سال 2024 میں منظور کیے گئے 12 نئے گرین فیلڈ صنعتی شہروں/ نوڈ [(i) انٹیگریٹڈ مینوفیکچرنگ کلسٹر (آئی ایم سی)، کھورپیا (ii) انٹیگریٹڈ مینوفیکچرنگ کلسٹر (آئی ایم سی)، راج پورہ–پٹیالہ (iii) ڈیگی پورٹ صنعتی علاقہ (iv) پلکّڑ صنعتی علاقہ (v) جودھپور–پالی–مارواڑ صنعتی علاقہ (vi) انٹیگریٹڈ مینوفیکچرنگ کلسٹر (آئی ایم سی)، ہسار (vii) انٹیگریٹڈ مینوفیکچرنگ کلسٹر (آئی ایم سی)، آگرہ (viii) انٹیگریٹڈ مینوفیکچرنگ کلسٹر (آئی ایم سی)، پریاگ راج (ix) انٹیگریٹڈ مینوفیکچرنگ کلسٹر (آئی ایم سی)، گیا (x) اوروکل صنعتی علاقہ (xi) کوپّرتھی صنعتی علاقہ (xii) ظہیر آباد صنعتی علاقہ] کی موجودہ صورتحال درج ذیل ہے:

منصوبوں پر عمل درآمد کے لیے اسپیشل پرپز وہیکل (ایس پی وی) کی تشکیل: تمام 12 منصوبوں کے لیے مکمل۔

• ایس پی وی کو فنڈ کی فراہمی: 9 منصوبوں میں ایکویٹی جاری کی جا چکی ہے۔
• نئے شہروں کے لیے پروگرام مینیجر کا انتخاب، تاکہ منصوبے کے مجموعی نفاذ کی نگرانی اور مختلف شراکت داروں کے درمیان ہم آہنگی و رابطہ یقینی بنایا جا سکے: 9 منصوبوں کے لیے پی ایم این سی تعینات۔
• ڈیزائن، تعمیر، جانچ، کمیشننگ اور انفراسٹرکچر کے آپریشن و مینٹیننس کے لیے انجینئرنگ، پروکیورمنٹ اور کنسٹرکشن (ای پی سی) ٹھیکیداروں کا انتخاب: 9 منصوبوں کے لیے ای پی سی ٹھیکیدار مقرر؛ جبکہ 1 منصوبے کے لیے جانچ کا عمل مکمل اور ٹھیکیدار حتمی کر لیا گیا ہے۔
• ماحولیاتی منظوری: 11 منصوبوں کے لیے حاصل۔
• سنگ بنیاد: 2 منصوبوں کے لیے سنگِ بنیاد رکھا جا چکا ہے۔

جنوری 2026 تک، داخلی ٹرنک انفراسٹرکچر کے تعمیراتی کاموں کے لیے مجموعی طور پر 8 شہروں میں ای پی سی معاہدے کامیابی سے تفویض کیے جا چکے تھے۔ اس کے بعد ایک مزید منصوبے کے لیے ای پی سی معاہدہ دیا گیا اور ایک اور منصوبہ حتمی مرحلے تک پہنچا دیا گیا ہے۔

داخلی ٹرنک انفراسٹرکچر، جس میں سڑکیں، پانی کی فراہمی، سیوریج اور بجلی کی تقسیم شامل ہیں، صنعتی شہر/نوڈ کی ترقی کے حصے کے طور پر فراہم کیا جاتا ہے۔ بیرونی رابطہ جاتی انفراسٹرکچر، جیسے پانی کی فراہمی، بجلی، ٹیلی کام اور سڑکوں کو پی ایم گتی شکتی نیشنل ماسٹر پلان پورٹل پر جامع طور پر نقشہ بند اور جانچا گیا ہے اور اسے متعلقہ ریاستی ایس پی وی کی جانب سے شیئر ہولڈر معاہدہ (ایس ایچ اے)/اسٹیٹ سپورٹ معاہدہ (ایس ایس اے) کی شرائط کے مطابق فراہم کیا جاتا ہے۔

