بڑے شہروں میں بڑھتی ہوئی آلودگی کی سطح کے پیش نظر الیکٹرک وہیکلز (ای وی) کو فروغ دینے کے لیے حکومت کی طرف سے درج ذیل اقدامات کیے گئے ہیں:-

1. بھاری صنعتوں کی وزارت (ایم ایچ آئی) نے درج ذیل اسکیمیں نافذ کی ہیں: -

 

1. فیم انڈیا اسکیم مرحلہ II: حکومت نے اس اسکیم کو 01.04.2019 سے 31.03.2024 تک پانچ سال کی مدت کے لیے 11,500 کروڑ روپے کے مجموعی بجٹ کے ساتھ نافذ کیا۔ اس اسکیم کے تحت برقی دو پہیہ (e-2W)، تین پہیہ (e-3W) اور چار پہیہ (e-4W) گاڑیوں کے لیے ڈیمانڈ انسینٹو فراہم کیا گیا، جبکہ ای-بسوں کے لیے گرانٹ اور عوامی ای وی چارجنگ اسٹیشنز کے قیام کی بھی معاونت کی گئی۔ فیم-II کے تحت تقریباً 16.71 لاکھ برقی گاڑیوں (e-2W، e-3W اور e-4W) کی فروخت میں معاونت کی گئی۔ اس کے علاوہ، مختلف شہروں کے لیے 6,862 ای-بسوں کی منظوری دی گئی، جن میں سے 7 فروری 2026 تک 5,195 ای-بسیں تعینات کی جا چکی ہیں۔
2. بھارت میں آٹوموبائل اور آٹو کمپوننٹ انڈسٹری کے لیے پروڈکشن لنکڈ انسینٹیو (پی ایل آئی) اسکیم (پی ایل آئی آٹو): حکومت نے 23.09.2021 کو بھارت میں آٹوموبائل اور آٹو کمپوننٹ انڈسٹری کے لیے اس اسکیم کا اعلان کیا، جس میں ایڈوانسڈ آٹو موٹیو کی مصنوعات کے لیے ہندوستان کی مینوفیکچرنگ کی صلاحیتوں کو بڑھانے کے لیے، 25,938 کروڑ روپے کے بجٹ کا انتظام رکھا گیا۔
3. اعلی درجے کی کیمسٹری سیل (اے سی سی) بیٹری سٹوریج پر قومی پروگرام کے لیے پروڈکشن لنکڈ انسینٹیو اسکیم: حکومت نے 09.06.2021 کو ملک میں اے سی سی کی تیاری کے لیے پی ایل آئی اسکیم کو 18,100 کروڑ روپے کے بجٹ کے ساتھ مطلع کیا۔ اسکیم کا مقصد 50 گیگا واٹ اے سی سی بیٹریوں کے لیے ایک مسابقتی گھریلو مینوفیکچرنگ ماحولیاتی نظام قائم کرنا ہے۔
4. پی ایم الیکٹرک ڈرائیو ریوولیوشن ان انوویٹو وہیکل اینہانسمنٹ اسکیم: 10,900 کروڑ روپے کی لاگت والی اس اسکیم کو 29.09.2024 کو مطلع کیا گیا ہے۔ یہ اسکیم تقریباً 28.27 لاکھ الیکٹرک گاڑیوں کی حوصلہ افزائی کی حمایت کرتی ہے جس میں e-2W، e-3W، ای-ٹرکس، ای بسیں اور ای-ایمبولینس شامل ہیں۔ اس کے علاوہ، ای وی پبلک چارجنگ اسٹیشن (ای وی پی سی ایس) اور جانچ ایجنسیوں کی اپ گریڈیشن بھی اس اسکیم میں شامل ہے۔ اسکیم کے تحت 14,028 ای بسوں کی تعیناتی کے لیے 4,391 کروڑ روپے مختص کیے گئے ہیں جن میں سے 13,800 ای بسیں دہلی، بنگلورو، حیدرآباد، ممبئی، احمد آباد، پونے اور سورت سمیت 40 لاکھ سے زیادہ آبادی والے سات شہروں میں مختص کی گئی ہیں۔
5. پی ایس ایم اسکیم: یہ اسکیم 28.10.2024 کو مطلع کی گئی ہے، اس کا خرچ 3,435.33 کروڑ روپے ہے اور اس کا مقصد 38,000 سے زیادہ الیکٹرک بسوں کی تعیناتی میں مدد کرنا ہے۔ اس اسکیم کا مقصد پبلک ٹرانسپورٹ اتھارٹیز (پی ٹی اے) کی طرف سے ڈیفالٹ کی صورت میں ای-بس آپریٹروں کو ادائیگی کی حفاظت فراہم کرنا ہے۔
6. ہندوستان میں الیکٹرک کاروں کی تیاری کو فروغ دینے کے لیے اسکیم فار پروموشن آف مینوفیکچرنگ آف الیکٹرک پیسنجر کارس ان انڈیا کو 15 مارچ 2024 کو شروع کیا گیا تھا۔ اس کے لیے درخواست دہندگان کو کم از کم 4,150 کروڑ روپے کی سرمایہ کاری کرنے اور تیسرے سال کے اختتام پر 25 فیصد کا کم از کم ڈی وی اے اور پانچویں سال کے اختتام پر 50 فیصد ڈی وی اے حاصل کرنے کی ضرورت ہے۔

ان مشترکہ اقدامات کے ذریعے حکومت برقی گاڑیوں کی نسبتاً زیادہ لاگت کے مسئلے سے فعال طور پر نمٹ رہی ہے اور انہیں عام صارفین کے لیے قابلِ استطاعت بنانے کی سمت میں کام کر رہی ہے۔

بی ایچ ای ایل سے موصولہ معلومات کے مطابق ملک بھر میں مجموعی طور پر 29,151 عوامی ای وی چارجنگ اسٹیشن نصب کیے جا چکے ہیں۔ اس حوالے سے کوئی مخصوص ہدف مقرر نہیں کیا گیاہے، تاہم پی ایم ای-ڈرائیو اسکیم کے تحت ملک گیر سطح پر مناسب تعداد میں ای وی پی سی ایس کی تنصیب کے لیے 2,000 کروڑ روپے مختص کیے گئے ہیں۔

حکومت طویل رینج ای وی بیٹریوں کی تیاری کی حمایت پی ایل آئی-اے سی سی کے ذریعے کر رہی ہے، جس کے تحت ایڈوانسڈ کیمسٹری سیل (اے سی سی) کی فروخت کی معاونت کے لیے 18,100 کروڑ روپے مختص ہیں۔

بیٹری مینجمنٹ سسٹم (بی ایم ایس) کو پی ایل آئی-آٹو کے تحت اہل مصنوعات میں شامل کیا گیا ہے۔

ٹریکشن بیٹری پیک کو فیم انڈیا اسکیم مرحلہ II اور پی ایم ای-ڈرائیو اسکیم کے فیزڈ مینوفیکچرنگ پروگرام (پی ایم پی) کے تحت لازمی جزو قرار دیا گیا ہے۔

بھاری صنعتوں کے وزیر مملکت جناب بھوپتی راجو سری نواس ورما نے راجیہ سبھا میں ایک تحریری جواب میں یہ معلومات فراہم کی۔

**********

ش ح۔ ف ش ع

                                                                                                                                       U: 2413

(ریلیز آئی ڈی: 2227881) وزیٹر کاؤنٹر : 5