مارچ  ، 2023  ء   میں فلکیات دانوں نے سورج سے زمین تک پہنچنے والی ایک کورونل ماس ایجیکشن ( سی ایم ای )  کا مطالعہ کیا، جو سورج کے مقناطیسی فیلڈ لائنز میں ایک سوراخ یعنی کورونل ہول کے ذریعے گزری، جس سے سولر ونڈ کے دھارے  کو  گزرنے کا راستہ ملتا ہے ۔ اس مطالعے سے یہ واضح ہوا کہ ایک معمولی سولر سی ایم ای  بھی زمین پر شدید جیومیگنیٹک طوفان پیدا کر سکتا ہے، جس سے خلائی موسم کے اثرات کی پیش گوئی کرنا مزید مشکل ہو جاتا ہے۔

کورونل ماس ایجیکشنز ( سی ایم ایز )  سورج کے ماحول سے پلازما اور مقناطیسی میدان کا طاقتور اخراج ہیں، جو بعض اوقات شدید جیومیگنیٹک طوفان پیدا کر کے زمین پر سیٹلائٹس، مواصلاتی نظام اور بجلی کے گرڈز میں خلل ڈال سکتے ہیں۔

تاہم، تقریباً 10 فی صد  شدید جیومیگنیٹک طوفان کسی بڑے پیمانے پر سورج کی سطح پر ہونے والے دھماکوں سے پیدا نہیں ہوتے بلکہ چھوٹے یا چھپے ہوئے دھماکوں ( اسٹیلتھ سی ایم ایز ) کی وجہ سے ہوتے ہیں، جو موجودہ مشاہداتی حدوں کی وجہ سے اکثر نظر انداز ہو جاتے ہیں۔ ان چھپے ہوئے سی ایم ایز  کو سمجھنا زمین پر خلائی موسم کے اثرات کی پیش گوئی کے لیے انتہائی اہم ہے، حتیٰ کہ جب سورج پر کوئی واضح دھماکے نظر نہ آئیں۔

ایک حالیہ مطالعے میں فلکیات دانوں نے 19 مارچ  ، 2023  ء کو ہونے والی ایک  اسٹیلتھ سی ایم ای  کا تجزیہ کیا، جس سے تقریباً تین دن بعد زمین پر شدید طوفان آیا۔ اس مطالعے میں ناسا  کے مختلف سیٹلائٹس کے  ذریعے مشاہدات  سے یہ بات ظاہر ہوئی کہ کمزور، چھپے ہوئے  سی ایم ایز  بھی  ، خاص طور پر جب ان میں مقناطیسی میدان کا جنوبی جزو اور زیادہ کثافت موجود ہو ،زمین پر نمایاں اثر ڈال سکتے ہیں۔

یہ  سی ایم ای  سورج کے مرکز کے قریب ایک طولیاتی فلامینٹ چینل کے اخراج سے سامنے آئی۔ روایتی مضبوط  سی ایم ایز  کے برعکس، جو  ایکس رے  فلئیرز یا ریڈیو برسٹس کے ساتھ ہوتے ہیں، یہ واقعہ بغیر کسی شمسی وارننگ کے پیش آیا ، جس کی وجہ سے یہ غیر معمولی حد تک پوشیدہ اور پتہ لگانے میں مشکل تھا۔

اس چھپے ہوئے  سی ایم ای  کی تحقیق بھارت کے محکمۂ سائنس و ٹیکنالوجی کے تحت خودمختار ادارے انڈین انسٹی ٹیوٹ آف ایسٹروفزکس ( آئی آئی اے )  کے محققین نے کی۔ آئی آئی اے  کے سربراہ مصنف پی ویماریڈی  نے وضاحت کی کہ “ایسی کمزور  سی ایم ایز  سورج پر کوئی قابلِ شناخت نشان نہیں چھوڑتیں اور اسی لیے موجودہ مشاہداتی حساسیت کے ساتھ انہیں شناخت کرنا انتہائی مشکل ہے” ۔ انہوں نے متعدد سیٹلائٹس کے ڈاٹا استعمال کیے، جن میں ناسا  کا سولر ڈائنامک اوبزر ویٹری ( ایس ڈی او ) ، سولر اوربیٹر ( ایس او 1 او ) ، اسٹیریو – اے ، وِنڈ  شامل ہیں۔

ایس ڈی او  کی انتہائی  الٹرا وائلٹ تصاویر سے  سی ایم ای  کے ماخذ علاقے کے قریب ایک کورونل ہول موجود ہونے کا پتہ چلا ، جب  سی ایم ایز  ،  ان کورونل ہولز کے قریب پھوٹتی ہیں، تو انہیں اکثر تیز رفتار سولر ونڈ اپنے ساتھ لے جاتا ہے۔ ویما ریڈی نے مزید کہا کہ  “اس چھپے ہوئے اخراج میں قریبی کورونل ہول نے ممکنہ طور پر مدد کی، جس سے  سی ایم ای  سورج سے زمین تک پہنچ سکی، ورنہ یہ ممکنہ طور پر سورج کے قریب تحلیل ہو جاتی۔” یہ دریافت کورونل ہولز کے ایسے چھوٹے شمسی  اخراجات کی رفتار اور رہنمائی میں  ان کے رول  کو اجاگر کرتی ہے۔

