ایک نئے مطالعے میں یہ پہچان کی گئی ہے کہ مغربی بھارت سے اٹھنے والے صحرائی دھول کے بادل کے ساتھ فضائی جراثیم مشرقی ہمالیہ کے بلند پہاڑی علاقوں تک پہنچتے ہیں، جو سانس اور جلدی بیماریوں سے جڑے ہیں۔

ہمالیہ کے پہاڑی علاقوں کا ماحول عام طور پر انسانی صحت کے لیے مفید سمجھا جاتا ہے، لیکن یہ معلوم ہوا ہے کہ سرد موسمی حالات اور کم آکسیجن (ہائپوکسیا) ان علاقوں میں صحت کی کمزوری کو بڑھا سکتے ہیں۔ فضائی جراثیم کے تعلق کو بلند پہاڑی ہمالیائی آبادی میں سانس کی بیماریوں سے جوڑنے کے حوالے سے محدود شواہد موجود ہیں، اور سرحد پار دھول کی منتقلی کے مائیکروبیولوجیکل پہلو کو ابھی تک مکمل طور پر سمجھا نہیں گیا ہے۔ یہ علم کا خلا محققین کو موجودہ مطالعے کی طرف لے گیا۔

مغربی بھارت کے خشک علاقوں سے اٹھنے والے دھول کے طوفانوں کی دو سال سے زائد مسلسل نگرانی کے دوران، سائنس اور ٹیکنالوجی ( ڈی ایس ٹی) کےمحکمہ کے خودمختار ادارے بوس انسٹی ٹیوٹ کے محققین نے پایا کہ طاقتور دھول کے طوفان سیکڑوں کلومیٹر سفر کر سکتے ہیں، گنجان آباد اور آلودہ ہند-گنگائی کے میدان کو عبور کرتے ہوئے آخرکار ہمالیہ کے پہاڑی علاقوں میں جمع ہو جاتے ہیں۔

تصویر: ایک خاکہ جو ہمالیہ کے پہاڑی علاقوں کے فضائی بیکٹیریائی کمیونٹی کو اجاگر کرتا ہے، جو افقی طور پر منتقل ہونے والے صحرائی دھول سے وابستہ جراثیم اور عمودی طور پر بلند ہونے والی آلودہ ہوا کے ذریعے ہمالیائی علاقوں سے آنے والے فضائی جراثیم سے متاثر ہوتی ہے، جو مل کر مشرقی ہمالیہ میں انسانی صحت پر اثر ڈالتی ہیں۔

یہ فضائی بیکٹیریا لے کر آتے ہیں، جن میں ایسے جراثیم بھی شامل ہیں جو انسانی صحت کو متاثر کر سکتے ہیں۔

منتقل شدہ جراثیم کی وجہ سے صرف سانس اور جلد کی بیماریاں ہی نہیں، بلکہ عمودی طور پر اٹھنے والی ہوا مقامی جراثیم کو اونچے پہاڑی فضا میں داخل کرتی ہے، جہاں یہ دور دراز سے آنے والے طویل فاصلے کے جراثیم کے ساتھ مل جاتی ہے۔ یہ سب مل کر ہمالیہ کے اوپر تیرتی بیکٹیریائی کمیونٹی کو دوبارہ تشکیل دیتے ہیں، اور معدے و نظامِ ہاضمہ کی بیماریوں میں بھی اضافہ کرتے ہیں۔

اس قسم کے پہلے مطالعے کے نتائج، جو جریدہ ‘‘سائنس آف دی ٹوٹل انوائرمنٹ’’  میں شائع ہوئے، نے مقداری طور پر ظاہر کیا کہ ہمالیہ کے اوپر فضائی بیکٹیریائی کمیونٹی میں خلل افقی طویل فاصلے کی دھول کی منتقلی اور پہاڑی دامن سے اٹھنے والی آلودہ ہوا کی عمودی منتقلی کی وجہ سے پیدا ہوتا ہے، جس کے براہِ راست اثرات عوامی صحت پر پڑتے ہیں۔

یہ تحقیق انسانی صحت کے لیے قومی عملی منصوبوں کو مضبوط بنانے اور صحت کی پیش گوئی کے نظام تیار کرنے کے لیے اہم معلومات فراہم کرتی ہے، جو “وکست بھارت @ 2047” کے وژن کے مطابق ہیں۔

******

(ش ح۔ع ح۔اش ق(

U.No. 1179

(रिलीज़ आईडी: 2219539) आगंतुक पटल : 11