حکومت نے نوٹری پورٹل ایک مخصوص پلیٹ فارم کے طور پر شروع کیا ہے، جس کا مقصد نوٹریز ایکٹ، 1952 اور نوٹریز قواعد، 1956 سے متعلق کاموں کے لیے آن لائن خدمات فراہم کرنا ہے۔ اس پورٹل کا مقصد نوٹریوں اور حکومت کے درمیان مختلف خدمات کے لیے ایک آن لائن رابطہ فراہم کرنا ہے، جس میں نوٹری کے طور پر تقرری کے لیے درخواستوں کی پیش کش، نوٹری کے طور پر تقرری کے لیے اہلیت کی جانچ، نوٹری کے طور پر عملی سند کا ڈیجیٹل دستخط شدہ اجرا، عملی سند کی تجدید، دائرۂ عمل میں تبدیلی، سالانہ گوشوارہ جمع کرانا وغیرہ شامل ہیں۔ نوٹری پورٹل ایک ایسا نظام فراہم کرتا ہے جو چہرہ شناسی کے بغیراور کاغذ کے بغیر، شفاف اور مؤثر ہے۔

فی الحال صرف وہ حصہ فعال ہے جو دستاویزات اور اہلیت کی جانچ اور نئے مقرر ہونے والے نوٹریوں کو عملی سند کا ڈیجیٹل دستخط شدہ اجرا فراہم کرتا ہے۔ نوٹری پورٹل کے آغاز سے قبل عملی سند نوٹریوں کو کاغذی صورت میں جاری کی جاتی تھی۔ 09.02.2026 تک نوٹری پورٹل کے ذریعے مختلف ریاستوں اور مرکز کے زیرِ انتظام علاقوں کے نئے مقرر ہونے والے نوٹریوں کو 36,000 سے زائد عملی اسناد ڈیجیٹل دستخط کے ساتھ جاری کی جا چکی ہیں۔

یہ معلومات آج لوک سبھا میں وزارتِ قانون و انصاف کے وزیرِ مملکت (آزادانہ چارج) اور وزارتِ پارلیمانی امور کے وزیرِ مملکت جناب ارجن رام میگھوال نے فراہم کیں۔

******

ش ح۔ ش ا ر۔ ول

Uno-2427

(ریلیز آئی ڈی: 2227958) وزیٹر کاؤنٹر : 4