ہندوستان کی اے آئی حکمت عملی ٹیکنالوجی کے استعمال کو جمہوری بنانے کے وزیر اعظم کے وژن پر مبنی ہے۔ اس کا مقصد ہندوستان کے مرکزی چیلنجوں سے نمٹنا، تمام ہندوستانیوں کے لیے اقتصادی اور روزگار کے مواقع پیدا کرنا ہے۔

 

انڈیا اے آئی مشن:

مارچ 2024 میں حکومتِ ہند نے ملک میں مجموعی اے آئی ماحولیے کی ترقی کے لیے 10,372 کروڑ روپے کے بجٹ کے ساتھ انڈیا اے آئی مشن کا آغاز کیا۔ 24 ماہ سے بھی کم عرصے میں اس مشن نے ملک میں اے آئی ماحولیے کی تشکیل کے لیے مضبوط بنیاد قائم کر دی ہے:

• مشترکہ کمپیوٹ سہولت کے لیے 38 ہزار سے زائد جی پی یو شامل کیے جا چکے ہیں، جو بھارتی اسٹارٹ اپس اور تعلیمی اداروں کو رعایتی نرخوں پر فراہم کیے جا رہے ہیں۔
• مقامی بنیادوں پر فاؤنڈیشنل ماڈلز یا بڑے لینگویج ماڈل (ایل ایل ایم) کی تیاری کے لیے 12 ٹیموں کو شارٹ لسٹ کیا گیا ہے۔
• بھارت سے متعلق مخصوص اے آئی ایپلی کیشنز تیار کرنے کے لیے 30 درخواستوں کی منظوری دی گئی ہے۔
• صلاحیت سازی کے لیے 8,000 سے زائد انڈرگریجویٹ، 5,000 پوسٹ گریجویٹ اور 500 پی ایچ ڈی طلبہ کی معاونت کی جا رہی ہے۔
• 27 انڈیا ڈیٹا اینڈ اے آئی لیبز قائم کی جا چکی ہیں جبکہ مزید 543 کی نشاندہی کی گئی ہے۔

 

انڈیا اے آئی مشن کے تحت بھارت کے اپنے فاؤنڈیشنل ماڈل: اس مشن کے انڈیا اے آئی انوویشن سینٹر (فاؤنڈیشن ماڈل) ستون کا مقصد بھارتی ڈیٹا سیٹ اور زبانوں پر تربیت یافتہ بڑے ملٹی موڈل ماڈل تیار کرنا ہے، تاکہ جنریٹو اے آئی کے میدان میں خود مختار صلاحیت اور عالمی مسابقت کو یقینی بنایا جا سکے۔

• بڑے اور چھوٹے لینگویج ماڈلز کی تیاری کے لیے 12 ادارے اور کنسورشیم
• ان میں سروم اے آئی، ساکیٹ اے آئی، جننی اے آئی، گن اے آئی، اوتار اے آئی، آئی آئی ٹی بامبے کنسورشیم (بھارت جین)، جی لوپ، زینٹیک، انٹیل ہیلتھ، شودھ اے آئی اور ٹیک مہندار میکرز لیب شامل ہیں۔
• تیار ہونے والے اے آئی ماڈل اوپن سورس ماحول میں تعاون کریں گے، حکومت کے اداروں کے لیے دستیاب ہوں گے اور بھارت کے اسٹارٹ اپ و تحقیقی برادری میں جدت کو فروغ دیں گے۔
• منتخب اداروں کو حقیقی کمپیوٹ استعمال کے اخراجات پورے کرنے کے لیے مالی معاونت فراہم کی جا رہی ہے، جبکہ کمپیوٹ اخراجات کے اضافی 25 فیصد کو ڈیٹا سیٹس اور افرادی قوت جیسے ضمنی اخراجات کے لیے مختص کیا گیا ہے۔ فراہم کی گئی معاونت کی تفصیلات ضمیمہ-I میں درج ہیں۔

 

حکومت نے انڈیا اے آئی مشن کے تحت اے آئی کمپیوٹ انفراسٹرکچر کے لیے ایک جامع اور پائیداری پر مبنی حکمتِ عملی اختیار کی ہے۔

اس مشن کا انڈیا اے آئی کمپیوٹ پلر مشترکہ قومی اے آئی کمپیوٹ انفراسٹرکچر ماڈل کے ذریعے پائیداری کو فروغ دیتا ہے، جو بکھری ہوئی اور دہرائی جانے والی صلاحیتوں کی تشکیل سے بچاتا ہے اور اعلیٰ کارکردگی والے کمپیوٹ وسائل کے بہترین استعمال کو ممکن بناتا ہے۔

 

ضمیمہ - I

 

انڈیا اے آئی انوویشن سنٹر (فاؤنڈیشن ماڈل) پلر کے تحت منتخب تنظیموں کو تعاون فراہم کیا گیا

 

SNo.	Name of Organization	Compute Support Worth (Cr)	Non-Compute Cost (Cr)	Total Cost (Cr)
1	Sarvam	₹246.72	₹0.00	246.72
2	Gnani	₹177.27	₹0.00	177.27
3	Gan AI	₹88.02	₹22.01	110.03
4	Soket AI	₹162.47	₹14.61	177.08
5	Avataar AI	₹12.88	₹3.22	16.10
6	Bharatgen	₹990.92	₹67.60	1,058.52
7	Fractal	₹137.91	₹0.00	137.91
8	Tech Mahindra	₹2.66	₹0.00	2.66
9	Zenteiq	₹165.19	₹41.30	206.49
10	Genloop	₹2.09	₹0.52	2.61
11	Intellihealth	₹41.50	₹8.00	49.50
12	Shodh AI	₹7.52	₹1.88	9.40

 

یہ معلومات الیکٹرانکس اور انفارمیشن ٹیکنالوجی کے مرکزی وزیر مملکت جناب جتن پرساد نے 13.02.2026 کو راجیہ سبھا میں پیش کی۔

**********

ش ح۔ ف ش ع

                                                                                                                                       U: 2414

(ریلیز آئی ڈی: 2227880) وزیٹر کاؤنٹر : 4