Union Finance mu Corporate Affairs Kilonser, Nirmala Sitharaman Cacü za puo nhie New Town, Kolkata nunu ‘Corporate Bhavan’ kecü kibou suede mhatho chüshü. Kibou hau Ministry of Corporate Affairs khro mereibou kekreikecü, Regional Directorate (East), Registrar of Companies, Official Liquidator, SFIO, NCLT (Kolkata Bench) mu IBBI kemheiko sevor kiboupuo nu khakeshüliete.

Puotei hau diepu di, Enoli Sitharaman-e Corporate Bhawan hau nunu mhathoki, mhachakesimia, lhithokechümia mu startup ko sevor kengukeshü gei nu mhathoko kerükrei nu chüliekevi pushü. Corporate Affairs Ministry nu kezhamiako rüchü di, puo-e thezho rhükevo nu, sorkarikese dzevi rübeimo di, krotho kekreikecü ko pete la le mu mechü-u bu petelieketuo la rhümorokesuo pushü.

Union Minister-e ‘Prime Minister Internship Scheme (PMIS) Facilitation Centre’ kecü kerietho-u rei Corporate Bhavan, Kolkata nu ba si di pushü. Hau gei nu mhatho dojükebako uko mhathocha kekreikecüko nguphrelietuo si di puo-e pushü.

Kilha thenie keba hau kijüzha13,239 square meters nunu chüpieba mu raka crore150.43 mesepie chü. Kibou hau nu kerhu chükesaliekevi manya, bagei thatha mu kichüpeleya kezha mhanya ko piekheprheshüte. Siro, AHU kinou bu teikhrie kemesa ngulieketuo la, CO2 sensors mhanya reipie kheshüte. Kibou hau, Ministry of Corporate Affairs mu  Confederation of Indian Industry, unie kedzieduo di chüshü.

***

SKS/M

( deiyie kelho za: 2225367) pheremia tha : 4