انتظامی اصلاحات اور عوامی شکایات کے محکمے (ڈی اے آر پی  جی)نے ریاستوں اور مرکز کے زیرِ انتظام علاقوں کے لیے نیشنل ای-گورننس سروس ڈیلیوری اسسمنٹ (این ای ایس ڈی اے ) وے فارورڈ ماہانہ رپورٹ کا تیئیسواں ایڈیشن، جنوری 2026 کے لیے جاری کر دیا ہے۔ یہ رپورٹ ریاستوں اور مرکز کے زیرِ انتظام علاقوں میں ای-سروسز (خدمات )کی فراہمی کی موجودہ صورتحال کا تفصیلی جائزہ پیش کرتا ہے۔

جنوری 2026 کی یہ رپورٹ درج ذیل لنک پر دستیاب ہے:

https://darpg.gov.in/sites/default/files/NeSDA_WF_Jan26_Report_V9.pdf

رپورٹ میں شامل اہم نکات مندرجہ ذیل ہیں:

• ریاستوں اور مرکز کے زیرِ انتظام علاقوں میں مجموعی طور پر 24,563 ای-خدمات فراہم کی جا رہی ہیں، جن میں سب سے زیادہ ای-خدمات (8,846) لوکل گورننس اور یوٹیلیٹی سروسز کے شعبے سے متعلق ہیں۔
• آخری رپورٹ کے اجرا کے بعد سے، ملک بھر میں ریاستوں اور مرکز کے زیرِ انتظام علاقوں کی جانب سے مجموعی طور پر 473 نئی ای-سروسز شامل کی گئی ہیں۔
• مجموعی طور پر 2,124 لازمی ای-خدمات (59 × 36 ریاستیں/مرکز کے زیرِ انتظام علاقے) میں سے 1,735 ای-خدمات دستیاب ہیں، جس کے نتیجے میں مجموعی سیچوریشن 81 فیصد سے زائد ہے۔
• 13 ریاستوں/مرکز کے زیرِ انتظام علاقوں— آندھرا پردیش، چھتیس گڑھ، گجرات، ہریانہ، ہماچل پردیش، جھارکھنڈ، کرناٹک، کیرالہ، مدھیہ پردیش، راجستھان، تمل ناڈو، اتر پردیش اور اتراکھنڈ — نے 59 لازمی ای-خدمات کی 100 فیصد سیچوریشن حاصل کر لی ہے۔ اس کے علاوہ 8 ریاستوں/مرکز کے زیرِ انتظام علاقوں— مہاراشٹر، جموں و کشمیر، چندی گڑھ، مغربی بنگال، میگھالیہ، تلنگانہ، تریپورہ اور پنجاب — نے 59 لازمی ای-خدمات میں سے 90 فیصد سے زائد سیچوریشن حاصل کی ہے۔
• 100 فیصد خدمات فراہم کرنے والے نمایاں پورٹلز میں سیوا سیتو (آسام)، ای-یو این این اے ٹی (اوننت) (جموں و کشمیر)، سیوا سندھو (کرناٹک)، اوڈیشہ ون (اوڈیشہ)، ایم پی ای-سروس (مدھیہ پردیش)، اپونی سرکار (اتراکھنڈ) اور ای-سیونم (کیرالہ) شامل ہیں۔ مزید برآں، 90 فیصد سے زائد ای-خدمات ریاستوں اور مرکز کے زیرِ انتظام علاقوں کی جانب سے ان کے شناخت شدہ یونیفائیڈ سروس ڈیلیوری پورٹلز کے ذریعے فراہم کی جا رہی ہیں، جن میں ای-ضلع چندی گڑھ، ای-ضلع دہلی، سرل ہریانہ اور ای-مترا راجستھان شامل ہیں۔
• مرکزی حکومت کی وزارتوں اور محکموں کے جامع سروس ڈیلیوری پورٹلز، بشمول بھویشیہ  اور آئی سی ای جی اے ٹی ای، کو بہترین عملی مثالوں کے طور پر اجاگر کیا گیا ہے۔
• • مرکزی حکومت کی وزارتوں اور محکموں کے جامع سروس ڈیلیوری پورٹلز، بشمول بھاویشیا اور آئی سی ای گیٹ، کو بہترین عملی مثالوں کے طور پر نمایاں کیا گیا ہے۔
• چونکہ شہریوں کا براہِ راست تعامل زیادہ تر میونسپل سطح پر ہوتا ہے، اس ایڈیشن میں اس امر پر روشنی ڈالی گئی ہے کہ کس طرح شہری سطح کے ڈیجیٹل پلیٹ فارمز خدمات کی فراہمی کو تبدیل کر رہے ہیں، جس کی مثالیں وجے واڑہ اور تلنگانہ کے منتخب میونسپلٹی پورٹلز سے پیش کی گئی ہیں۔
• یہ ایڈیشن ریاستوں اور مرکز کے زیرِ انتظام علاقوں کے یونیفائیڈ پورٹلز کے لیے چار تشخیصی نکات پر مبنی آکلن پیرامیٹر کے مطابق اہم بصیرتیں بھی فراہم کرتا ہے۔

مذکورہ بالا تمام اعداد و شمار 31 جنوری 2026 تک این ای ایس ڈی اے وے فاروارڈ ڈیش بورڈ پر ریاستوں اور مرکز کے زیرِ انتظام علاقوں کی جانب سے اپ لوڈ کیے گئے ڈیٹا پر مبنی ہیں۔

***

 

UR-2613

(ش ح۔اس ک  )

(ریلیز آئی ڈی: 2229407) وزیٹر کاؤنٹر : 4