انتظامی اصلاحات اور عوامی شکایات کے محکمے (ڈی اے آر پی جی) نے جنوری 2026 کے مہینے کے لیے ریاستوں اور مرکز کے زیر انتظام علاقوں سے متعلق سنٹرلائزڈ پبلک شکایات ازالہ و نگرانی نظام (سی پی جی آر اے ایم ایس) کی 42ویں ماہانہ رپورٹ جاری کی ہے۔ یہ رپورٹ عوامی شکایات کی اقسام اور زمروں کے ساتھ ساتھ ریاستوں اور مرکز کے زیر انتظام علاقوں کی جانب سے ان شکایات کے نمٹارے کی نوعیت کا تفصیلی اور جامع تجزیہ فراہم کرتی ہے۔

جنوری 2026 کے دوران 71,714 عوامی شکایات (پی جی) کے معاملات موصول ہوئے، جبکہ ریاستوں اور مرکز کے زیر انتظام علاقوں کی جانب سے 64,702 پی جی معاملات کا نمٹارا کیا گیا۔ جنوری 2026 میں سب سے زیادہ 24,049 پی جی معاملات اتر پردیش میں نمٹائے گئے، جس کے بعد گجرات میں 6,065 پی جی معاملات نمٹائے گئے۔31 جنوری 2026 تک، تمام ریاستوں اور مرکز کے زیر انتظام علاقوں میں سی پی جی آر اے ایم ایس پورٹل پر مجموعی طور پر 1,78,674 پی جی معاملات زیرِ التوا ہیں۔ مزید برآں، 22 ریاستوں اور مرکز کے زیر انتظام علاقوں میں 1,000 سے زائد پی جی معاملات زیرِ التوا پائے جاتے ہیں۔

یہ رپورٹ جنوری 2026 کے دوران سی پی جی آر اے ایم ایس پورٹل کے ذریعے سی پی جی آر اے ایم ایس پر رجسٹر ہونے والے نئے صارفین سے متعلق ڈیٹا فراہم کرتی ہے۔ جنوری 2026 میں مختلف چینلوں کے ذریعے سی پی جی آر اے ایم ایس پر مجموعی طور پر 67,728 نئے صارفین رجسٹر ہوئے، جن میں سے 11,172 رجسٹریشن اتر پردیش سے تھیں۔مزید برآں، فیڈ بیک کال سینٹر نے جنوری 2026 کے دوران کل 68,727 فیڈ بیک اکٹھے کیے، جن میں سے 25,259 فیڈ بیک ریاستوں اور مرکز کے زیر انتظام علاقوں سے حاصل کیے گئے۔

یہ رپورٹ جنوری 2026 کے دوران کامن سروس سینٹرز کے ذریعے درج کی گئی شکایات کا ریاست وار تجزیہ بھی پیش کرتی ہے۔ سی پی جی آر اے ایم ایس کو کامن سروس سینٹر (سی ایس سی) پورٹل کے ساتھ مربوط کیا گیا ہے اور یہ 5 لاکھ سے زائد سی ایس سی مراکز پر دستیاب ہے، جو تقریباً 2.5 لاکھ دیہی سطح کے کاروباریوں (وی ایل ایز) کو آپس میں جوڑتا ہے۔ جنوری 2026 کے مہینے میں کامن سروس سینٹرز کے ذریعے مجموعی طور پر 13,605 شکایات درج کی گئی ہیں۔اس کے علاوہ، رپورٹ میں سیووتم اسکیم کے تحت گزشتہ چار مالی سالوں کے دوران منعقد کیے گئے تربیتی پروگراموں کی مجموعی تعداد اور ان کے تحت تربیت حاصل کرنے والے افسران کی تعداد بھی شامل ہے۔ مالی سال 2022–23 سے مالی سال 2025–26 کے درمیان کل 1,034 تربیتی کورسز منعقد کیے گئے، جن کے ذریعے تقریباً 34,812 افسران کو تربیت فراہم کی گئی۔

جنوری 2026 کے مہینے کی اہم جھلکیاں درج ذیل ہیں:

عمومی جھلکیاں

• ریاستوں اور مرکز کے زیر انتظام علاقوں میں عوامی شکایات (پی جی) کے معاملات کے سینئر سطح پر جائزے کو سہل بنانے کے لیے ایک وقف شدہ جائزہ ماڈیول 6 جون 2025 سے فعال کیا گیا ہے۔
• ایڈیشنل سیکریٹری، ڈی اے آر پی جی کی صدارت میں ماہانہ جائزہ میٹنگ 29 جنوری 2026 کو منعقد ہوئی۔
• فیڈ بیک کال سینٹر نے جنوری 2026 کے دوران مجموعی طور پر 68,727 فیڈ بیک جمع کیے، جن میں سے 25,259 فیڈ بیک ریاستوں اور مرکز کے زیر انتظام علاقوں سے حاصل کیے گئے۔
• جنوری 2026 میں کرناٹک کو کامن سروس سینٹرز (سی ایس سی) کے ذریعے سب سے زیادہ شکایات موصول ہوئیں، جو سی ایس سی کے ذریعے موصول ہونے والی مجموعی 13,605 شکایات کا 61 فیصد بنتی ہیں۔

سی پی جی آر اے ایم ایس پر عوامی شکایات کی صورتحال

• جنوری 2026 میں ریاستوں اور مرکز کے زیر انتظام علاقوں سے 71,714 پی جی معاملات موصول ہوئے، جبکہ 64,702 پی جی معاملات کا ازالہ کیا گیا۔
• اسی ماہ 24,049 پی جی معاملات کے ساتھ اتر پردیش میں سب سے زیادہ نمٹارے (ڈسپوزل) ریکارڈ کیے گئے، جس کے بعد گجرات میں 6,065 پی جی معاملات کا ازالہ کیا گیا۔

سی پی جی آر اے ایم ایس پر عوامی شکایات کی زیرِ التوا صورتحال

• 31 جنوری 2026 تک 22 ریاستوں اور مرکز کے زیر انتظام علاقوں میں 1,000 سے زائد شکایات زیرِ التوا تھیں۔
• اسی تاریخ تک ریاستوں اور مرکز کے زیر انتظام علاقوں میں زیرِ التوا پی جی معاملات کی مجموعی تعداد 1,78,674 رہی۔

پی ڈی ایف فائل کے لیے یہاں کلک کریں ۔

***

UR-2543

(ش ح۔اس ک  )

(ریلیز آئی ڈی: 2228844) وزیٹر کاؤنٹر : 9