भारतीय रिझर्व्ह बँक (आरबीआय) 9 ते 13 फेब्रुवारी दरम्यान आर्थिक साक्षरता सप्ताह (एफएलडब्ल्यू) 2026 साजरा करत आहे. ‘केवायसी – सुरक्षित बँकिंगकडे जाण्याचे पहिले पाऊल’  अशी या वर्षाची संकल्पना आहे. या सप्ताहाचे उद्घाटन आरबीआयचे गव्हर्नर संजय मल्होत्रा यांनी मुंबई येथे केले.

आरबीआयच्या पणजी प्रादेशिक कार्यालयाने गोव्यातील बँका आणि  संबंधित भागधारकांच्या समन्वयाने यापूर्वी आर्थिक समावेशन योजनांवरील देशव्यापी मोहिमेला पाठिंबा दिला होता. यामध्ये बँक खात्यांचे पुन्हा केवायसी करून अखंडित बँक व्यवहार सेवा सुनिश्चित करण्याचा समावेश होता.

एफएलडब्ल्यू 2026 दरम्यान आरबीआय कडून केवायसी पालनाचे महत्त्व आणि  सुलभता, केंद्रीय केवायसी(सीकेवायसी) चे फायदे तसेच केवायसी संदर्भातील फसवे दूरध्वनी, संदेश व लिंकपासून सावध राहण्याबाबत जनजागृती करण्यात येणार आहे. तसेच नागरिकांनी फसवणुकीत वापरला जाणारा खातेदार बनू नये याबाबतही सतर्कता बाळगण्याचे आवाहन करण्यात येणार आहे.

2016 पासून दरवर्षी साजरा होणारा आर्थिक साक्षरता सप्ताह नागरिकांमध्ये महत्त्वाच्या आर्थिक विषयांवर जागरूकता निर्माण करण्याचा उद्देश ठेवतो. यावर्षीची संकल्पना सुरक्षित व संरक्षित बँकिंगसाठी तुमच्या खातेदाराची ओळख पटवा (केवायसी) चे महत्त्व अधोरेखित करते.

या सप्ताहात आरबीआय, बँका व इतर भागधारकांच्या सहकार्याने देशभर जनजागृती व पोहोच कार्यक्रमांचे आयोजन करण्यात येणार आहे. सुरक्षित आर्थिक परिसंस्था निर्माण करण्यासाठी या मोहिमेच्या  संदेशांचा  प्रसार करावा,  असे आवाहन भागधारकांना करण्यात आले आहे.

***

सुवर्णा बेडेकर/नितीन गायकवाड/परशुराम कोर

*** 

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2225119) अभ्यागत कक्ष : 90