গৃহ মন্ত্ৰালয়
ৰাজ্যৰ বিশিষ্ট ব্যক্তিসকল পদ্ম বঁটাৰে সন্মানিত হোৱা উপলক্ষত কেন্দ্ৰীয় গৃহমন্ত্ৰীয়ে অসমৰ অৱদানৰ ওপৰত আলোকপাত কৰে
পোষ্ট কৰা হৈছে:
26 JAN 2026 10:05PM by PIB Guwahati
ৰাজ্যৰ কেইবাগৰাকীও বিশিষ্ট ব্যক্তিক কালি ঘোষণা কৰা সন্মানীয় পদ্ম বঁটাৰে ভূষিত কৰা হয় আৰু এই উপলক্ষে কেন্দ্ৰীয় গৃহমন্ত্ৰী শ্ৰী অমিত শ্বাহে আজি ভাৰতৰ সাংস্কৃতিক, সামাজিক আৰু জনজীৱনত অসমৰ চহকী অৱদানৰ ওপৰত আলোকপাত কৰে।
তেওঁৰ এক্স হেণ্ডেলত লিখা এটা পোষ্টত তেওঁ উল্লেখ কৰিছে যে:
"পদ্ম বঁটাসমূহে অসমৰ সৃজনশীলতা আৰু দেশপ্ৰেমক আলোকিত কৰিছে। কলাৰ ক্ষেত্ৰত শ্ৰীহৰিচৰণ শইকীয়া, নুৰুদ্দিন আহমেদ আৰু শ্ৰীমতী পখিলা লেকথেপিয়ে পদ্মশ্ৰী সন্মান লাভ কৰিছে। কৃষিৰ ক্ষেত্ৰত অৱদানৰ বাবে শ্ৰীযোগেশ দেউৰীক আৰু সামাজিক কাৰ্যৰ ক্ষেত্ৰত প্ৰয়াত কবীন্দ্ৰ পুৰকায়স্থক সন্মানিত কৰা হৈছে।
এই সন্মানসমূহে সমন্বিতভাৱে ভাৰতৰ ৰাজহুৱা জীৱন সমৃদ্ধ কৰাত অসমৰ শক্তিশালী ভূমিকাক প্ৰতিনিধিত্ব কৰে৷"
(ৰিলিজ আই ডি : 2218929)
অতিথি কক্ষ : 58