چار مکمل شدہ صنعتی شہروں (دھولیرہ اسپیشل انویسٹمنٹ ریجن، شیندرا انٹیگریٹڈ بڈکن انڈسٹریل ایریا، نوئیڈا میں انٹگریٹڈ انڈسٹریل  ٹاؤن شپ اور وکرم ادیوگ پوری میں انٹگریٹڈ انڈسٹریل  ٹاؤن شپ) میں مجموعی طور پر 434 ملکی و بین الاقوامی کمپنیوں کو 4,641 ایکڑ اراضی پر پلاٹس الاٹ کیے جا چکے ہیں۔ جن نمایاں ملکی و عالمی کمپنیوں کو پلاٹ الاٹ کیے گئے ہیں ان میں ہیوسنگ (جنوبی کوریا)، این ایل ایم کے (روس)، ٹاٹا کیمیکلز، ٹویوٹا کرلوسکر موٹر (جاپان)، رینیو پاور، کوٹال فلمز (امریکی اشتراک)، فیوجی سلورٹیک (جاپان)، جے ورلڈ (جنوبی کوریا) اور امول وغیرہ شامل ہیں۔ حکومتِ ہند کی جانب سے اگست 2024 میں منظور کیے گئے 12 نئے گرین فیلڈ صنعتی شہر اس وقت ترقی کے مختلف مراحل میں ہیں۔ ان گرین فیلڈ صنعتی شہروں کے لیے تاحال سرمایہ کاروں سے باقاعدہ کمٹمنٹس طلب نہیں کیے گئے ہیں۔

این آئی سی ڈی پی کے تحت منظور شدہ تمام منصوبوں کے لیے جامع ترقیاتی منصوبوں میں صنعتی علاقوں کے اندر مناسب رہائش اور دیگر سماجی انفراسٹرکچر کی تعمیر شامل ہے۔

• متعلقہ ریاستی صنعتی پالیسیوں اور قومی رہنما اصولوں کے مطابق، این آئی سی ڈی پی کے تحت صنعتی ٹاؤن شپس کو مناسب رہائش اور سماجی انفراسٹرکچر، جیسے اسکول، صحت کی سہولیات وغیرہ کے ساتھ منصوبہ بند کیا جاتا ہے، تاکہ صنعتی علاقوں میں کام کرنے والے کارکنوں کو قریبی رہائش اور بنیادی خدمات تک آسان رسائی حاصل ہو، ”واک ٹو ورک“ تصور کو فروغ ملے اور آمد و رفت کی مشکلات کم ہوں۔ اس سماجی انفراسٹرکچر میں کارکنوں کے لیے رہائشی سہولیات شامل ہیں، جبکہ ایس پی وی صنعتی ٹاؤن شپس کے اندر کفایتی اور کارکنوں کے لیے موزوں رہائش کی ترقی کے ماڈل پر بھی غور کر رہی ہیں، ساتھ ہی صحت، تعلیم، تجارتی اور دیگر ضروری شہری سہولیات کی فراہمی کو بھی یقینی بنایا جا رہا ہے۔
• اس فریم ورک کے تحت کل منصوبہ جاتی رقبے کا 20 سے 30 فیصد حصہ غیر صنعتی استعمالات کے لیے مختص کیا جاتا ہے، جس میں رہائشی، تجارتی، ادارہ جاتی اور سبز مقامات شامل ہیں، تاکہ کارکنوں کی رہائش، شہری سہولیات اور سماجی انفراسٹرکچر کی ضروریات پوری کی جا سکیں۔
• سماجی انفراسٹرکچر کے لیے زمین کی الاٹمنٹ متعلقہ ایس پی وی کی جانب سے منظور شدہ لینڈ الاٹمنٹ پالیسی کے مطابق کی جاتی ہے، جو رہائشی، ادارہ جاتی اور شہری سہولیات کے لیے درکار زمین کی اہلیت، اراضی کے استعمال کے اصولوں اور الاٹمنٹ کے طریقہ کار کو منظم کرتی ہے، تاکہ صنعتی علاقے کی ضروریات کی تکمیل یقینی بنائی جا سکے۔

تجارت اور صنعت کی وزارت کے وزیر مملکت جناب جتن پرساد نے آج راجیہ سبھا میں ایک تحریری جواب میں یہ معلومات فراہم کی۔

**************

ش ح۔ ف ش ع

U: 2411                                                     

(ریلیز آئی ڈی: 2227783) وزیٹر کاؤنٹر : 9