کھادوں کے محکمے نے اپنی نوعیت کی پہلی منفرد پہل کے طور پر مٹی کی صحت کو مضبوط بنانے اور ملک گیر تحریک کے تحت کھاد کے متوازن اور ذمہ دارانہ استعمال کو فروغ دینے کے لیے آج شاستری بھون میں ایک اعلیٰ سطحی غور و خوض اجلاس کا انعقاد کیا۔

یہ پہل "دھرتی ماں کو بچاؤ" کے تحت وزیر اعظم نریندر مودی کے وژن اور کیمیکلز و کھادوں کی وزارت کے مرکزی وزیر جگت پرکاش نڈا کی قیادت سے ہم آہنگ ہے۔

اس میٹنگ کی صدارت محکمہ کھاد کے سکریٹری جناب رجت کمار مشرا نے کی اور اس میں ملک بھر کے پدم شری ایوارڈ یافتہ ترقی پسند کسانوں اور زرعی ماہرین نے شرکت کی۔

شرکاء کا خیرمقدم کرتے ہوئے مشرا نے کہا کہ ان کی موجودگی اور رہنمائی محکمہ کو قیمتی سمت فراہم کرے گی۔ انہوں نے زور دیا کہ کسانوں تک بروقت اور درست معلومات کی رسائی مٹی کی صحت کے تحفظ کے لیے نہایت اہم ہے اور مزید کہا کہ کھاد کے متوازن استعمال کے لیے ماہر سفارشات کو پائلٹ پروجیکٹ کے طور پر نافذ کیا جا سکتا ہے۔ ایوارڈ یافتگان کے ساتھ اپنی بات چیت کے دوران، انہوں نے کھاد کے غیر متوازن استعمال کی وجہ سے وقت کے ساتھ مٹی کی صحت میں ہونے والی خرابی پر خاص طور پر زور دیا۔

پدم شری ایوارڈ یافتہ کسانوں کی تجاویز

پدم شری ایوارڈ یافتہ جناب اوماشنکر پانڈے نے ریاستوں کے محکموں کے ساتھ تعاون کی آمادگی ظاہر کی اور کسانوں کو پائیدار طریقوں کے بارے میں تعلیم دینے کے لیے "زہر سے پاک کاشتکاری اسکول" شروع کرنے کی تجویز پیش کی۔

پدم شری ایوارڈ یافتہ جناب رام شاران ورما نے فصلوں کی گردش اور تنوع پر روشنی ڈالی اور مٹی کی صحت کو برقرار رکھنے کے لیے کھاد کے متوازن استعمال پر زور دیا۔ انہوں نے سبز کھاد کو فروغ دینے، کھاد کے تھیلوں کے سائز کو معقول بنانے اور اس ذہنیت کو بدلنے کی سفارش کی کہ "زیادہ کھاد کا مطلب زیادہ منافع ہے"۔

پدم شری ایوارڈ یافتہ جناب بھارت بھوشن تیاگی نے فصلوں کی تنوع اور کثافت پر زور دیا، فصلوں کے سائنسی انتظام پر روشنی ڈالی، اور گاؤں کی سطح پر کھاد کی دستیابی کو یقینی بنانے کی وکالت کی۔ انہوں نے کہا کہ "فصل کی باقیات خوشحالی کی بنیاد ہیں" کا پیغام ہر کسان تک پہنچنا چاہیے۔

جناب سیٹھ پال سنگھ نے نشاندہی کی کہ کھاد کی ضرورت سے زیادہ فروخت کا دباؤ بھی ایک اہم عنصر ہے جس پر توجہ دی جانی چاہیے۔ زرعی زمین کے لیے کھاد کی زیادہ سے زیادہ ضرورت کا درست اندازہ لگایا جانا چاہیے، اور کسانوں کو اس کے متوازن استعمال پر منظم طریقے سے عمل کرنے کی ضرورت ہے۔

پدم شری ایوارڈ یافتہ جناب کنول سنگھ نے گوشالوں کو نامیاتی کھاد کی پیداوار کی اکائیوں کے طور پر تیار کرنے اور نامیاتی کاشتکاری کو فروغ دینے کے لیے کلسٹر بنانے کا مشورہ دیا۔ انہوں نے صحت پر مبنی زراعت اور قدرتی کاشتکاری کرنے والے کسانوں کے لیے ایک منظم سلسلہ قائم کرنے پر زور دیا۔

پدم شری ایوارڈ یافتہ جناب چندر شیکھر سنگھ نے نامیاتی مصنوعات کے معیار کی سخت جانچ اور صارفین کو شفاف معلومات فراہم کرنے پر زور دیا۔ انہوں نے ترقی پسند ایوارڈ یافتہ کسانوں کے تحت ایف پی اوز کی قیادت میں عہد پر مبنی تحریک کے طور پر گاؤں کی سطح پر آگاہی مہمات چلانے کی سفارش کی۔

پدم شری ایوارڈ یافتہ جناب نیک رام شرما نے مثالی کسانوں کی شناخت پر زور دیا جو مدر ارتھ (دھرتی ماں) کی حفاظت میں مثال کے طور پر رہنمائی کر سکتے ہیں۔ انہوں نے کہا کہ جنگلات کا تحفظ زراعت کی حمایت کرتا ہے اور نو قسم کے اناج کے استعمال کے ذریعے روایتی نوگرہ رسومات فصلوں کی تنوع کی علامت ہیں اور اس کی حوصلہ افزائی کی جانی چاہیے۔

جناب شیام سندر پالیوال نے مٹی کی طاقت کو بحال کرنے کے لیے قدرتی کاشتکاری کے طریقوں کی وکالت کی اور گرام پنچایت کی سطح پر قدرتی کھاد کے پلانٹ قائم کرنے کی تجویز پیش کی۔

شرکاء نے یہ بھی مشاہدہ کیا کہ گاؤں کی سطح پر کھاد اور کھادوں کی مقامی دستیابی کو یقینی بنانے سے متوازن اور ذمہ دارانہ استعمال کی حوصلہ افزائی ہوگی۔

میٹنگ کا اختتام اس اتفاق رائے کے ساتھ ہوا کہ کھاد کے متوازن استعمال، نامیاتی اور قدرتی کاشتکاری کو فروغ دینا، اور کسانوں کی مسلسل آگاہی مہمات مٹی کی صحت کے تحفظ اور مدر ارتھ (دھرتی ماں ) کی حفاظت کے لیے ضروری ہیں۔ محکمہ نے یقین دلایا کہ وہ اجلاس کے دوران موصول ہونے والی سفارشات پر مثبت غور کرے گا اور انہیں آگے بڑھائے گا۔

میٹنگ میں ایڈیشنل سکریٹری اپرنا ایس شرما، جوائنٹ سکریٹری کرشنا کانت پاٹھک، جوائنٹ سکریٹری انوراگ روہتگی، ڈپٹی سکریٹری امر کشواہا، ڈپٹی ڈائریکٹر گوری شنکر اور محکمہ کے دیگرافسران نے شرکت کی۔

In a unique first-of-its-kind initiative, the Department of Fertilizers organised a high-level brainstorming session today at Shastri Bhawan to strengthen soil health and promote balanced and responsible fertilizer use as a nationwide movement.#BalancedUseOfFertilizers pic.twitter.com/RN74iQdj93

— Department of Fertilizers (@fertmin_india) February 13, 2026

***

(ش ح۔اس ک  )

UR-2407

(ریلیز آئی ڈی: 2227888) وزیٹر کاؤنٹر : 3