کان کنی کے شعبے کو جدید بنانے اور ڈیجیٹل بنانے کے لیے کوئلے کی وزارت کی جاری کوششوں کے ایک اہم حصے کے طور پر ، کوئلے کی وزارت کے تحت کول انڈیا لمیٹڈ کی ذیلی کمپنی ساؤتھ ایسٹرن کول فیلڈز لمیٹڈ (ایس ای سی ایل) نے 11 فروری 2026 کو نئی دہلی میں اسکوپ کنونشن سینٹر میں سنٹرل ویجیلنس کمیشن کے زیر اہتمام ’’گورننس میں شفافیت بڑھانے کے لیے ڈیجیٹل اقدامات‘‘ پر قومی ورکشاپ میں اپنی فلیگ شپ ڈیجیٹل تبدیلی پہل ، ڈیجیکول کی نمائش کی ۔

ایک قومی پلیٹ فارم پر ڈیجی کول کی پیشکش کوئلے کی وزارت کی وسیع تر پالیسی سمت اور اسٹریٹجک رہنمائی کی نشاندہی کرتی ہے ، جس نے کوئلے اور کان کنی کے شعبے میں شفافیت ، جوابدہانہ اور ٹیکنالوجی پر مبنی تبدیلی پر مسلسل زور دیا ہے ۔ یہ پہل کان کنی کی کارروائیوں کو زیادہ موثر ، ڈیٹا پر مبنی اور ڈیجیٹل طور پر مربوط بنانے کے لیے وزارت کے طویل مدتی وژن کی عکاسی کرتی ہے ، جو حکومت ہند کے شفاف حکمرانی کی طرف وسیع تر زور کے مطابق ہے ۔

ڈیجیٹل تبدیلی کے ذریعے شفافیت کو آگے بڑھانا

ڈیجی کول ایک جامع ڈیجیٹل ماحولیاتی نظام کی نمائندگی کرتا ہے جو کان کنی کی سرگرمیوں میں آپریشنل نگرانی اور ادارہ جاتی جواب دہی کو مضبوط کرنے کے لیے ڈیزائن کیا گیا ہے ۔ جدید ٹیکنالوجیز کو بنیادی عمل میں ضم کرکے ایس ای سی ایل نے ریئل ٹائم نگرانی ، ڈیٹا اینالیٹکس اور فیصلہ سازی کی صلاحیتوں کو بڑھایا ہے ۔

پہل کے اہم اجزاء میں شامل ہیں:

• ریئل ٹائم ایچ ای ایم ایم فِلیٹ مانیٹرنگ: سینسر پر مبنی نظام ہیوی ارتھ موونگ شینری جیسے بیلچے (شاویلز) ، ڈمپر  اور ڈوزر ، مقام کی نگرانی،  آپریٹنگ اوقات اور ایندھن کی کھپت کو ٹریک کرتے ہیں ۔ یہ نظام غیر معمولی ایندھن کے قطرے ، ضرورت سے زیادہ فاضل وقت  اور راستے میں انحراف جیسی بے ضابطگیوں کا خودکار طریقے پر پتہ لگانے کو ممکن بناتا ہے اور  اس طرح آپریشنل ناکارکردگیوں کو کم کرتا ہے اور شفافیت کو بہتر بناتا ہے ۔
• ویڈیو اینالیٹکس اور منسلک ورکر سسٹم: یہ ٹیکنالوجیز حفاظتی تعمیل ، آپریشنل کنٹرول  اور ایمرجنسی رسپانس میکانزم کو بڑھاتی ہیں ، جو کان کنی کے محفوظ اور زیادہ جوابدہ طریقوں میں تعاون دیتی ہیں ۔
• ڈرون پر مبنی نگرانی: کان کے سروے کے لیے ڈرون کا استعمال تجاوزات کی درست شناخت ، ہَول روڈز اور ڈھلوانوں کی نگرانی  اور خاص طور پر مانسون کے موسم میں نکاسی آب کے نظام کا جائزہ لینے کے اہل بناتا ہے ۔ اس سے روک تھام کی نگرانی اور ضابطوں کی تعمیل کو تقویت ملتی ہے ۔
• ڈیٹا پر مبنی کان کی منصوبہ بندی: اعلی درجےکی  تجزیات (اینالیٹکس) اور بہتر ڈرلنگ اور بلاسٹنگ سسٹم نے پیداواری عمل کو زیادہ سائنسی ، موثر اور قابل پیمائش بنا دیا ہے ۔
• مربوط ڈیجیٹل پلیٹ فارم: ڈیجیٹل لینڈ ریکارڈ ، آن لائن ٹریننگ ماڈیول ، اسپیئر مینجمنٹ سسٹم  اور ایک مرکزی ڈیجیٹل وار روم اجتماعی طور پر ایک چھیڑ چھاڑ سے پاک اور متحد ڈیجیٹل گورننس فریم ورک تشکیل دیتے ہیں ۔

 

شفافیت سے متعلق قومی ورکشاپ میں ڈیجی کول کو ایک ماڈل پہل کے طور پر شامل کرنا اس بات پر روشنی ڈالتا ہے کہ کس طرح کوئلے کی وزارت کی پالیسی سمت ، آپریشنل سطح پر ٹیکنالوجی کو اپنانے کے ساتھ مل کر ، کان کنی کے منظر نامے کو نئی شکل دے رہی ہے ۔ ڈیجی کول جیسے اقدامات یہ ظاہر کرتے ہیں کہ یہ شعبہ کس طرح زیادہ شفافیت ، بہتر کارکردگی اور ٹیکنالوجی سے چلنے والی حکمرانی کے ذریعے قومی توانائی کے مطالبات کو ذمہ داری کے ساتھ پورا کرنے کے لیے تیار ہو رہا ہے ۔ یہ پہچان (ریکگنیشن) مستقبل کے لیے تیار ، جوابدہ اور ڈیجیٹل طور پر بااختیار کان کنی ماحولیاتی نظام کی تعمیر کے لیے کوئلے کے شعبے کے عزم کو تقویت دیتی ہے ۔

…………………………

(ش ح ۔ م م۔ ت ح)

U. No. : 2323

(ریلیز آئی ڈی: 2227330) وزیٹر کاؤنٹر : 7