وزارت ہر سال سیاحت سے متعلق اعداد و شمار بیورو آف امیگریشن   سے موصول ہونے والے ڈیٹا کی بنیاد پر مرتب کرتی ہے، جن میں بھارت آنے والے غیر ملکی سیاحوں کی آمد شامل ہوتی ہے۔ وزارت ملک کے اندر غیر ملکی سیاحوں کے سفری رجحانات یا مقامات سے متعلق مزید تفصیلی درجہ بندی برقرار نہیں رکھتی۔

ریاستوں اور مرکز کے زیرِ انتظام علاقوں کی جانب سے فراہم کردہ غیر ملکی سیاحوں کے گھومنے کے اعداد و شمار کے مطابق، سال 2024 میں غیر ملکی سیاحوں کی سب سے زیادہ آمد حاصل کرنے والی پانچ سرفہرست ریاستیں مہاراشٹر، مغربی بنگال، گجرات، اتر پردیش اور راجستھان رہیں۔

سال 2024 میں بھارت میں غیر ملکی سیاحوں کی آمد 9.95 ملین رہی، جو 2023 کے مقابلے میں 4.52 فیصد بحالی کو ظاہر کرتی ہے، تاہم یہ 2019 (وبا سے قبل آخری معیاری سال) کے مقابلے میں 8.95 فیصد کم ہے۔ یہ اعداد و شمار علاقائی سطح پر مختلف رجحانات کی عکاسی کرتے ہیں، جہاں بعض خطوں نے کووِڈ سے پہلے کی سطح کو عبور کر لیا ہے جبکہ کچھ اب بھی پیچھے ہیں۔ تاہم، بین الاقوامی سیاحوں کی آمد  2023 ہی میں 2019 کے 17.91 ملین کے ہندسے کو عبور کر چکی تھی۔ 2023 میں آئی ٹی اے 18.89 ملین رہی، جبکہ 2024 میں یہ مزید بڑھ کر 20.57 ملین تک پہنچ گئی۔

بیرونِ ملک تشہیر اور پروموشن کی ازسرِ نو تشکیل شدہ اسکیم کے تحت بین الاقوامی تشہیر اور مارکیٹ ڈیولپمنٹ اسسٹنس کے لیے گزشتہ اور موجودہ مالی سال میں مختص فنڈز کی تفصیل درج ذیل ہے:

• 2024-25 (نظرِ ثانی شدہ تخمینہ): 33.00 کروڑ روپے
• 2025-26 (نظرِ ثانی شدہ تخمینہ): 43.48 کروڑ روپے

سال 2024 میں بین الاقوامی سیاحوں کی تعداد کے لحاظ سے بھارت کی عالمی درجہ بندی 20ویں رہی، جہاں 20.57 ملین بین الاقوامی سیاح آئے، جو 2019 کے مقابلے میں 14.85 فیصد اضافہ ظاہر کرتا ہے۔ دیگر ممالک کے ساتھ موازنہ کرنے پر واضح ہوتا ہے کہ بھارتی سیاحتی شعبے کی بحالی سست نہیں رہی، جیسا کہ جدول میں دکھایا گیا ہے۔

 

 

 تیسرے ٹورزم سیٹلائٹ اکاؤنٹ اور پیریوڈک لیبر فورس سرویز کی بنیاد پر کیے گئے تخمینوں کے مطابق، سیاحتی شعبے میں (براہِ راست اور بالواسطہ) روزگار کی تعداد 19-2018 میں 75.85 ملین سے بڑھ کر 24-2023 میں 84.63 ملین ہو گئی ہے۔ وزارت کے پاس سیاحت کے شعبے میں روزگار کے صنفی بنیاد اور دیہی و شہری تقسیم سے متعلق تفصیلی تخمینے دستیاب نہیں ہیں۔

یہ معلومات آج راجیہ سبھا میں   سیاحت و ثقافت  کے مرکزی وزیر مملکت جناب گجیندر سنگھ شیخاوت نے ایک تحریری جواب میں فراہم کیں۔

************

ش ح ۔   م  د ۔  م  ص

(U :1242    )

(ریلیز آئی ڈی: 2220353) وزیٹر کاؤنٹر : 10