اسٹیل اتھارٹی آف انڈیا لمیٹڈ(سیل)، جو ایک مہارتنا سرکاری کمپنی ہے، نے ریل انڈیا ٹیکنیکل اینڈ اکنامک سروس، جو ایک نورتن سرکاری کمپنی ہے، کے ساتھ مفاہمت  نامے (ایم او یو) پر دستخط کیے ہیں، تاکہ سیل کے پلانٹس اور کانوں میں لاجسٹکس اور عملی کارکردگی کو مضبوط بنایا جا سکے۔

سیل اپنے پلانٹس اور کانوں کے احاطے میں ایک مخصوص منی ریل نیٹ ورک چلاتا ہے تاکہ خام مال کی آمد، پروسیسنگ کے دوران منتقلی اور تیار شدہ مصنوعات کی روانگی بغیر رکاوٹ کے یقینی بنائی جا سکے۔ڈیزل لوکوموٹیو فلیٹ کی مؤثر دیکھ بھال، جو ویٹ لیز شدہ لوکوموٹوز کے ذریعے مکمل کی جاتی ہے، نہ صرف موجودہ آپریشنز کو برقرار رکھنے کے لیے ضروری ہے بلکہ یہ صلاحیت میں توسیع اور مستقبل کے ترقیاتی منصوبوں کے لیے بھی کلیدی کردار ادا کرتی ہے۔

"

 

جیسے جیسے انڈین ریلویز اپنی لوکوموٹوز کو برقی نظام کی طرف منتقل کر رہی ہے، رائٹس ڈیزل لوکوموٹوز کی آپریشن اور دیکھ بھال میں قیمتی مہارت فراہم کرنا جاری رکھے ہوئے ہے، جو کہ سیل کے ڈیزل فلیٹ کو برقرار رکھنے کے لیے نہایت ضروری ہے۔ انڈین ریلویز کی سہولیات، اسپیئر پارٹس اور ماہر عملے کی دستیابی کے ساتھ، رائٹس سیل کی عملی ضروریات کی حمایت کرنے اور اس کے نیٹ ورک میں اعتبار اور مستقل مزاجی کو یقینی بنانے کے لیے اچھی پوزیشن میں ہے۔

یہ تعاون دونوں اداروں کو اپنی بنیادی مہارتوں پر توجہ مرکوز کرنے، لاگت کو بہتر بنانے، عملی کارکردگی میں اضافہ کرنے اور کاربن کے اثرات کو کم کرنے میں مدد دے گا۔ اس مفاہمت نامہ (ایم او یو)  جناب پی کے بیساکھیا، ایگزیکٹو ڈائریکٹر (آپریشنز)، سیل اور  جناب سندیپ جین، ایگزیکٹو ڈائریکٹر (ٹیکنیکل سروسز)، رائٹس  نے سیل اور رائٹس کے سینئر عہدیداروں کی موجودگی میں دستخط کیے۔

 

*****

(ش ح ۔ ش ت۔ م ذ)

U.No: 1453

(ریلیز آئی ڈی: 2222235) وزیٹر کاؤنٹر : 6