Tnad kam jngohkai pyrthei ka sorkar India; Kong Phira P. Lyngdoh, Information and Publicity Officer, Meghalaya Tourism; Bah E.B. Blah, President, Tour Operators Association of Meghalaya; Kong Balabynta Kharshiing, Principal, IHM Shillong; bad u Gaurav Sharma, General Manager, Vivanta by Taj.

Ha kane ka jingialang, la ai syrnod bad khusnam ia ki nongjop ha ka jingiakop shna kot lyngkdop kum ka jingithuh ia ka jingstad shna jingshna bad ka jingtbit jong ki. Ki khynnah skul na ki skul ba marjan ki la ïashim bynta ruh ha ki jingïakob Dro bad Quiz kiba pynleit jingmut ha ka kam jngohkai pyrthei bad ka kolshor jong ka thaiñ Shatei Lammihngi.

Ka prokram ka thmu ban pynshlur ïa ki samla ban wad bniah, ban buh jingtip bad ban pyni ïa ka lad ba ka kam jngohkai pyrthei ka don ha ki distrik jong ki, katba ka kyntiew ïa ka jingsngew sarong bad jingkitkhlieh ïa ka kolshor bad ka jinghiar pateng ba riewspah jong ka India. Ka thmu ruh ban pynsngewthuh shaphang ka kam jngohkai pyrthei bad ka kam pdiang sngewbha hapdeng ki khynnah skul bad ban pynshlur ia ki ban wad ia ki lad kamai kiba bun jait kiba don ha kane ka kam.

****

(Release ID: 2229704) visitor counter : 3