برابری کو یقینی بنانے اور ملٹری نرسنگ سروس کے رول اور تعاون کو تسلیم کرنے کے مقصد سے عملے ، عوامی شکایات اور پنشن کی وزارت کےتحت عملہ اور تربیت کے محکمے نے ملٹری نرسنگ سروس (ایم این ایس) کے افسران کو سابق فوجیوں (ای ایس ایم) کا درجہ دیا ہے ۔  یہ اقدام سابق فوجی (سنٹرل سول سروسز اور پوسٹوں میں دوبارہ ملازمت) ضابطہ 1979 میں ایک ترمیم کے بعد کیا گیاہے ، جسے آج نوٹیفائی کیا گیا ہے ۔

ترمیم کے مطابق ، ضوابط کے سیکشن 2 (سی) (i) میں ترمیم کی گئی ہے، تاکہ انڈین یونین کی ملٹری نرسنگ سروس کو سابق فوجیوں کی  تشریح میں واضح طور پر شامل کیا جا سکے ۔  نظر ثانی شدہ شق میں اب ان اہلکاروں کا احاطہ کیا گیا ہے، جنہوں نے باقاعدہ فوج ، بحریہ ، فضائیہ یا ملٹری نرسنگ سروس میں جنگی یا غیر جنگی طور پر کسی بھی عہدے پر خدمات انجام دی ہیں ، اس طرح ایم این ایس افسران کو ریٹائرمنٹ کے بعد کے فوائد کے مقصد کے لیے دیگر وردی والی خدمات کے برابر قانونی بنیاد پر رکھا گیا ہے ۔

ملٹری نرسنگ سروس آرمی میڈیکل کور اور آرمی ڈینٹل کور کے ساتھ مل کر آرمڈ فورسز میڈیکل سروسز (اے ایف ایم ایس) کا ایک لازمی جزو ہے ۔  ایم این ایس افسران کمیشنڈ افسران ہوتے ہیں، جو فوج ، بحریہ اور فضائیہ کے طبی اداروں میں خدمات انجام دیتے ہیں ، فوجی اسپتالوں میں اہم نرسنگ کیئر فراہم کرتے ہیں ، آپریشنز اور ہنگامی حالات کے دوران طبی مدد فراہم کرتے ہیں ، اور اکثر مشکل اور دشمن ماحول میں متاثرین کی طبی دیکھ بھال کرتے ہیں ۔

ضابطوں میں ملٹری نرسنگ سروس کو شامل کرنے کے ساتھ ، ریٹائر ہونے والے یا سروس سے سبکدوش ہونے والے ایم این ایس افسران سرکاری پالیسی کے تحت سابق فوجیوں کو دستیاب تمام فوائد کے اہل ہو جائیں گے ، جن میں مرکزی سول سروسز اور پوسٹوں میں ریزرویشن اور عمر کی مراعات  اور متعلقہ فلاحی اقدامات  بھی شامل ہیں۔

توقع ہے کہ اس اصلاح سے ایم این ایس افسران کو فوری طور پر فائدہ پہنچے گا ۔   یہ ترمیم سابق فوجیوں کی مسلسل فلاح و بہبود کے لیے حکومت کے عزم کی عکاسی کرتی ہے اور مسلح افواج اور ان کے اہل خانہ کی صحت اور فلاح و بہبود کے تحفظ میں ملٹری نرسنگ سروس کے افسران کے ذریعے ادا کیے گئے اہم رول کو تسلیم کرتی ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –ش ب۔ ق ر)

U. No.2049

(ریلیز آئی ڈی: 2226002) وزیٹر کاؤنٹر : 7