سیاحت اور ثقافت کے مرکزی وزیر جناب گجیندر سنگھ شیخاوت نے آج لوک سبھا میں ایک تحریری جواب میں بتایا کہ میٹنگوں ، ترغیبات ، کانفرنسوں اور نمائشوں  ( ایم آئی سی ای ) کی سیاحت سمیت سیاحتی مقامات اور مصنوعات کی ترقی اور فروغ بنیادی طور پر متعلقہ ریاستی حکومت/مرکز کے زیر انتظام علاقے (یو ٹی) کی انتظامیہ کی ذمہ داری ہے۔  تاہم ، وزارت سیاحت اپنی موجودہ سرگرمیوں کے ایک حصے کے طور پر ، باقاعدگی سے  ، بھارت کو ایک جامع سیاحتی مقام کے طور پر فروغ دیتی ہے ، جس میں سوشل میڈیا اور ویب سائٹس سمیت مختلف ذرائع کے ذریعے ایم آئی سی ای سیاحت شامل ہے ۔

وزارت سیاحت نے ایم آئی سی ای کی شناخت ، سیاحت کے اہم حصوں میں سے ایک کے طور پر کی ہے ۔ وزارت نے ملک میں ایم آئی سی ای صنعت کی ترقی کو فروغ دینے کے لیے ایم آئی سی ای صنعت کے لیے ایک قومی حکمت عملی اور روڈ میپ بھی وضع کیا ہے ۔ ایم آئی سی ای  حکمت عملی دستاویز میں درج ذیل کلیدی ستونوں کی نشاندہی کی گئی ہے:

1. ایم آئی سی ای  کے لیے ادارہ جاتی حمایت
2. ایم آئی ایس ای کے لیے ماحولیاتی نظام کی ترقی
3. بھارتی  ایم آئی ایس ای صنعت کی مسابقت کو بڑھانا
4. ایم آئی سی ای  تقریبات کے لیے کاروبار کرنے میں آسانی کو فروغ دینا
5. ایک ایم آئی سی ای  منزل کے طور پر بھارت  کی مارکیٹنگ کرنا
6. ایم آئی سی ای صنعت کے لیے ہنر مندی کا  فروغ

 

وزارت نے ‘ درخشاں بھارت ’  مہم کے تحت ‘ میٹ ان انڈیا ’  کو ایک خصوصی ذیلی برانڈ کے طور پر متعارف کرایا ہے ۔ اس ذیلی برانڈ کا مقصد ،  پروموشنل اقدامات کو بڑھانا ہے ، جس میں بھارت  کو ایک پرکشش ایم آئی سی ای  منزل کے طور پر دکھایا گیا ہے  ، جو اعلیٰ  درجے کی کنیکٹوٹی ، جدید ترین بنیادی ڈھانچے ، ایک متحرک علمی مرکز اور مخصوص سیاحتی پرکشش مقامات سے  پوری طرح آراستہ  ہے ۔

وزارت نے ایک جامع ڈیجیٹل ایم آئی سی ای  کیٹلاگ تیار کیا ہے ، جس میں 60 سے زیادہ  بھارتی  شہروں میں بنیادی ڈھانچے اور سہولیات کو اجاگر کیا گیا ہے  ۔   ان شہروں نے  جی 20 کی بھارت کی صدارت کے دوران کامیابی کے ساتھ میٹنگوں کی میزبانی کی ۔ یہ ریسورس کیٹلاگ بھارت میں تقریبات کے انعقاد میں عالمی اور قومی ایم آئی سی ای منصوبہ سازوں کی مدد کے لیے ڈیزائن کیا گیا ہے ، جب کہ  بھارتی شہروں کو عالمی سطح پر اہم مقامات کے طور پر فروغ دیا گیا ہے ۔

 

۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔

( ش ح۔م ع ۔ع ا  )

U.No. 1444

(ریلیز آئی ڈی: 2222221) وزیٹر کاؤنٹر : 9