قومی ثقافتی نقشہ سازی (این ایم سی ایم) کے تحت میرا گاؤں میری دھروہر(ایم جی ایم ڈی) پروگرام پورےہندوستان کے گاؤں کی ثقافتی نقشہ سازی کرتا ہے۔ فی الحال، 6.23 لاکھ گاؤں اس پروگرام میں شامل کیے گئے ہیں۔

این ایم سی ایم (این ایم سی ایم) کے تحت میرا گاؤں میری دھروہر(ایم جی ایم ڈی)  پورٹل کو ایک مرکزی ڈیجیٹل پلیٹ فارم کے طور پر تیار کیا گیا ہے تاکہ ملک گیر ثقافتی نقشہ سازی کی مشق کے حصے کے طور پر ہندوستانی گاؤں سے جمع کیے گئے ثقافتی اعداد و شمار کو یکجا اور پیش کیا جا سکے۔ ایم جی ایم ڈی پورٹل سے متعلق معلومات ضمیمہ-I کے مطابق ہیں۔

ایم جی ایم ڈی ایک جامع اور انٹرایکٹو ڈیجیٹل پلیٹ فارم ہے۔ معلومات کی وقتاً فوقتاً اپڈیٹ کو یقینی بنانے کے لیے، یہ پورٹل مقامی برادریوں/گاؤں کے لوگوں کو ’کانٹریبیوٹ‘ ٹیب کے ذریعے اپنے گاؤں سے متعلق ثقافتی معلومات جمع کرانے موقع فراہم کرتا ہے۔ ایسی جمع کرائی گئی معلومات مناسب تصدیق اور اعتدال کے بعد پورٹل پر دستیاب کرائی جاتی ہیں۔

میرا گاؤں میری دھروہر(ایم جی ایم ڈی) پروگرام کا تصورقومی ثقافتی نقشہ سازی مشن کے تحت ڈیجیٹل دستاویز سازی اور ذخیرہ اندوزی کی پہل کے طور پرپیش کیا گیا ہے۔ ایک ہی قومی پورٹل پر منظم گاؤں کی سطح کے ثقافتی اعداد و شمار کی دستیابی باخبر پالیسی سازی اور حوالہ جات میں مدد فراہم کرتی ہے۔ تاہم، ایم جی ایم ڈی پروگرام کے تحت گرانٹ، ذریعۂ معاش کی امداد یا ثقافتی سیاحتی سرکٹس کو مضبوط بنانے سے متعلق کوئی خاص انتظامات شامل نہیں کیے گئے ہیں۔

یہ معلومات ثقافت و سیاحت کے مرکزی وزیر جناب گجیندر سنگھ شیخاوت نے آج راجیہ سبھا میں ایک تحریری جواب میں فراہم کیں۔

ضمیمہ-I

ایم جی ایم ڈی پورٹل کی ساخت

ایم جی ایم ڈی پورٹل پبلک ڈومین میں https://mgmd.gov.in/ پر دستیاب ہے۔ اعداد و شمار کو ریاست، ضلع، بلاک، پنچایت اور گاؤں کے لحاظ سے ترتیب دیا گیا ہے۔ ہر گاؤں کے لیے ایک منفرد پروفائل بنائی گئی ہے، جس کے تحت متعلقہ ثقافتی عناصر کو تصاویر کے ساتھ درج ذیل عنوانات کے تحت دستاویزی شکل دی گئی ہے:

 ثقافتی پروفائل

ورثہ کے مقامات

میلے اور تہوار

روایتی فنون اور دستکاری

روایتی کھانے

روایتی لباس

روایتی زیورات

عقائد اور رسم و رواج

مشہور شخصیات

ممتاز شخصیات

جغرافیائی اور آبادیاتی پروفائل

ترقیاتی پروفائل

مزید برآں، منتخب گاؤں اور بلاکس کی ثقافت ’ولیج واک تھروز‘ ٹیب کے تحت دلکش ویڈیوز کی شکل میں دستیاب ہے۔

********

(ش ح۔ک ح ۔ ن م)

U. No. 1797

(ریلیز آئی ڈی: 2224275) وزیٹر کاؤنٹر : 5