مطالعے میں بین سیارہ جاتی  کورونل ماس ایجیکشن  ( آئی سی ایم ای )  کے شعاع کے ارتقاء ( ریڈیئل ایوولوشن )  کا بھی جائزہ لیا گیا، جس کے لیے سورج سے تقریباً  شعاعی فاصلے میں موجود سیٹلائٹس جیسے ایس او 1 او ، اسٹیریو – اے  اور  وِنڈ   کے  اِن سیٹو  مشاہدات استعمال کیے گئے۔  آئی سی ایم ای ، جو ایک تیز رفتار سولر ونڈ کے پیچھے سفر کر رہا تھا، بغیر کسی واضح شاک یا شیٹھ کے دریافت ہوا۔

مشاہدات سے یہ ظاہر ہوا کہ آئی سی ایم ای میں منسلک مقناطیسی بادل  ( میگنیٹک کلاؤڈ )  کی وسعت بڑھ رہی تھی، جس کی خصوصیات رفتار میں کمی، شعاعی حجم میں اضافہ ( ایس او 1 او  پر 0.08 اے یو  سے  ایس ٹی اے  پر  0.18 اے یو ، جہاں 1 اے یو  سورج اور زمین کے درمیان فاصلے کے برابر ہے) اور پھیلاؤ کی رفتار میں کمی تھیں۔ اس دوران مقناطیسی میدان کی ساخت نے بھی گردش ظاہر کی، جس کی دائیں ہاتھ کی ہیلکسی  ( رائٹ – ہینڈڈ ہیلیسٹی )  ماخذ علاقے سے ہم آہنگ تھی۔

شکل: سورج کی ڈسک پر سی ایم ای کا ماخذ علاقہ ، جس میں کرونل سوراخ اور تنت دکھائی دے رہے ہیں (اے ) سورج کی الٹرا وائیلیٹ اے آئی اے تصویر 193 Å پر ، (بی ) سورج کی یووی تصویر 212 Å پر ، (سی ) مقناطیسی میدان کی تقسیم ، ( ڈی ) ماخذ کے علاقے کو زوم ان کریں ، (ای – ایف ) تنت کے ساتھ ہلکے روشن چینلز کو ظاہر کرنے والی مختلف تصاویر ۔

آئی سی ایم ای  میں مقناطیسی بادل کی حدود کے قریب پلازما کی کثافت میں اضافہ دیکھا گیا۔ اس مطالعے میں مشاہدہ شدہ جیومیگنیٹک انڈیکس کا بھی ماڈل تیار کیا گیا، جو سولر ونڈ کی رفتار، کثافت، آئی سی ایم ای  کے مقناطیسی میدان، اور برقی میدان کا  عمل ہے۔ ماڈل شدہ طوفان کی شدت نے مشاہدہ شدہ جیومیگنیٹک انڈیکس کے ساتھ زبردست مطابقت دکھائی، خاص طور پر جب سولر ونڈ کی کثافت اور برقی میدان میں تبدیلیوں کو مدنظر رکھا گیا۔

یہ مطالعہ اس بات کو اجاگر کرتا ہے کہ کس طرح ایک معمولی سی ایم ای ، جو سورج کے قریب نظر نہیں آتی لیکن جس میں جنوب کی سمت کے مقناطیسی اجزاء اور بڑھتی ہوئی کثافت موجود ہو، شدید جیومیگنیٹک طوفان پیدا کر سکتی ہے، جو پیچیدہ سولر ونڈ ڈھانچے اور ارتقاء پذیر مقناطیسی نشانات کے ساتھ ہیلیوسفیئر میں سفر کرتی ہے۔ اس متحرک ارتقاء  سے یہ واضح ہوتا ہے کہ چھپے ہوئے  سی ایم ایز  کے اثرات کی پیش گوئی میں کتنا چیلنج  موجود ہے۔

یہ مطالعہ ‘‘ دی ایسٹرو فزیکل جرنل ’’  میں شائع ہوا، جس کا عنوان ہے:  “شدید جیومیگنیٹک طوفان ، جو چھپے ہوئے کورونل ماس ایجیکشن ( اسٹیلتھ سی ایم ای ) سے پیدا ہوا: قریباً شعاعی فاصلے پر موجود سیٹلائٹس کے ذریعے دور سے اور مقامی مشاہدات ’’ ۔  اس کے مصنفین پی ویما ریڈی  ، جن کا تعلق   آئی آئی اے   ہے اور کے سیلوا بھارتی   ، جن کا تعلق   آئی آئی ایس ای آر  تروپتی سے ہے اور  آئی آئی اے  میں  ایم ایس سی انٹرنشپ  طالب  علم ہیں،  ان مصنفین میں شامل ہیں۔

**********

( ش ح ۔  ش ب  ۔ ع ا )

U.No. 1302

(रिलीज़ आईडी: 2220863) आगंतुक पटल : 7